Matewu 18:3 - BIBELE Mahungu Lamanene

³ “Ndzi tiyisile ndzi ri ka n'wina, loko mi nga hundzuki mi fana ni vana, a mi nga ngheni eMfun'weni wa matilo.

Testamente Leyimpsha Xichangana

³ “Nitiyisile nili ka n'wina: Loko mingahundzuki mifana ni vatsongwana, amingangheni Mfun'wini wa matilo.

Xitsonga (Bibele)

³ “Ndza vurisa, ndzi ri eka n'wina: Loko mi nga hundzuki, mi fana ni vana, mi nga ka mi nga ngheni eku fumeni ka matilo.

Matewu 18:3 Iomraidhean Croise

Pisalema 131:2

Ndzi kumile ku rhula ni ku wisa kukota n'wana loyi a xingiweke hi mana wa yena; ndzi rhulisa moya wa mina hi ndlela yoleyo.

Esaya 6:10

A engeta a ku ka mina: “Nonon'hwisa timbilu ta vanhu lava, u va pfala tindleve ni mahlo, leswaku va nga ha voni, ni ku twa va nga ha twi, hambi ku ri ku twisisa va nga ha twisisi, hikuva va nga tshuka va hundzuka, kutani va rivaleriwa.”

Matewu 13:15

Timbilu ta vanhu lava ti tlanyarile, va tipfale tindleve ni mahlo, leswaku va nga ha voni, ni ku twa va nga ha twi, hambi ku ri ku twisisa va nga ha twisisi, ni leswaku va nga hundzuki, na mina ndzi nga va hanyisi.’

Matewu 18:2

Yesu a vitana n'wana, a n'wi yimisa exikarhi ka vona, a ku:

Matewu 18:4

Hikokwalaho ke, loyi a titsongahataka kukotisa n'wana loyi, hi yena la nga lonkulu eMfun'weni wa matilo.

Matewu 19:14

Hiloko Yesu a ku: “Tshikani vana, mi nga tshuki mi va sivela ku ta eka mina, hikuva Mfumo wa matilo i wa lava fanaka na vona.”

Matewu 19:23

Kutani Yesu a ku ka vadyondzisiwa va yena: “Ndzi tiyisile ndzi ri ka n'wina: Swi ta nonon'hwa eka mufuwi ku nghena eMfun'weni wa matilo.

Matewu 5:18

Ndzi tiyisile ndzi ri ka n'wina: Tilo ni misava swi nga si nyamalala, xihikwana kumbe xirhatana, hambi xi ri xin'we, xi nga ka xi nga susiwi eNawini, ku kondza loko swilo hinkwaswo swi ta va swi hetisekile.

Matewu 5:20

Hikuva ndza mi byela, ndzi ri: Loko ku lulama ka n'wina ku nga tluri ku lulama ka vatsari ni ka Vafarisi, a mi nga ngheni eMfun'weni wa matilo.

Matewu 6:16

“Loko mi titsona swakudya, mi nga khanyanisi mimombo ku fana ni vakanganyisi lava tionhaka tinghohe, va ku va ta voniwa hi vanhu leswaku va le ku titsoneni ka swakudya. Ndzi tiyisile ndzi ri ka n'wina: Hakelo ya vona va yi kumile.

Matewu 6:2

“Hikokwalaho ke, loko u nyika swisiwana, u nga tidzunisi ha swona kukotisa leswi vakanganyisi va swi endlaka emasinagogeni ne tindleleni, leswaku va ta dzunisiwa hi vanhu. Ndzi tiyisile ndzi ri ka n'wina: Hakelo ya vona va yi kumile.

Matewu 6:5

“Naswona loko mi khongela, mi nga fani ni vakanganyisi; hikuva vona va rhandza ku khongela va yimile emasinagogeni ne mahlanganeni ya tindlela, leswaku va ta voniwa hi vanhu. Ndzi tiyisile ndzi ri ka n'wina: Hakelo ya vona va yi kumile.

Marka 4:12

Swi ri leswaku, “ ‘loko ku ri ku vona, va vona kambe va nga vonisisi, hambi ku ri ku twa, va twa kambe va nga twisisi, leswaku va nga tshuki va hundzuka, va rivaleriwa swidyoho.’ ”

Luka 13:24

“Ringetani hi matimba ku nghena hi nyangwa leyo khuma, hikuva ndza mi byela leswaku lavo tala va ta navela ku nghena, kambe va ta tsandzeka.

Luka 22:32

kambe mina ndzi ku khongelerile, leswaku ku pfumela ka wena ku nga tshuki ku titivala. Kutani wena, loko u ta va u hundzukile, u ta tiyisa vamakwenu.”

Yohane 1:51

A engeta a ku ka yena: “Ndzi tiyisisile ndzi ri ka n'wina: Mi ta vona tilo ri pfulekile, ni tintsumi ta Xikwembu ti ri karhi ti tlhandlukela ehenhla ni ku xikela eka N'wana-wa-Munhu.”

Yohane 3:3

Yesu a n'wi hlamula, a ku: “Ndzi tiyisisile ndzi ri ka wena, a ku na munhu la nga vonaka Mfumo wa Xikwembu, loko a nga tlhelanga a tswariwa ra vumbirhi.”

Yohane 3:5

Yesu a hlamula, a ku: “Ndzi tiyisisile ndzi ri ka wena, loko munhu a nga tswariwi hi mati ni Moya, a nga ka a nga ngheni eMfun'weni wa Xikwembu.

Timhaka 14:22

va ri karhi va tiyisa timbilu ta vadyondzisiwa, va va khongotela ku tiyisela eku pfumeleni, va ku: “EMfun'weni wa Xikwembu, hi fanele ku nghena hi maxangu layo tala.”

Timhaka 28:27

Timbilu ta vanhu lava ti tlanyarile, va tipfale tindleve ni mahlo, leswaku va nga ha voni, ni ku twa va nga ha twi, hambi ku ri ku twisisa va nga ha twisisi, ni leswaku va nga hundzuki, na mina ndzi nga va hanyisi.’

Timhaka 3:19

“Loko swi ri tano, hundzukani, mi tlhelela eka Xikwembu, leswaku swidyoho swa n'wina swi rivaleriwa,

1 Vakorinto 14:20

Vamakwerhu, mi nga fani ni vana eku ehleketeni ka n'wina. Loko ku ri ka leswo biha mi fanele ku fana ni swihlangi, kambe mi va lava kuleke emiehleketweni.

1 Petro 2:2

Tanihi swihlangi leswa ha ku velekiwaka, mi fanele ku navela ntswamba lowu tengeke wa moya, leswaku ha wona mi ta kota ku kula mi ya eku ponisiweni,

2 Petro 1:11

Hi mukhuva wolowo, mi ta nyikiwa fanelo hinkwayo ya ku nghena eMfun'weni lowu nga heriki wa Hosi ni muponisi wa hina Yesu Kriste.