Matewu 22:24 - BIBELE Mahungu Lamanene

²⁴ “Mudyondzisi, Muxe ú te: ‘Loko munhu a fa a nga ri na vana, makwavo wa yena ú ta teka nsati wa mufi, a pfuxa ndyangu wa makwavo.’

Testamente Leyimpsha Xichangana

²⁴ “Mujondzisi, Moxe ate: ‘Loko munhu afa angali na vana, makwavu atateka nsati wa mufi, apfuxa njangu wa makwavu.’

Xitsonga (Bibele)

²⁴ “Mufundhisi, Muxe u te: ‘Munhu loko a file a nga ri na vana, makwavo u ta teka nsati wa yena, a velekela makwavo vana.’

Matewu 22:24 Iomraidhean Croise

Genesa 38:11

Hikokwalaho, Yuda a ku ka Tamara: “U to va noni u ri karikwenu, ku kondza Xela a kula.” Yuda a a chava leswaku Xela na yena a nga fa ku fana ni vamakwavo. Hiloko Tamara a tlhelela ekarikwavo, a ya tshama kona.

Genesa 38:8

Kutani Yuda a ku ka Onani: “Yana eka nsati wa makwenu, u hlayisana na yena, u kumela makwenu evana.”

Matewu 22:16

Kutani va rhuma vadyondzisiwa va vona ni va ntlawa wa Vaheroda, va ya n'wi byela, va ku: “Mudyondzisi, ha swi tiva leswaku u vula leswi tiyeke, ni leswaku u dyondzisa ndlela ya Xikwembu hi ntiyiso u nga landzeleli swa vanhu, hikuva a wu yi hi nghohe.

Matewu 22:25

Sweswi ku ni mhaka leyi: A ku ri ni vamakwavo va 7 exikarhi ka hina; lowa mativula a a tekile nsati, kutani a fa, a nga ri na vana; hikwalaho ka swona, ndzisana ya yena yi sala yi hlayisa nsati wa kona.

Matewu 22:36

“Mudyondzisi, xana nawu lowukulu eMilawini hi wihi xana?”

Matewu 7:21

“A hi hinkwavo lava nge ka mina: ‘Hosi, Hosi’ lava nga ta nghena eMfun'weni wa matilo, kambe ku ta nghena la endlaka ku rhandza ka Tata wa mina la nge matilweni.

Marka 12:19

“Mudyondzisi, Muxe ú hi tsalele leswi: ‘Loko munhu a fa a siya nsati, kambe a nga si va ni n'wana, makwavo ú ta hlayisa nsati wa mufi, a pfuxa ndyangu wa makwavo.’

Luka 20:28

“Mudyondzisi, Muxe ú hi tsalele leswi: ‘Loko munhu a tekile nsati, kutani a fa a nga ri na vana, makwavo ú ta sala a hlayisa nsati wa mufi, a pfuxa ndyangu wa makwavo.’

Luka 20:33

Leswi lava 7 hinkwavo va veke vanuna va wansati loyi, xana hi siku ra ku pfuka eku feni, ú ta va nsati wa mani exikarhi ka vona xana?”

Luka 6:46

“Xana mi ndzi vulela yini: ‘Hosi, Hosi’ xana, kasi a mi endli leswi ndzi mi byelaka swona!

Rhuti 1:11

Kambe Nahumi a ku: “Tlhelani vana vanga. Mi ta fambela yini na mina ke? Xana ndzi nga ha mi velekela majaha lawa ma nga ta va vanuna va n'wina xana?

Rhuti 3:13

Wisa kwala vusiku lebyi, kutani nimixo loko munhu loyi a nkhensa ku ku hlayisa hi mukhuva wa ndzhaka, swi ta va swi sasekile, a a ku hlayise. Kambe loko a nga swi tsakeli, ndzi tiyisa emahlweni ka Xikwembu lexi hanyaka leswaku mina ndzi ta ku hlayisa. Sweswi, etlela ri ko ri xa.”

Rhuti 4:5

Hiloko Bowazi a ku: “Siku u amukelaka nsimu emavokweni ya Nahumi, swi tive leswaku u yi amukela xikan'we na Rhuti wa le Mowabu, la nga siya hi mufi. Hi ndlela leyi u ta pfuxa xivongo xa mufi, xi hundzela eka vatukulu va yena.”