Matewu 2:11 - BIBELE Mahungu Lamanene

¹¹ Kutani va nghena ndlwini, va kuma xihlangi ni mana wa xona Mariya; kwalaho va nkhinsama, va xi gandzela; kutani va ntshunxa mindzhwalo ya vona, va xi humesela tinyiko ta nsuku, ni mirhi ya risuna, ni mafurha ya mirha.

Testamente Leyimpsha Xichangana

¹¹ Kutani tiyanghena ndlwini, tikuma xihlangi ni mamana wa xona Mariya; kolaho tikhinsama, tixigandzela; kutani titlhantlha mindzhwalu ya tona, tixihumesela tinyiko ta golidi, ni b'aso, ni mafurha ya mira.

Xitsonga (Bibele)

¹¹ Kutani loko va nghena endlwini, va kuma n'wana ni mana wa yena, Mariya; kutani va khinsama hi matsolo, va n'wi gandzela. Kuteloko va tshunxile mirhwalo ya vona, va n'wi nyika nsuku, ni mirhi ya risuna, ni murhi wa mirha.

Matewu 2:11 Iomraidhean Croise

Genesa 43:11

Kutani tata wa vona Yakobo a ku ka vona: “Hiswona, leswi timhaka ti yimeke hi ndlela leyi, endlani leswi: Longani swilo swo saseka leswi kumekaka kwala tikweni, mi rhwala mi famba na swona, mi ya nyika nkulukumba luya. Tekani mirhi ya nkoka ni ya risuna ya tinxaka-xaka, ni vulombenyana, ni mihandzu ya murhi wa alimondi.

1 TIHOSI 10:10

Kutani nkosikazi yi nyika hosi Solomoni ensuku lowu tikaka ku tlula tithani ta 5, yi n'wi nyika ni maviriviri layo tala ngopfu, ni maribye ya nkoka. Maviriviri ya xitalo lawa nkosikazi ya le Xeba yi ma nyikeke hosi Solomoni, a ma ha kumekanga eYerusalema ni siku ni rin'we.

1 TIHOSI 10:2

Yi fika eYerusalema yi ri ni malandza layo tala ngopfu, ni tikamela leti rhwaleke maviriviri, ni nsuku lowo tala ngopfu, ni maribye ya nkoka. Loko yi fikile eka Solomoni, yi n'wi vutisa xin'wana ni xin'wana lexi a yi ri na xona emiehleketweni ya yona.

Pisalema 2:12

Nkhinsamani emilengeni ya xona, xi ta ka xi nga karihi, na n'wina mi ta ka mi nga lovi ma ha ri endleleni, hikuva vukari bya xona byi hatla ku pfurha. Va katekile hinkwavo lava tumbelaka eka xona.

Pisalema 45:8

Swiambalo swa wena hinkwaswo swi n'wan'waseriwile mirhi ya risuna ya mirha ni mhangana. Etindlwini leto saseka ta le ntsindza, ku twala mpfumawulo wa swichaya-chayani leswi swi ku tsakisaka.

Pisalema 72:10

Tihosi ta matiko hinkwawo ya le kule a ti n'wi humesele ndzuvo, va le Xeba ni va le Seba a va n'wi tisele tinyiko.

Pisalema 72:15

Mufumi wa tiko a a hanye malembe layo tala, vanhu va n'wi luva hi nsuku wa le Xeba; a va n'wi khongelele minkarhi hinkwayo, masiku hinkwawo va kombela leswaku Xikwembu xi n'wi katekisa.

Pisalema 95:6

Tanani, hi ta korhama hi gandzela HOSI Xikwembu, hi nkhinsamela xona xi hi endleke,

Eksoda 30:23

“Teka mirhi leyo saseka swinene yo nun'hwerisa ha yona: Mafi ya murhi wa ‘mirha’ ya 6 kg, ni murhi lowo nun'hwela wa ‘sinamoni’ wa 3 kg, ni mafi ya tinhlanga ya 3 kg,

Eksoda 30:34

Kutani HOSI Xikwembu xi ku ka Muxe: “Lava swinun'hweriso leswi: Murhi wa ‘sitakita’, ni wa ‘onika’, ni wa ‘galibanumi’, ni swinun'hweriso leswi cheriwaka eka murhi wa risuna lowo tenga, mirhi leyi hinkwayo yi va ya mpimo wun'we lowu ringanaka.

Risimu ra Tinsimu 3:6

Xana i ncini lexi taka hi tlhelo ra mananga, xo fana ni papa ra musi, xi n'wan'waseriwile mafurha ya mirha ni mirhi ya risuna, ni swinun'hweriso hinkwaswo leswi xavisiwaka, xana?

Esaya 60:6

Mintlhambi leyikulu ya tikamela yi ta fika yi ku mbhombhela yi huma eMidiyani ni le Efa; hinkwavo va le Xeba va ta fika va rhwele nsuku ni mirhi ya risuna, va twarisa HOSI Xikwembu, va xi dzunisa.

Levhitika 6:15

Un'wana wa vona ú ta teka mapa lamanene ya magandzelo ya swa le masin'wini, a ma nusa ni mafurha ya kona a tata xandla, kutani a ma hisa alitarini ni murhi hinkwawo wa risuna, swi va swo suma ha swona; ku nun'hwela ka swona ku ta tsakisa HOSI Xikwembu.

Malakiya 1:11

“Vito ra mina i rikulu exikarhi ka vanhu va misava hinkwayo; endhawini yin'wana ni yin'wana, vanhu va ndzi hisela mirhi ya risuna, va ndzi humesela magandzelo lama tengeke. Hakunene, vito ra mina i rikulu exikarhi ka vanhu va matiko hinkwawo. Ndzi vula sweswo, mina HOSI ya matimba hinkwawo.

Tinhlayo 7:14

ni xinkambana xa nsuku xo tika 120 g, xi tele hi mirhi ya risuna;

Tinhlayo 7:86

xin'wana ni xin'wana xa swinkambana leswa 12 swa nsuku leswi taleke hi mirhi ya risuna, a xi tika 120 g, hi ku ya hi ntiko wa lexi ku pimiwaka ha xona, lexi hlayisiwaka exivandleni lexo hlawuleka; kutani nsuku hinkwawo lowu va vumbeke swinkambana leswi ha wona a wu tika 1,44 kg;

Matewu 1:18

Ku velekiwa ka Yesu Kriste ku humelele hi mukhuva lowu: Loko Mariya mana wa yena a vutiwile hi Yosefa, o tshuka a tika hi Moya lowo Kwetsima va nga si hlangana.

Matewu 12:46

A ku a ha vulavula ni mintshungu, ku humelela mana wa yena ni vamakwavo, va yima ehandle, va lava ku vulavula na yena.

Matewu 14:33

Kutani lava a va ri ebyatsweni va nkhinsamela Yesu, va ku: “Hakunene, u N'wana wa Xikwembu.”

Matewu 2:10

Loko va vona nyeleti, va tsaka hi ku tsaka lokukulu ngopfu.

Matewu 2:2

ti ku: “Yi kwihi Hosi ya Vayuda leyi velekiweke xana? Hikuva hi vonile nyeleti ya yona le vuxeni, kutani hi tile ku ta yi gandzela.”

Luka 2:16

Kutani va hatlisa va ya kona, va ya kuma Mariya na Yosefa ni xihlangi lexi latiweke exitsengeleni.

Luka 2:38

A tshuka a fikile enkarhini wolowo, a nkhensa Xikwembu, a vula ta Yesu eka hinkwavo lava languteleke ku kutsuriwa ka Yerusalema.

Yohane 19:39

Nikodema, loyi a tshamaka a ta nivusiku eka Yesu, na yena a fika a tisa mafurha ya “mirha” lama pfanganyisiweke ni mhangani, lama lavaka ku ringana 30 kg, ku tika ka swona.

Nhlavutelo 19:10

Kutani ndzi nkhinsama ni ku korhama emilengeni ya yena ku ta yi gandzela, kambe yi ku ka mina: “U nga tshuki u endla sweswo, mina ndzi nandza ntsena, kukota wena ni vamakwenu lava hlayisaka vumbhoni lebyi humesiweke hi Yesu. Gandzela Xikwembu!” Vumbhoni lebyi humesiweke hi Yesu, hi wona mongo wa vuhlavuteli.

Nhlavutelo 5:8

Loko xi tekile buku, swivumbiwa leswi hanyaka swa mune ni vakulukumba va 24 va nkhinsama emahlweni ka Xinyimpfana. Un'wana ni un'wana wa vona a a ri ni haripa, ni minkambana ya nsuku leyi taleke hi murhi wa risuna, yi nga mikhongelo ya vahlawuriwa va Xikwembu.

1 SAMIELE 10:27

Kambe vanhu lavo biha vona a va ku: “Munhu yoloyi a nga hi lamulerisa ku yini xana?” Vanhu lava, a va n'wi tsan'wa va nga n'wi tiseli ndzuvo, kambe Sawulo yena a timiyelela.