Matewu 22:3 - BIBELE Mahungu Lamanene

³ Yi rhuma malandza ya yona ku ya vitana lava nga rhambiwa enkhubyeni, kambe vona va ala ku ta.

Testamente Leyimpsha Xichangana

³ Yirhuma svitirhi sva yona kuyavitana lavangarhambiwa nkhubzeni, kambe vona vayala kuta.

Xitsonga (Bibele)

³ Kutani a rhuma malandza ya yena ku ya vitana lava nga rhambiwa enkhubyeni, kambe va ala ku ta.

Matewu 22:3 Iomraidhean Croise

Pisalema 68:11

N'wini wa hinkwaswo ú lo vulavula kunene, kutani ntshungu wa vavasati wu huwelela hi ku tsaka wu ku:

Esaya 30:15

HOSI N'wini wa hinwaswo, Muhlawuleki wa Israele, ú mi byerile, a ku: “Tlhelelani eka mina, mi tshama mi ku whíí, ndzi ta mi ponisa, loko mi va vanhu lavo rhula, lava va ndzi tshembaka, mi ta kuma matimba.” Kambe n'wina a mi pfumelanga,

Yeremiya 25:4

A mi pfumelanga ku rhiya ndleve mi yingisa, hambileswi HOSI Xikwembu xi nga tshikangiki ku mi rhumela malandza ya xona hinkwawo va nga vaprofeta,

Yeremiya 35:15

Ndzi mi rhumerile vaprofeta malandza ya mina; minkarhi hinkwayo a ndzi va rhwexa mahungu lama nge: ‘Hinkwenu hundzukani mi tshika tindlela ta n'wina leto homboloka, mi lulamisa mahanyelo ya n'wina, mi nga ha landzeleli swikwembu swa hava, mi nga swi nkhinsameli. Loko mo endla tano, mi ta tshamiseka etikweni leri ndzi ri nyikeke n'wina ni vatata wa n'wina.’ Kambe mi arile ku ndzi yingisa.

Hosiya 11:2

Loko ndzi va vitana, vona vo ala, va ndzi fularhela; va ya emahlweni va humesela Baali emagandzelo, va hisela swikwembu swa hava emirhi ya risuna.

Hosiya 11:7

Vanhu va mina va ni ntolovelo wa ku ndzi fularhela, hikokwalaho va rhwexiwile mpingu, ku hava loyi a nga ta va rhula wona.

Sofoniya 1:7

Miyelani emahlweni ka HOSI N'wini wa hinkwaswo, hikuva siku ra yena ri le kusuhi; ú lulamisile magandzelo, a hlawulekisa ni lava a va rhambeke.

Matewu 21:34

Loko nkarhi wa ku tshovela mihandzu wu ri kusuhi, a rhuma malandza ya yena eka vatirhi, ku ya teka mihandzu ya nsimu ya yena.

Matewu 23:37

“Yerusalema, Yerusalema, wena la dlayaka vaprofeta, la khandlaka hi maribye lava rhumiweke ka wena, kangani ndzi naverile ku hlengeleta vana va wena, kukotisa huku loko yi hlengeleta swiciwana swa yona ehansi ka timpapa ta yona, kambe a wu swi lavanga.

Matewu 3:2

a ku: “Hundzukani, hikuva Mfumo wa matilo wu le kusuhi.”

Matewu 9:15

Yesu a ku ka vona: “Xana tinxangwana ta muteki ti nga rila loko muteki a ha ri na tona ke? Kambe masiku ma ta ta, lawa muteki a nga ta susiwa eka tona; hi kona ti nga ta titsona swakudya.

Luka 13:34

“Yerusalema, Yerusalema, wena la dlayaka vaprofeta, la khandlaka hi maribye lava rhumiweke eka wena; kangani ndzi naverile ku hlengeleta vana va wena, kukotisa huku loko yi hlengeleta swiciwana swa yona ehansi ka timpapa ta yona, kambe a wu swi lavanga.

Luka 15:28

Kambe n'wana lonkulu a kariha, a ala ku nghena. “Tata wa yena a huma, a ya n'wi khongotela.

Luka 19:27

Loko va ri valala va mina lava nga lavangiki leswaku ndzi va fuma, va tiseni kwala, mi va dlaya emahlweni ka mina.’ ”

Yohane 5:40

Kutani a mi swi lavi ku ta eka mina leswaku mi ta kuma vutomi.

Timhaka 13:45

Kambe loko Vayuda va vona mintshungu, va tala mavondzo, kutani va kaneta ni ku sandza leswi vuriwaka hi Pawulo.

Varhoma 10:21

Kambe, hi tlhelo ra Vaisraele, ú ri: “Masiku hinkwawo ndzi tshambulutile mavoko ya mina, ndzi vitana vanhu va mina lava tiarisaka, lava lwaka na mina.”

Vaheveru 12:25

Tivoneleni leswaku mi nga aleli loyi a vulavulaka. Lava aleke ku yingisa mutsundzuxi wa vona laha misaveni, a va ponanga. Hikokwalaho, xana hina hi nga ponisa ku yini, loko hi ala ku yingisa loyi a hi tsundzuxaka a ri ematilweni xana?

Vaheveru 9:15

Hikokwalaho, hi yena muyimeri wa papila lerintshwa ra ndzhaka, leswaku lava vitaniweke, va ta kota ku amukela ndzhaka leyi nga heriki leyi va tshembisiweke yona; hikuva ku humelele rifu leri ri va kutsulaka emilandzwini leyi a va ri na yona, ehansi ka papila lero rhanga.

Nhlavutelo 22:17

Moya ni Mutekiwa va ri: “Tana! Ni loyi a swi twaka a a vule a ku: ‘Tana!’ Loyi a nga ni torha a a te; ni loyi a swi navelaka a a nwe mati ya vutomi a nga hakeli.”

1 SAMIELE 9:13

Loko mi hatla mi nghena emutini, mi ta n'wi kuma a nga si tlhandlukela exitsungeni lexo hlawuleka ku ya dya kona, hikuva leswi a nga yena la fanelaka ku katekisa mhamba, vanhu a va nga dyi loko yena a nga si fika; lava rhambiweke va ta dya loko yena a dyile. Kutani ke, fambani, mi ta n'wi kuma sweswi-sweswi!”