Matewu 21:23 - BIBELE Mahungu Lamanene

²³ Kuteloko Yesu a fikile eTempeleni, vaprista lavakulu ni vakulukumba va tiko va ta ka yena loko a ri karhi a dyondzisa, va ku ka yena: “Xana u endla swilo leswi hi matimba wahi ke? Naswona matimba walawo, u nyikiwile hi mani xana?”

Testamente Leyimpsha Xichangana

²³ Kuteloko Yesu afikile Tempeleni, Vaprista lavakulu ni vakulukumba va tiko vata ka yena loko ali karhi ajondzisa, vaku ka yena: “Xana uyendla svilo lesvi hi matimba wahi ke? Nasvona matimba wolawo, unyikiwile hi mani xana?”

Xitsonga (Bibele)

²³ Kuteloko a fike etempeleni, vaprista lavakulu ni vakulukumba va tiko va ta eka yena a ri karhi a dyondzisa, va ku eka yena: “Swilo leswo, u swi endla hi matimba wahi? Matimba walawo u nyikiwile hi mani xana?”

Matewu 21:23 Iomraidhean Croise

Eksoda 2:14

Yena a hlamula a ku: “Xana u vekiwile hi mani ku va ndhuna ni mulamuri wa hina xana? Xana u lava ku ndzi dlaya ku fana ni Muegipta loyi u n'wi dlayeke xana?” Kavaloko Muxe a khomiwa hi ku chava, kutani a vulavula hi mbilu, a ku: “Swi vula leswaku mhaka leyi se ya tiviwa!”

Matewu 20:4

a ku ka vona: ‘Na n'wina, yanani ensin'wini ya vhinya, ndzi ta mi nyika leswi nga swona.’

Matewu 21:24

Yesu a va hlamula, a ku: “Na mina, ndzi ta mi vutisa xivutiso xin'we; loko mi ndzi hlamula xona, hi kona na mina ndzi nga ta mi byela lomu matimba lawa ndzi tirhaka ha wona, ma humaka kona.

Matewu 24:1

Loko Yesu a ri karhi a huma hi le Tempeleni a famba, vadyondzisiwa va ta ka yena va n'wi komba tindlu ta Tempele.

Matewu 26:55

Enkarhini wolowo, Yesu a ku ka ntshungu: “Leswi mi humeke mi ri ni mabanga ni tinhonga ku ta ndzi khoma, ndzo va xigevenga xana? Masiku hinkwawo a ndzi tshama eTempeleni, ndzi karhi ndzi dyondzisa: A mi ndzi khomanga.

Luka 19:47

Yesu a a dyondzisa eTempeleni masiku hinkwawo. Kambe vaprista lavakulu ni vatsari swin'we ni vakulukumba va tiko, a va lava ku n'wi dlaya.

Luka 20:1

Siku rin'wana, loko Yesu a dyondzisa vanhu eTempeleni ni ku va tivisa Evhangeli, vaprista lavakulu ni vatsari va fika swin'we ni vakulukumba va tiko, va ku ka yena:

Timhaka 4:7

Kuteloko va yimisile vaapostola ehubyeni, va va vutisa va ku: “Mi endlile swilo leswi hi matimba wahi kumbe hi vito ra mani xana, n'wina vanhu ndzin'wina?”

Timhaka 7:27

Kambe loyi a nga rhanga a pfuka loyi un'wana, a bakanya Muxe, a ku: ‘I mani la nga ku veka hosi ni muavanyisi wa hina xana?