Matewu 15:22 - BIBELE Mahungu Lamanene

²² Kutani ku humelela wansati wa le Kanana la humeke ematlhelweni walawo, a huwelela a ku: “Ndzi twele vusiwana, Hosi N'wana Davhida! N'wana wa mina wa wanhwanyana ú xaniseka ngopfu hi demona.”

Testamente Leyimpsha Xichangana

²² Kutani kuhumelela wansati lweyi aata hi le migangeni ya kusuhi na Kanana ahuwelela, aku: “Nitwele vusiwana, Hosi N'wana Davhida! N'wana wa mina wanhwanyana axanisiwa ngopfu hi madimoni.”

Xitsonga (Bibele)

²² Kutani ku humelela wansati wa Kanana la humeke ematlhelweni walawo, a huwelela, a ku: “Ndzi twele vusiwana, Hosi, n'wana Davhida, n'wana wa mina wa wanhwanyana u vabya ngopfu hi mademona.”

Matewu 15:22 Iomraidhean Croise

Pisalema 4:1

We Xikwembu, mulweri wa tifanelo ta mina, ndzi hlamule loko ndzi huwelela. U ndzi nyikile ko tumbeta nhloko, loko ndzi ri emaxangwini; sweswi ndzi twele vusiwana, u yingisa ku khongela ka mina.

Pisalema 45:12

We nhwana wa le Tiri, lava fuweke etikweni va ta ku humesela tinyiko, va endlela leswaku u va tsakela.

Pisalema 6:2

Ntamu wa mina wa hela we HOSI, ndzi twele vusiwana! Ndzi horise, hikuva marhambu ya mina ya pandza,

Ezekiele 3:6

A ndzi ku rhumi eka mintshungu ya vamatiko lava vulavulaka tindzimi timbe to nonon'hwa, leti u nga ti twisisiki. Loko a ndzi ku rhuma eka vanhu vo tano, a va ta ku yingisa,

Matewu 1:1

Lexi i xivongo xa Yesu Kriste, n'wana Davhida, n'wana Abrahama:

Matewu 15:23

Kambe Yesu a nga n'wi hlamulanga nchumu. Kutani vadyondzisiwa va yena va n'wi kombela va ku: “N'wi hlongole, hikuva ú hi bela huwa a ri karhi a hi landzelela.”

Matewu 17:15

“Hosi, wa nga twela n'wana wa mina evusiwana, hikuva ú xanisiwa ngopfu hi switshetshele; hakanyingi ú wele endzilweni, ni le matini.

Matewu 4:24

Kutani ku twakala ka yena ku hangalaka etikweni hinkwaro ra Siriya. Va tisa hinkwavo lava vabyaka hi mavabyi ya tinxaka-xaka ni lava xanisekaka ngopfu, kukota lava nga ni mademona, ni lava nga ni rihuhe ra n'weti, ni lava nga lamala, kutani Yesu a va hanyisa.

Matewu 9:27

Loko Yesu a sukile kwalaho ni ku hundzela emahlweni, lavo-fe-mahlo vambirhi va n'wi landza, va ri karhi va huwelela va ku: “N'wana Davhida, hi twele vusiwana.”

Luka 17:13

kutani va huwelela, va ku: “Yesu, n'wini wa hina, hi twele vusiwana!”

Luka 18:13

Muluvisi yena a a yimele kule, a chava ni ku tlakusa mahlo a languta etilweni, kambe a a komba ku vaviseka, a ku: ‘Xikwembu, ndzi twele vusiwana, mina ndzi nga mudyohi.’

Luka 6:18

va ta ku ta n'wi yingisa ni ku hanyisiwa hi yena; lava karhatiwaka hi mimoya ya thyaka, na vona a a va hanyisa.