Matewu 13:39 - BIBELE Mahungu Lamanene

³⁹ Nala la byaleke mfava i Diyavulosi; ku tshovela i ku hela ka minkarhi; vatshoveri vona i tintsumi.

Testamente Leyimpsha Xichangana

³⁹ Nala lweyi abzaleke mfava i Diyavulosi; kutshovela i kuhela ka misava, vatshoveli vona i tintsumi.

Xitsonga (Bibele)

³⁹ Nala la byaleke mfava, i Diyavulosi; ku tshovela, i makumu ya mikarhi leyi; vatshoveri, vona, i tintsumi.

Matewu 13:39 Iomraidhean Croise

Daniele 7:10

Nambu lowu khulukaka ndzilo a wu sukela laha a a ri kona; vanhu va madzana-dzana a va n'wi tirhela, emahlweni ka yena ku yimile vanhu va magidigidi. Kutani huvo yi sungula ntirho wa yona, ku phendliwa ni tibuku.

Yuwele 3:13

Nghenisani rihwevo, hikuva nkarhi wa ku tshovela wu fikile. Nghenani mi pyanya, hikuva mihandzu ya vhinya yi tele ngopfu. Makhuwana a ma khape hi vhinyo, hikuva swidyoho swa vona swa chavisa!

Matewu 12:32

un'wana ni un'wana la nga ta dyohela N'wana-wa-Munhu hi ku n'wi sandza, ú ta rivaleriwa; kambe la nga ta dyohela Moya lowo Kwetsima hi ku wu sandza, a nga ka a nga rivaleriwi, hambi ku ri enkarhini wa sweswi, hambi ku ri enkarhini lowu taka.

Matewu 13:22

Mbewu leyi haxiweke emitweni, swi fana ni loko munhu a twa Rito; kambe ku vilela hi swa misava ni ku kanganyisiwa hi rifuwo swi kamanyeta Rito, kutani ri tsandzeka ku veka mihandzu.

Matewu 13:25

Kambe loko vanhu va etlele, ku ta nala wa yena, a ta byala mfava exikarhi ka maxalana, kutani a tifambela.

Matewu 13:28

A ku ka vona: ‘I ku endla ka nala.’ Malandza ma ku ka yena: ‘Xana u lava leswaku hi ya tsuvula mfava ke?’

Matewu 13:40

Kukotisa loko mfava wu tsuvuriwa, wu ya hisiwa endzilweni, swi ta va tano eku heleni ka minkarhi.

Matewu 13:49

Swi ta va tano eku heleni ka minkarhi; tintsumi ti ta huma, ti ta hlawula lavo biha eka lavo lulama,

Matewu 24:3

Kuteloko a tshamile eNtshaveni ya Mitlhwari, vadyondzisiwa va ta ka yena etlhelweni, va ku: “Hi byele, xana timhaka leti ti ta humelela rini xana? Xana xikombiso xa ku vuya ka wena ni xa ku hela ka minkarhi xi ta va xihi ke?”

Matewu 25:31

“Siku N'wana-wa-Munhu a taka hi ku kwetsima ka yena, ni tintsumi hinkwato ti ri na yena, ú ta tshamisa exiluvelweni xa yena xo kwetsima.

Matewu 28:20

mi va dyondzisa ku hlayisa hinkwaswo leswi ndzi mi leriseke swona; kutani vonani, ndzi na n'wina masiku hinkwawo, ku ko ku hela misava.”

1 Vakorinto 10:11

Swilo leswi swi va humelerile ku endla xitsundzuxo; naswona swi tsariwile leswaku na hina hi tsundzuxiwa ha swona, hina lava hi nga emasikwini ya ku hetelela ka minkarhi.

2 Vakorinto 11:3

Kambe, kukota leswi nyoka yi kanganyiseke Evha hi mano ya yona, ndza chava leswaku hi tindlela tin'wana mianakanyo ya n'wina yi nga onhiwa, kutani mi nga ha swi koti ku landzela Kriste hi ku tinyiketa ni ku tenga.

2 Vakorinto 2:17

Hikuva a hi fani ni lavo tala, lava endlaka bindzu lero biha hi Rito ra Xikwembu; kambe hi vulavula kukotisa vanhu va timbilu leto tenga, kukota lava rhumiweke hi Xikwembu; hi vulavula emahlweni ka Xikwembu hi ri va ka Kriste.

Vaefesa 2:2

Eminkarhini yoleyo, a mi hanya eka swona, loko ma ha landza mikhuva leyo biha ya misava leyi. A mi ri ehansi ka ndhuna leyi fumaka mimoya ya le henhla empfhukeni, wu nga moya lowu tirhaka nasweswi exikarhi ka vanhu lava nga yingisiki Xikwembu.

Vaheveru 1:2

Kambe emasikwini lawa yo hetelela, xi vulavurile na hina hi N'wana, loyi xi n'wi vekeke ku va mudyandzhaka wa swilo hinkwaswo, loyi naswona xi tumbuluxeke tilo ni misava ha yena.

Vaheveru 9:26

Hikuva loko swi ri tano, Kriste a a ta va a fanele ku twisiwa ku vaviseka kambe na kambe, ku sukela loko misava yi tumbuluka. Kasi, hilaha swi nga hakona, ú humelele kan'we swi hela kwalaho, sweswi ku nga fika minkarhi ya makumu, a endlela ku susa xidyoho hi ku tinyiketa ka yena a va mhamba.

1 Petro 5:8

Tikhomeni mi hiteka. Nala wa n'wina a nga Diyavulosi, wa rhendzeleka-rhendzeleka ku fana ni nghala leyi bongaka, yi lava loyi yi nga n'wi dyaka.

Yuda 1:14

Yena Enoko, munhu wa rixaka ra vu-7 ku sukela eka Adamu, ú vurile vona volavo, siku a nga vhumbha a ku: “Vonani, Hosi yi fikile ni mavandla ya yona layo hlawuleka ya madzana-dzana,

Nhlavutelo 12:9

Hiloko dragona leyikulu leyi yi cukumetiwa yi ya wela hansi, yona nyoka ya khale leyi vuriwaka Diyavulosi kumbe Sathana, Mukanganyisi wa misava hinkwayo; yi cukumetiwa yi ya wela ehansi emisaveni, tintsumi ta yona na tona ti cukumetiwa kun'we na yona.

Nhlavutelo 13:14

Kutani hi masingita lawa xi pfumeleriwaka ku ma endla emahlweni ka xivandzana lexo rhanga, xi kanganyisa vaaki va misava, xi va lerisa ku endla xifaniso va endlela xivandzana lexi a xi tsemiwile hi banga kambe xi tiya xa ha hanya.

Nhlavutelo 19:20

Xivandzana xi khomiwa, ku khomiwa ni muprofeta wa mavunwa loyi a a endla masingita emahlweni ka xona (hi masingita lawa, a a xisa lava a va ri ni mfungho wa xivandzana ni lava a va gandzela xifaniso xa xona). Kutani xivandzana ni muprofeta wa mavunwa va hoxiwa swin'we va ha hanya etiveni ra ndzilo lowu pfurhaka wu ri ni xivavula.