Matewu 20:24 - BIBELE Mahungu Lamanene

²⁴ Loko lava khume va twa mhaka leyi, va hlundzukela vamakwavo lavambirhi.

Testamente Leyimpsha Xichangana

²⁴ Loko lava va khume vatwa mhaka leyi, vahlundzukela vamakwavu lava vambirhi.

Xitsonga (Bibele)

²⁴ Kutani lava khume, loko va yingisa mhaka leyi, va hlunamela Yakobo ni makwavo Yohane.

Matewu 20:24 Iomraidhean Croise

Swivuriso 13:10

Ku tikurisa, swi vanga madzolonga ntsena, kasi vutlhari i bya lava pfumelaka ku tsundzuxiwa.

Matewu 20:23

A ku ka vona: “Kunene mi ta nwela exinwelweni xa mina, kambe loko ku ri ku tshama evokweni ra mina ra xinene hambi ka lera ximatsi, a hi mina ndzi nga mi nyikaka swona, kambe swi ta va swa lava swi nga lunghiseriwa vona hi Tata wa mina.”

Matewu 20:25

Kuteloko Yesu a va vitanile, a ku ka vona: “Ma swi tiva leswaku tihosi ta matiko ti ma fuma hi ntamu, na vona vakulukumba va ma fuma hi matimba;

Marka 10:14

Loko Yesu a swi vona, a vilela ngopfu, a ku ka vona: “Tshikani vana va ta ka mina, mi nga tshuki mi va sivela, hikuva Mfumo wa Xikwembu i wa lava fanaka na vona.

Marka 10:41

Kutani lava khume, loko va twa mhaka leyi, va hlundzukela Yakobo na Yohane.

Luka 13:14

Kambe mufambisi wa sinagoga a hlundzuka hileswi Yesu a hanyiseke munhu hi siku ra Savata, kutani a tlakusa rito, a ku ka ntshungu: “Ku ni masiku ya 6 lawa mintirho yi fanelaka ku tirhiwa ha wona; tanani hi masiku walawo ku ta hanyisiwa, ku nga ri hi siku ra Savata.”

1 Vakorinto 13:4

Rirhandzu ra tiyisela, naswona ri ni tintswalo; rirhandzu a ri na mavondzo, a ri tinyungubyisi, a ri tikurisi;

Vafilipiya 2:3

Mi nga endli nchumu hi moya wa ku tirhandza, kumbe hi ku tidzunisa hi swa hava, kambe un'wana ni un'wana a a titsongahate eka van'wana, a nga anakanyi leswaku wa va tlula hi vunene.

Yakobo 3:14

Kambe loko timbilu ta n'wina ti tele mavondzo ni moya wo tirhandza, mi nga tshuki mi tikurisa mi hembela ntiyiso.

1 Petro 5:5

Swi tano na n'wina lavantshwa: Titsongahateni eka lavakulu. Hinkwenu ambalani ku titsongahata, mi tiveka ehansi, van'wana eka van'wana, hikuva va khale va te: “Xikwembu xi alela lava tikurisaka, kambe xi tsetselela lava titsongahataka.”