Matewu 19:14 - BIBELE Mahungu Lamanene

¹⁴ Hiloko Yesu a ku: “Tshikani vana, mi nga tshuki mi va sivela ku ta eka mina, hikuva Mfumo wa matilo i wa lava fanaka na vona.”

Testamente Leyimpsha Xichangana

¹⁴ Hi loko Yesu aku: “Tshikani vatsongwana, mingatshukeni mivasivela kuta ka mina, hikuva Mfumu wa matilo, i wa lavafanaka na vona.”

Xitsonga (Bibele)

¹⁴ Kambe Yesu a ku eka vona: “Tshikani, mi nga tshuki mi sivela vana ku ta eka mina hikuva ku fuma ka matilo i ka lava fanaka na vona.”

Matewu 19:14 Iomraidhean Croise

Genesa 21:4

Loko Isaka a ri ni masiku ya 8, tata wa yena Abrahama a n'wi yimbisa, hi ku landza xileriso xa Xikwembu.

Matewu 11:25

Enkarhini wolowo Yesu a vulavula a ku: “Ndza ku nkhensa Tatana, Hosi ya tilo ni misava, hikuva timhaka teto, u ti fihlele lavo tlhariha ni lava mano, kambe u ti hlavutele eka lavatsongo.

Matewu 18:3

“Ndzi tiyisile ndzi ri ka n'wina, loko mi nga hundzuki mi fana ni vana, a mi nga ngheni eMfun'weni wa matilo.

Matewu 19:15

Kuteloko a va tlhandlekile mavoko, a suka kwalaho.

Matewu 5:10

Ku katekile lava xanisiwaka hikwalaho ka leswo lulama, hikuva Mfumo wa matilo i wa vona.

Matewu 5:3

“Ku katekile swisiwana emoyeni, hikuva Mfumo wa matilo i wa swona.

Marka 10:14

Loko Yesu a swi vona, a vilela ngopfu, a ku ka vona: “Tshikani vana va ta ka mina, mi nga tshuki mi va sivela, hikuva Mfumo wa Xikwembu i wa lava fanaka na vona.

Marka 10:15

Ndzi tiyisile ndzi ri ka n'wina: La nga amukeriki Mfumo wa Xikwembu tanihi n'wana, a nga ka a nga ngheni ka wona.”

1 Vakorinto 14:20

Vamakwerhu, mi nga fani ni vana eku ehleketeni ka n'wina. Loko ku ri ka leswo biha mi fanele ku fana ni swihlangi, kambe mi va lava kuleke emiehleketweni.

Vaavanyisi 13:7

Kambe ú te ka mina: ‘Vona, u ta tika, u veleka n'wana wa mufana; hikokwalaho, u nga tshuki u nwa vhinyo kumbe byalwa, naswona u nga dyi swilo leswi nga tengangiki, hikuva n'wana loyi ú ta va munhu la hlawuleriweke Xikwembu ku sukela siku a velekiwaka, a kondza a fa.’ ”

1 SAMIELE 1:11

a tiboha hi ku hlambanya a ku: “Wena HOSI ya matimba hinkwawo, loko hakunene wo vona maxangu ya mina nandza wa wena, ni loko u ndzi anakanya, ni loko u nga rivali mina nandza wa wena, kambe u ndzi nyika n'wana wa mufana, ndzi ta ku nyika yena a va wa wena HOSI, vutomi bya yena hinkwabyo; naswona a nga ka a nga byewuriwi misisi ni siku ni rin'we.”

1 SAMIELE 1:22

Hana a nga fambanga na vona, hileswi a a byerile nuna wa yena, a ku: “Loko n'wana a ta va a lumuriwile, hi kona ndzi nga ta ya eTempeleni na yena, ndzi ya n'wi veka eka HOSI, leswaku a tshama kona vutomi bya yena hinkwabyo.”

1 SAMIELE 1:24

Loko a n'wi lumurile, a tlhandluka a ya eXilo na yena, a ri ni homu ya nkuzi ya malembe manharhu, ni xinkwamana xa mapa, ni khuwana ra vhinyo; a yisa n'wana eTempeleni ya HOSI, hambileswi a a ha ri ntsongo ngopfu.

1 SAMIELE 2:18

Mufana Samiele a a tirhela HOSI Xikwembu a ambele nceka wa vaprista wa ntsembyani, lowu vuriwaka “efodi”.