Matewu 16:27 - BIBELE Mahungu Lamanene

²⁷ Hikuva N'wana-wa-Munhu ú ta vuya hi ku kwetsima ka Tata wa yena, a ri ni tintsumi ta yena, kutani hi kona a nga ta nyika un'wana ni un'wana hi ku ya hi mintirho ya yena.

Testamente Leyimpsha Xichangana

²⁷ Hikuva N'wana-wa-Munhu atavuya hi kukwetsima ka Tatana wa yena na ali ni tintsumi ta yena, kutani hi kona angatanyika mani na mani hi kuya hi mintirho ya yena.

Xitsonga (Bibele)

²⁷ Hikuva N'wana wa Munhu u ta ta hi ku kwetsima ka Tata wa yena, ni tintsumi ta yena, kutani, enkarhini wolowo, u ta nyika un'wana ni un'wana hi mitirho ya yena.

Matewu 16:27 Iomraidhean Croise

Ntirho 34:11

Loko Xikwembu xi ba munhu, xi n'wi bela mintirho ya yena, xi n'wi avela leswi a nga lo tilavela hi swiendlo swakwe.

Pisalema 62:12

We N'wini wa hina, hina hi ri, na rona rirhandzu u na rona; munhu un'wana ni un'wana u n'wi tlherisela leswi ringaneke mintirho ya yena.

Swivuriso 24:12

Loko u ku: “Leswi, hina a hi nga swi tivi!” xana Loyi a vonaka swa le mbilwini, a nge swi kumi leswaku wa hemba xana? Loyi a hlayisaka vutomi bya wena, ú ta swi tiva, kutani ú ta avanyisa un'wana ni un'wana hi ku ya hi mintirho ya yena.

Eklesiasta 3:17

Emiehleketweni ya mina, ndzi te: Xikwembu xi ta hambanisa lavo lulama ni lavo homboloka, hikuva xi vekile nkarhi wo avanyisa swilo hinkwaswo ni mintirho hinkwayo.

Yeremiya 17:10

loko ku nga ri hi mina HOSI, hikuva ndzi kambisisa miehleketo, ndzi ringeta ni timbilu ta vanhu, kutani ndzi hakela un'wana ni un'wana hi ku ya hi mahanyelo ya yena ni leswi a swi endlaka.”

Yeremiya 32:19

u mutsundzuxi lonkulu la tirhaka leswo hlamarisa; mahlo ya wena ma vona ni swihundla hinkwaswo swa vanhu. Munhu un'wana ni un'wana, u n'wi hakela hi ku ya hi mintirho ya yena; hinkwavo va tshovela leswi va swi byaleke.

Ezekiele 18:20

Munhu la dyoheke, hi yena ntsena loyi a fanelaka ku fa. N'wana a nge beriwi ku homboloka ka tata wa yena, na yena tatana a nge beriwi ku homboloka ka n'wana wa yena. Ku lulama ka munhu wo lulama, ku ta hanyisa yena ntsena, ni ku homboloka ka munhu wo homboloka ku ta dlayisa yena ntsena.

Ezekiele 7:27

Mufumi wa tiko ú ta rila nkosi, tindhuna ta yena ti hela matimba, ni vaaki va tiko va oma swirho hi ku chava. Ndzi ta va endla leswi va endleke van'wana, ndzi va avanyisa hi maavanyisele ya vona, kutani va ta tiva leswaku HOSI Xikwembu, hi mina!”

Daniele 7:10

Nambu lowu khulukaka ndzilo a wu sukela laha a a ri kona; vanhu va madzana-dzana a va n'wi tirhela, emahlweni ka yena ku yimile vanhu va magidigidi. Kutani huvo yi sungula ntirho wa yona, ku phendliwa ni tibuku.

Zakariya 14:5

Mi ta baleka hi nkova lowu, lowu pfulekeke exikarhi ka tintshava, hikuva wu ta fika ni le Asala; mi ta chava mi tsutsuma, ku fana ni leswi mi tsutsumiseke xiswona siku misava yi nga tsekatseka, enkarhini lowu hosi Uziya a a fuma tiko ra Yuda. Kutani HOSI Xikwembu xa mina xi ta ta, swin'we ni swivumbiwa swa xona leswo hlawuleka.

Matewu 13:41

N'wana-wa-Munhu ú ta rhuma tintsumi ta yena, ti ta humesela ehandle ka Mfumo wa yena vakhunguvanyisi hinkwavo ni lava endlaka leswo biha,

Matewu 13:49

Swi ta va tano eku heleni ka minkarhi; tintsumi ti ta huma, ti ta hlawula lavo biha eka lavo lulama,

Matewu 24:30

“Hi kona xikombiso xa N'wana-wa-Munhu xi nga ta vonaka etilweni; vanhu va tinxaka hinkwato ta misava va ta ba nkosi, kutani va ta vona N'wana-wa-Munhu a ta emapapeni ya le tilweni, hi matimba ni ku kwetsima lokukulu.

Matewu 25:31

“Siku N'wana-wa-Munhu a taka hi ku kwetsima ka yena, ni tintsumi hinkwato ti ri na yena, ú ta tshamisa exiluvelweni xa yena xo kwetsima.

Matewu 26:64

Yesu a n'wi hlamula a ku: “Leswi u vulaku ke! Ntsena ndza mi byela ndzi ku: “ ‘Ku sukela sweswi, mi ta vona N'wana-wa-Munhu a tshamile evokweni ra xinene ra Loyi a nga ni matimba hinkwawo, mi n'wi vona a ta hi mapapa ya le tilweni.’ ”

Matewu 8:20

Yesu a n'wi hlamula a ku: “Vahlati va ni mincele, ni tinyanyana ti ni swisaka, kambe N'wana-wa-Munhu a nga na laha a nga seketelaka nhloko ya yena kona.”

Marka 14:62

Yesu a ku: “Hi mina! “ ‘Kutani mi ta vona N'wana-wa-Munhu a tshamile evokweni ra xinene ra Loyi a nga ni matimba hinkwawo, mi n'wi vona a ta hi mapapa ya le tilweni.’ ”

Marka 8:38

Loyi a nga ni tingana hikwalaho ka mina ni marito ya mina erixakeni leri ra lava sandzaka Xikwembu ni ra vadyohi, N'wana-wa-Munhu na yena ú ta khomiwa hi tingana hikwalaho ka munhu loyi siku a nga ta vuya eku kwetsimeni ka Tata wa yena, a ri ni tintsumi leto hlawuleka.”

Luka 21:27

Hi kona va nga ta vona N'wana-wa-Munhu a ta hi papa, a ri ni matimba ni ku kwetsima lokukulu.

Luka 22:69

Ku sukela sweswi, N'wana-wa-Munhu ú ta tshama evokweni ra xinene ra Xikwembu xa matimba hinkwawo.”

Luka 9:26

La khomiwaka hi tingana hikwalaho ka mina ni marito ya mina, N'wana-wa-Munhu na yena ú ta khomiwa hi tingana hikwalaho ka munhu loyi, siku a vuyaka eku kwetsimeni ka yena, a ri na Tata wa yena ni tintsumi leto hlawuleka.

Yohane 21:22

Yesu a ku ka yena: “Loko ndzi lava leswaku a tshama ndzi kondza ndzi vuya, swi nga va yini eka wena ke? Wena, ndzi landze!”

Yohane 21:23

Hikokwalaho rito rero a nga ri vula ri hangalaka exikarhi ka vamakwavo leswaku mudyondzisiwa loyi a nga ka a nga fi. Kasi Yesu a a nga n'wi byelanga leswaku a nga ka a nga fi; kambe a a te: “Loko ndzi lava leswaku a tshama ndzi kondza ndzi vuya, swi nga va yini eka wena ke?”

Timhaka 1:11

va ku: “Vavanuna va Galeliya, mi yimele yini mi langutile etilweni ke? Yesu loyi a susiweke exikarhi ka n'wina ni ku tlakuleriwa etilweni, ú ta tlhela a vuya hi mukhuva lowu mi n'wi voneke a ya etilweni ha wona.”

Varhoma 14:12

Hi mukhuva wolowo, un'wana ni un'wana wa hina ú ta tihlamulela hi yexe emahlweni ka Xikwembu.

Varhoma 2:6

Hikuva xona xi rihisela un'wana ni un'wana hi ku ya hi mintirho ya yena:

1 Vakorinto 15:23

Kambe un'wana ni un'wana ú ta pfuxiwa hi nkarhi wa yena: Wo rhanga i Kriste xi nga xo xitshembiso; kutani loko Kriste a ta, lava nga va yena va ta landza.

1 Vakorinto 3:13

ntirho wa munhu loyi wu ta vonaka; hikuva siku ra Hosi ri ta fika ri ri ni ndzilo, ri ta komba leswi ntirho wa un'wana ni un'wana wu nga swona, kutani ndzilo wu ta ringeta ku tiya ka ntirho wa kona.

1 Vakorinto 8:8

Swakudya a swi nga hi tshineti kusuhi ni Xikwembu; hambiloko hi nga dyi, a hi lahlekeriwi hi nchumu, hambiloko hi dya, a hi bindzuli nchumu.

2 Vakorinto 5:10

Hikuva hinkwerhu hi ta fanela ku yima emahlweni ka xitshamu xa ku avanyisa xa Kriste, leswaku un'wana ni un'wana a ta amukela hakelo ya leswi a swi endleke loko a ha ri emirini, leswo saseka kumbe leswo biha.

Vaefesa 6:8

tsundzukani leswaku Hosi yi ta nyika un'wana ni un'wana, hambi hlonga, hambi la nga riki hlonga, hi ku ya hi leswinene leswi a swi endleke.

Vakolosa 3:25

Loko a ri muendli wa leswo homboloka, ú ta tlheriseriwa leswo homboloka leswi a swi endleke; Xikwembu a xi yi hi nghohe.

1 Vatesalonika 1:10

Naswona mi langutela ku ta ka N'wana wa xona Yesu hi le matilweni, loyi xi n'wi pfuxeke exikarhi ka vafi, loyi a hi lamulelaka eku avanyiseni ka xona loku taka.

1 Vatesalonika 4:16

hikuva Hosi hi xiviri xa yona yi ta xika hi le tilweni, hi mpfumawulo wa rito ra ku lerisa, hi ku huwelela ka ndhuna ya tintsumi, ni ku ba ka mhalamhala ya Xikwembu, kutani lava feleke ka Kriste, va ta rhanga va pfuka eku feni;

Yakobo 5:7

Loko swi ri tano, vamakwerhu, lehisani timbilu, Hosi yi kondza yi ta. Vonani, murimi ú yimele mihandzu leyinene ya misava, a yi lehisela mbilu yi ko yi kuma mpfula yo sungula ni leyo hetelela.

1 Petro 1:17

Loko mi khongela, ma n'wi vula “Tatana”, yena loyi a avanyisaka munhu un'wana ni un'wana, a nga yi hi nghohe kambe hi mintirho ya munhu; hikokwalaho, hanyani hi xichavo, enkarhini hinkwawo wa ku xwa ka n'wina laha misaveni.

1 Yohane 2:28

Kutani sweswi, vana vanga, tshamani eka Kriste, leswaku loko a humelela, hi ta tiya nhlana, naswona hi nga vi na tingana eku fikeni ka yena.

Yuda 1:14

Yena Enoko, munhu wa rixaka ra vu-7 ku sukela eka Adamu, ú vurile vona volavo, siku a nga vhumbha a ku: “Vonani, Hosi yi fikile ni mavandla ya yona layo hlawuleka ya madzana-dzana,

Nhlavutelo 1:7

Vonani, wa ta hi mapapa! Un'wana ni un'wana ú ta n'wi vona, ku katsa ni lava va n'wi dlayeke. Tinxaka hinkwato ta vanhu va misava ti ta ba nkosi ti rila hikwalaho ka yena, hakunene swi tano! Amen.

Nhlavutelo 2:23

Ndzi ta dlaya vana va yena, kutani tikereke hinkwato ti ta tiva leswaku hi mina loyi a kambisisaka mianakanyo ni timbilu. Kutani ndzi ta avanyisa un'wana ni un'wana wa n'wina hi ku ya hi mintirho ya n'wina.

Nhlavutelo 20:12

Naswona, ndzi vona vafi, lavakulu ni lavatsongo, va yimile emahlweni ka xiluvelo, kutani tibuku ti pfaluriwa. Ku pfaluriwa ni buku yin'wanyana, yi nga buku ya vutomi. Vafi va avanyisiwa hi leswi swi nga tsariwa etibukwini, hi ku ya hi leswi va swi endleke.