Matewu 20:8 - BIBELE Mahungu Lamanene

⁸ “Kutani nimadyambu n'wini wa nsimu ya vhinya a ku ka mulanguteri wa swilo swa yena: ‘Vitana vatirhi, u va nyika hakelo ya vona; u ta sungula hi lava nga ta endzhaku, u hetelela hi lava nga rhanga va ta.’

Testamente Leyimpsha Xichangana

⁸ “Kutani loko svilava kuva vusiku n'winyi wa nsimu ya mvhinya aku ka muhlayisi wa svilo sva yena: ‘Vitana vatirhi, uvanyika hakelo ya vona; utasungula hi lava vangata ndzhaku, ugamesa hi lavangarhanga vatirha.’

Xitsonga (Bibele)

⁸ Kutani nimadyambu n'wini wa nsimu ya vhinya a ku eka mulanguteri wa yindlu ya yena: ‘Vitana varimi, u va nyika hakelo ya vona, u sungula hi lave ndzhaku ku hetelela hi lavo rhanga.’

Matewu 20:8 Iomraidhean Croise

Genesa 15:2

Kambe Abrama a hlamula a ku: “We Xikwembu N'wini wanga, xana u to ndzi nyika yini, hikuva ku fikela sweswi a ndzi si va na n'wana, kutani loyi a nga ta dya ndzhaka ya mina i Eliezere wa le Damaska.”

Genesa 43:19

Kuteloko va fika enyangweni ya yindlu, va vulavula ni mulanguteri wa muti wa Yosefa, va ku ka yena:

Levhitika 19:13

“Mi nga tshuki mi xanisa munhukuloni kumbe ku n'wi tekela swilo swa yena; naswona loko mi thorile munhu, mi nga tshuki mi tshama ni muholo wa yena ku fikela siku leri tlhandlamaka.

Matewu 20:7

Va n'wi hlamula va ku: ‘Hi tshamile, hikuva a hi thoriwanga.’ A ku ka vona: ‘Na n'wina, yanani ensin'wini ya vhinya.’

Matewu 20:9

Kutani lava nga thoriwa kwalomu ka nkarhi wa 5 nimadyambu, va ta, un'wana ni un'wana a kuma denari yin'we.

Matewu 25:19

Endzhaku ka masiku layo tala, n'wini wa malandza walawo a fika, kutani a ma kambela.

Matewu 25:31

“Siku N'wana-wa-Munhu a taka hi ku kwetsima ka yena, ni tintsumi hinkwato ti ri na yena, ú ta tshamisa exiluvelweni xa yena xo kwetsima.

Luka 10:7

Tshamani emutini wolowo, mi dya ni ku nwa leswi va mi nyikaka swona, hikuva la tirhaka ú lulameriwe hi hakelo ya yena. Mi nga rhurharhurhi hi miti.

Luka 12:42

Yesu a hlamula a ku: “Xana mulanguteri lowo tshembeka wa vutlhari i mani xana? Hi loyi n'wini wa yena a nga ta n'wi kuma a ri karhi a hlayisa malandza laman'wana, a ma avela swakudya hi nkarhi wa kona, hikuva hi wona ntirho lowu a nyikiweke wona. Mulanguteri yoloyi ú ta va a katekile, siku n'wini wa yena a vuyaka.

Luka 8:3

na Yohana, nkata Khuza ndhuna ya Heroda, na Suzana, ni vavasati van'wana lavo tala lava a va tirhisa swa vona ku pfuna Yesu ni vadyondzisiwa va yena.

2 Vakorinto 5:10

Hikuva hinkwerhu hi ta fanela ku yima emahlweni ka xitshamu xa ku avanyisa xa Kriste, leswaku un'wana ni un'wana a ta amukela hakelo ya leswi a swi endleke loko a ha ri emirini, leswo saseka kumbe leswo biha.

Duteronoma 24:15

Siku rin'wana ni rin'wana mi fanele ku n'wi nyika muholo wa siku rero; naswona n'wi nyikeni dyambu ri nga si pela, hikuva i xisiwana, ú tshembe wona ntsena; loko mi nga endli sweswo, ú ta yisa xirilo xa yena eka HOSI Xikwembu, kutani mi ta tikuma mi ri enandzwini.

Tito 1:7

hikuva murhangeri ekerekeni ú fanele ku va munhu wo pfumala xisandzu, leswi a langutelaka ntirho wa Xikwembu. A nga tshuki a va munhu la titivaka ngopfu, kumbe munhu wa ximbilwa-mbilwana. A nga vi xidakwa, kumbe munhu wa tinyimpi, kumbe wa makwanga;

Vaheveru 9:28

swi tano na Kriste: Ú nyiketiwile kan'we ku rhwala swidyoho swa lavo tala; hikokwalaho, ú ta humelela ra vumbirhi, ku nga ri ku ta susa swidyoho, kambe ku ta ponisa lava va n'wi languteleke hi ku hiteka.

1 Petro 4:10

Leswi un'wana ni un'wana a nyikiweke nyiko ya yena, tirhisani tinyiko leti mi pfunana ha tona, mi va valanguteri lavanene va tinyiko ta Xikwembu ta tinxaka-xaka.

Rhuti 2:6

“Nhwana loyi i wa le Mowabu; wa ha ku vuya na Nahumi hi le tikweni ra Mowabu”, ku hlamula mulanguteri.