Matewu 19:21 - BIBELE Mahungu Lamanene

²¹ Yesu a ku ka yena: “Loko u lava ku va la hetisekeke, famba u ya xavisa leswi u nga na swona, u nyika swisiwana, hikona u nga ta va ni xuma ematilweni; kutani u ta, u ndzi landza.”

Testamente Leyimpsha Xichangana

²¹ Yesu aku ka yena: “Loko ulava kuva lweyi ahetisekeke, famba uyaxavisa rifuwo ra wena, unyika svisiwana, kutani utava ni xuma matilweni; hi kona ungatata unilandza.”

Xitsonga (Bibele)

²¹ Yesu a ku eka yena: “Loko u rhandza ku va la hetisekeke, famba u ya xavisa leswi u nga na swona, u avela swisiwana kwalaho u ta va ni xuma etilweni, kutani u ta, u ndzi landza.”

Matewu 19:21 Iomraidhean Croise

Genesa 17:1

Loko Abrama a ri ni malembe ya 99, HOSI Xikwembu xi humelela eka yena, xi ku: “Hi mina Xikwembu-xa-matimba-hinkwawo; u fanele ku hanya emahlweni ka mina, u ndzi yingisa hi ku hetiseka.

Genesa 6:9

Leti i timhaka ta va ka Nowa. Nowa a a ri munhu wo lulama, loyi a a tsakisa Xikwembu ku tlula vanhu hinkwavo lava a va ri kona emisaveni; naswona a a ri ni xinakulobye ni Xikwembu.

Ntirho 1:1

Khale, etikweni ra Usi, a ku ri ni munhu wo lulama wa mahanyelo lamanene, loyi a va ku i Yobo; munhu loyi a a tirhela Xikwembu, a fularhela leswo biha.

Pisalema 37:37

Xiyaxiya lava nga riki na xisandzu, u languta lava lulameke, u ta vona leswaku lava tisaka ku rhula, va ni vatukulu.

Matewu 16:24

Yesu a engeta a ku ka vadyondzisiwa va yena: “Loko munhu a lava ku ndzi landza, a a titshike, a tirhwexa xihambano xa yena, kutani a ndzi landza,

Matewu 19:20

Jaha leri ri ku ka yena: “Hinkwaswo leswi ndzi swi hlayisile; xana ndza ha pfumala yini ke?”

Matewu 19:22

Kambe loko jaha leri ri twa marito lawa, ri famba ri hlunamile, hikuva a ri ri ni rifuwo lerikulu.

Matewu 19:28

Yesu a ku ka vona: “Ndzi tiyisile ndzi ri ka n'wina, loko swilo hinkwaswo swi ta va swi vuyeteriwile, ni loko N'wana-wa-Munhu a tshamisile exiluvelweni xa yena lexo kwetsima, n'wina lava mi ndzi landzeke, na n'wina mi ta tshama eswiluvelweni swa 12, mi avanyisa tinyimba ta Israele leta 12.

Matewu 4:19

Kutani a ku ka vona: “Ndzi landzeni, ndzi ta mi endla vaphasi va vanhu.”

Matewu 5:48

Hikwalaho ke, na n'wina mi fanele ku hetiseka, hilaha Tata wa n'wina wa le tilweni na yena a hetisekeke.

Matewu 8:22

Yesu a ku ka yena. “Ndzi landze, kutani u tshika vafi, va lahla vafi va vona.”

Matewu 9:9

Loko Yesu a sukile kwalaho, a ya emahlweni, kutani a vona munhu loyi a va ku i Matewu a tshamile endlwini ya ndzuvo. A ku ka yena: “Ndzi landze!” Kavaloko Matewu a suka a yima a n'wi landza.

Marka 10:21

Kuteloko Yesu a n'wi langutile, a n'wi rhandza, kutani a ku ka yena: “Wa ha pfumala xilo xin'we ntsena; famba, u ya xavisa hinkwaswo leswi u nga na swona, u nyika swisiwana, kutani u ta va ni xuma etilweni; kutani u ta, u ndzi landza.”

Marka 2:14

Kakuloko a hundza, a vona Levhi, n'wana Alfiya, a tshamile endlwini ya ndzuvo; a ku ka yena: “Ndzi landze!” Kutani Levhi a suka a yima a n'wi landza.

Marka 8:34

Kuteloko a vitanile ntshungu ni vadyondzisiwa va yena, a ku ka vona: “Loko munhu a lava ku ndzi landza, a a titshike, a tirhwexa xihambano xa yena, kutani a ndzi landza.

Luka 12:33

Xavisani leswi mi swi fuweke, mi nyika swisiwana; tiendleleni minkwama leyi nga hlakariki ni xuma lexi nga heriki ematilweni, laha khamba ri nga tshineriki kusuhani na kona, ni laha tinsumba ti nga onhiki kona;

Luka 14:33

Kutani ke un'wana ni un'wana exikarhi ka n'wina la nga tshikiki leswi a nga na swona, a nga ka a nga koti ku va mudyondzisiwa wa mina.

Luka 16:9

“Hikokwalaho ke ndzi ri ka n'wina: Tiendleleni maxaka hi xuma xa misava leyi, leswaku loko mi tshuka mi pfumarile, va mi amukela emintsongeni leyi nga heriki.

Luka 18:22

Loko Yesu a twa sweswo, a ku ka yena: “Wa ha pfumala xilo xin'we, xavisa hinkwaswo leswi u nga na swona, u avela swisiwana, hi kona u nga ta va ni xuma ematilweni; kutani u ta, u ndzi landza.”

Luka 5:27

Endzhaku ka timhaka teto, Yesu a huma, kutani a vona muluvisi loyi a va ku i Levhi, a tshamile endlwini ya ndzuvo. A ku ka yena: “Ndzi landze.”

Luka 6:40

Mudyondzisiwa a nga tluli mudyondzisi wa yena; kambe mudyondzisiwa un'wana ni un'wana la dyondzekeke swinene, ú ta va tanihi mudyondzisi wa yena.

Luka 9:23

Kutani a byela vanhu hinkwavo a ku: “Loko munhu a lava ku ndzi landza, a a titshike, a tirhwexa xihambano xa yena siku rin'wana ni rin'wana, kutani a ndzi landza.

Yohane 10:27

Tinyimpfu ta mina ti yingisa rito ra mina; ndza ti tiva, kutani ta ndzi landzelela.

Yohane 12:26

Loko munhu a ndzi tirhela, a a ndzi landze, kutani laha ndzi nga kona, na yena nandza wa mina ú ta va kona. Loko munhu a ndzi tirhela, Tatana ú ta n'wi komba mafundzha.

Timhaka 2:45

a va xavisa leswi va swi fuweke ni leswi a swi ri swa vona, kutani va pambulela un'wana ni un'wana hi ku ya hi ku pfumala ka yena.

Vaheveru 10:34

Mi kombile tintswalo eka lava bohiweke ekhotsweni; naswona mi swi tekile hi moya wa ku tsaka loko swilo swa n'wina swi phanghiwa, hikuva a mi tiva leswaku mi ni rifuwo leri tlulaka sweswo, leri nga ta va kona hilaha ku nga heriki.