Matewu 20:2 - BIBELE Mahungu Lamanene

² Kuteloko a twanene ni vatirhi lava leswaku va ta kuma denari yin'we, yi nga hakelo ya siku, a va rhuma va ya ensin'wini ya yena ya vhinya.

Testamente Leyimpsha Xichangana

² Kuteloko atwananile ni vatirhi lava lesvaku vatakuma denari yin'we, yinga hakelo ya siku, avarhuma vaya nsin'wini ya yena ya mvhinya

Xitsonga (Bibele)

² Kuteloko a pfumelelane ni varimi leswaku hakelo ya siku yi ta va mali ya denari yin'we, a va rhuma ensin'wini ya yena ya vhinya.

Matewu 20:2 Iomraidhean Croise

1 TIHOSI 18:12

Kasi loko hi ta va hi hambanile, Moya wa HOSI Xikwembu wu nga sala wu ku yisa endhawini leyi ndzi nga yi tiviki; kutaku loko ndzi ya fika eka Akabu, ndzi n'wi tivisa ta wena, kutani yena a nga ku kumi, hakunene ú ta ndzi dlaya, hambileswi mina nandza wa wena ndzi chaveke HOSI Xikwembu ku sukela evuhlangini bya mina.

2 TIKRONIKA 34:3

Hi lembe ra vu-8 ra ku fumaka yena, loko a ha sungula vujaha, Yosiyasi a tiyimisela ku gandzela Xikwembu xa Davhida kokwa wa yena. Kutani, hi lembe ra vu-12 ra ku fuma ka yena, a tinyiketa entirhweni wa ku basisa tiko ra Yuda ni muti wa Yerusalema: A herisa vukhongeri bya le switsungeni leswo hlawuleka, a tsema timhandze ta Axera xikwembukazi, a herisa ni swifaniso leswi vatliweke ni leswi vumbiweke swa swikwembu swa hava.

Eklesiasta 12:1

Loko wa ha ri lontshwa, u nga rivali Xikwembu Muvumbi wa wena, hikuva ku ta fika masiku yo tika, ma nga malembe lawa u nga ta ku: “A ndza ha ma lavi!”

Matewu 18:28

Kambe loko nandza loyi a humele handle, a hlangana ni nandza-kulobye loyi a a ri ni nandzu lowutsongo eka yena, wa mali ya makume ma nga ri mangani; kavaloko a n'wi khoma, a n'wi tlimba minkolo, a ku: ‘Humesa mali ya mina!’

Matewu 20:1

“Mfumo wa matilo wu fana ni n'wini wa muti la humeke nimpundzu ku ya thola vatirhi, va ya tirha ensin'wini ya yena ya vhinya.

Matewu 20:13

A hlamula un'wana wa vona, a ku: ‘Nakulorhi, a ndzi ku dyelelanga; xana a wu twanananga na mina ku hakeriwa denari yin'we ke?

Matewu 20:3

A tlhela a huma loko ku lava ku va nkarhi wa 9 nimixo, a vona van'wana lava a va ri erivaleni ra muti va nga tirhi nchumu;

Matewu 20:9

Kutani lava nga thoriwa kwalomu ka nkarhi wa 5 nimadyambu, va ta, un'wana ni un'wana a kuma denari yin'we.

Matewu 22:19

Ndzi kombeni mali ya ndzuvo.” Kutani va n'wi tisela denari.

Matewu 9:37

Hiloko a ku ka vadyondzisiwa va yena: “Ntshovelo i wukulu, kambe vatirhi a va talanga.

Marka 12:15

Kambe Yesu, hi ku tiva vukanganyisi bya vona, a ku ka vona: “Mi ndzi ringela yini? Ndzi tiseleni denari ndzi yi vona.”

Luka 1:15

hikuva ú ta va nkulukumba emahlweni ka Hosi; a nga ka a nga nwi vhinyo ni byalwa, kambe ú ta tala Moya lowo Kwetsima a nga si velekiwa.

Luka 10:35

Nimixo a humesa mali leyi laviwaka, a nyika n'wini wa yindlu, a ku ka yena: ‘N'wi tshungule; hinkwaswo leswi u nga ta swi humesa ku tlula mali leyi, ndzi ta ku tlherisela swona, siku ndzi vuyaka.’

Luka 20:24

“Ndzi kombeni denari. Yi ni xifaniso xa mani ni vito ra mani ke?” Vona va ku: “I swa Khezari.”

2 Timotiya 3:15

naswona u tiva leswaku ku sukela evuhlangini bya wena, u toloverile Matsalwa layo Hlawuleka, lama kotaka ku ku letela, ma ku ponisa hi ku pfumela eka Kriste Yesu.

Nhlavutelo 6:6

Kutani ndzi twa swo fana ni rito leri humaka eka swivumbiwa leswi hanyaka swa mune, ri ku: “Hakelo ya siku hinkwaro yi ta xava xirhundzunyana ntsena xa mavele, kumbe swinharhu ntsena swa maxalana. Kambe u nga onhi mafurha ni vhinyo.”

1 SAMIELE 2:18

Mufana Samiele a a tirhela HOSI Xikwembu a ambele nceka wa vaprista wa ntsembyani, lowu vuriwaka “efodi”.

1 SAMIELE 2:26

Loko a ri mufana Samiele, a a ya a kula emirini, a tsakeriwa hi HOSI Xikwembu ni vanhu va tiko.

1 SAMIELE 3:1

Mufana Samiele a a tirhela HOSI Xikwembu a ri hansi ka Heli. Eminkarhini yoleyo, rito ra HOSI a ri kala ngopfu; swivono a swi nga tali ku va kona.

1 SAMIELE 3:21

HOSI Xikwembu xi tlhela xi humelela emutini wa Xilo, hikuva hi kona laha xi tshamaka xi tikomba eka Samiele, hi rito ra xona.