Matewu 21:12 - BIBELE Mahungu Lamanene

¹² Kutani Yesu a nghena eTempeleni, a hlongola hinkwavo lava xavisaka ni lava xavaka Tempeleni, va humela handle; a wisetela matafula ya lava bindzurisaka mali, ni switshamu swa lava xavisaka matuva,

Testamente Leyimpsha Xichangana

¹² Kutani Yesu anghena Tempeleni, ahlongola hinkwavu lava vaxavisaka ni lava vaxavaka Tempeleni, vahumela handle; awisetela mimeza ni svitshamu sva lava vaxavisaka svituvana,

Xitsonga (Bibele)

¹² Kutani Yesu a nghena etempeleni ya Xikwembu, a hlongolela ehandle hinkwavo lava xavisaka, ni lava xavaka etempeleni, a susumeta matafula ya lava bindzulaka hi mali, ni switshamo swa lava xavisaka matuva,

Matewu 21:12 Iomraidhean Croise

Eksoda 30:13

Un'wana ni un'wana la hundzaka eku hlayiweni, ú ta humesa nhlengo wa silivhere ya 6 g, yi nga hafu ya ntiko wo pima ha wona, lowu hlayisiwaka exivandleni lexo hlawuleka; nhlengo lowu wu ta va wa mina HOSI,

Levhitika 1:14

“Loko munhu a lava ku humesela HOSI Xikwembu yin'wana ya tinyanyana, a endla ha yona magandzelo lama hisiwaka, ú fanele ku humesa matuva kumbe mavondlo ya matuva.

Levhitika 12:6

“Loko masiku ya ku basisiwa ka wansati la velekeke n'wana wa mufana kumbe wa nhwanyana ma ta va ma herile, wansati yoloye ú fanele ku lava xinyimpfana xa lembe rin'we xo humesa magandzelo lama hisiwaka, ni tuva kumbe vondlo ra tuva ro humesa mhamba yo susa swidyoho, kutani a ya na swona eka muprista enyangweni ya Ntsonga lowo Hlawuleka.

Levhitika 12:8

Loko wansati wa kona a pfumala xinyimpfana, a nga ta ni matuva mambirhi kumbe mavondlo mambirhi ya matuva; rin'we ri ta va ra magandzelo lama hisiwaka, lerin'wana ri va ra mhamba yo susa swidyoho. Muprista ú ta basisa wansati hi matuva lawa, kutani wansati ú ta tlhela a va la tengeke.”

Levhitika 14:22

Kumbe a nga humesa matuva mambirhi, hambi ma ri mavondlo mambirhi ya matuva, hi ku ya hi leswi a swi kotaka; tuva rin'we ri ta va ra mhamba yo susa swidyoho, lerin'wana ra magandzelo lama hisiwaka.

Levhitika 14:30

Muprista ú ta humesa ni matuva, kumbe mavondlo ya matuva hi ku ya hi leswi muvabyi a swi kotaka,

Levhitika 15:14

Kutani hi siku ra vu-8, ú fanele ku tilavela matuva mambirhi kumbe mavondlo mambirhi ya matuva, a ya na wona emahlweni ka HOSI Xikwembu, a fika a ma nyika muprista enyangweni ya Ntsonga lowo Hlawuleka.

Levhitika 15:29

Hi siku ra vu-8, ú fanele ku tilavela matuva mambirhi kumbe mavondlo mambirhi ya matuva, a ya na wona eka muprista, enyangweni ya Ntsonga lowo Hlawuleka.

Levhitika 5:11

“Loko munhu loyi a pfumala matuva mambirhi kumbe mavondlo mambirhi ya matuva yo susa ha wona xidyoho lexi a xi endleke, a nga humesa xintewana xin'we xa mapa lamanene yi va mhamba yo susa swidyoho leswi a swi endleke; mapa lawa, ma nga tshuki ma cheriwa mafurha kumbe murhi wa risuna, hikuva i mhamba yo susa swidyoho.

Levhitika 5:7

“Munhu wa kona a nga tshuka a pfumala xifuwo lexitsongo xo susa ha xona xidyoho lexi a xi endleke. Loko swi ri tano, ú ta humesela HOSI Xikwembu matuva mambirhi kumbe mavondlo mambirhi ya matuva, rin'we ri va ra mhamba yo susa swidyoho, lerin'wana ri va ra magandzelo lama hisiwaka.

Marka 11:11

Yesu a fika eYerusalema, a ya nghena eTempeleni, a rhendzeleka a ri karhi a languta hinkwaswo; kambe leswi a ri perile, a huma, a ya eBetaniya ni lava khume na vambirhi.

Luka 2:24

Naswona va humesa magandzelo lama lerisiweke eNawini wa Hosi, ma nga matuva mambirhi, kumbe mavondlo mambirhi ya matuva.

Yohane 2:13

Nkhuvo wa Paseka ya Vayuda a wu ri kusuhi, kutani Yesu a tlhandlukela eYerusalema.