Matewu 13:22 - BIBELE Mahungu Lamanene

²² Mbewu leyi haxiweke emitweni, swi fana ni loko munhu a twa Rito; kambe ku vilela hi swa misava ni ku kanganyisiwa hi rifuwo swi kamanyeta Rito, kutani ri tsandzeka ku veka mihandzu.

Testamente Leyimpsha Xichangana

²² Mbewu leyihaxiweke mintweni svifana ni loko munhu atwa Rito; kambe kuvilela hi sva misava ni kukanganyisiwa hi rifuwo svikamanyeta Rito, kutani ritsandzeka kuveka mihandzu.

Xitsonga (Bibele)

²² Loko a ri loyi a byariweke emitweni, i munhu la yingisaka rito, kambe a tikarhatela swilo swa misava, ni ku kanganyisiwa hi xuma; kutani swi tsondziyela rito, ri ko ri nyumba.

Matewu 13:22 Iomraidhean Croise

Pisalema 52:7

“Vonani munhu loyi a nga ala leswaku Xikwembu xi va khokholo ra yena, hikuva a a tshemba ku tala ka rifuwo ra yena, a ehleketa leswaku ri nga n'wi biyelela.”

Pisalema 62:10

U nga tshembi mintirho ya tihanyi, ku kanganyisa vanhu a swi nga ku vuyiseli nchumu. Hambiloko rifuwo ri nga ku talela, u nga tiseketeli ha rona.

Swivuriso 11:28

Loyi a tshembaka rifuwo ra yena, ú ta wa, kambe lowo lulama ú ta tsaka ku fana ni murhi lowu hlukaka.

Swivuriso 23:5

rifuwo a ri hlweli ku nyamalala, ri hatla ri mila timpapa, ri haha ku fana ni gama, ri ya henhla.

Eklesiasta 4:8

Munhu la tshamaka a ri yexe, la pfumalaka n'wana kumbe makwavo, a nga tshiki ku tirha a dzuka nyuku, hikuva a nga kolwi hi rifuwo ra yena. Ú rivala ku tivutisa, a ku: “Xana ndzi tikarhatela mani, ndzi titsonela yini leswo nandziha, xana?” Na swona sweswo, a swi pfuni nchumu, i ku tikarhatela mahala ntsena.

Yeremiya 4:3

HOSI Xikwembu xi vulavula ni lava akeke etikweni ra Yuda ni le Yerusalema, xi ku ka vona: “Lulamisani masimu ya n'wina mi sungula ku rima, mi nga haxi mbewu emitweni.

Matewu 12:32

un'wana ni un'wana la nga ta dyohela N'wana-wa-Munhu hi ku n'wi sandza, ú ta rivaleriwa; kambe la nga ta dyohela Moya lowo Kwetsima hi ku wu sandza, a nga ka a nga rivaleriwi, hambi ku ri enkarhini wa sweswi, hambi ku ri enkarhini lowu taka.

Matewu 13:39

Nala la byaleke mfava i Diyavulosi; ku tshovela i ku hela ka minkarhi; vatshoveri vona i tintsumi.

Matewu 13:40

Kukotisa loko mfava wu tsuvuriwa, wu ya hisiwa endzilweni, swi ta va tano eku heleni ka minkarhi.

Matewu 13:7

Timbewu tin'wana ti wela exikarhi ka mitwa; loko mitwa yi kula, yi ti kamanyeta.

Luka 12:15

Kutani a ku ka vona: “Tlharihani mi tivonela eka makwanga wahi ni wahi, hikuva vutomi bya munhu a byi humi eka swilo leswi a swi fuweke hambiloko swi n'wi talele ngopfu.”

Luka 12:21

Yesu a heta hi ku vula a ku: “Swi tano ni ka loyi a tihlengeletelaka xuma, a nga fuweri Xikwembu.”

Luka 21:34

“Tivoneleni leswaku timbilu ta n'wina ti nga tikeriwi hi makolo ni ku pyopyiwa, ni ku vilela hi swa vutomi lebyi, na swona tivoneleni leswaku siku rero ri nga mi tshuketi;

Luka 8:14

Timbewu leti nga wela emitweni, i vanhu lava tweke Rito, kambe loko va ri karhi va ya emahlweni, va kamanyetiwa hi ku vilela, ni rifuwo, ni ku titsakisa hi swa vutomi lebyi, kutani va nga ha veki mihandzu leyi vupfaka.

Timhaka 8:18

Loko Simoni a vona leswaku Moya lowo Kwetsima wu nyikiwa hi ku tlhandlekiwa mavoko hi vaapostola, a va tshembisa mali, a ku:

Varhoma 12:2

Mi nga landzi hanyelo ra nguva leyi, kambe mi pfumela ku hundzuka mi va vantshwa emiehleketweni ya n'wina, mi ta kota ku twisisa leswi ku rhandza lokunene ka Xikwembu, loku nkhensekaka ni ku hetiseka, ku nga swona.

1 Vakorinto 1:20

Yi kwihi ntlhari xana? Ú kwihi mutsari xana? Loyi a tsakelaka ku phikisana na van'wana hi swa misava leyi, ú kwihi ke? Xana Xikwembu a xi kombanga leswaku vutlhari bya misava leyi i vuhunguki ke?

1 Vakorinto 2:6

Hambiswiritano, hi vulavula hi swa vutlhari exikarhi ka lava kuleke emoyeni, byi nga ri vutlhari bya minkarhi leyi, kumbe bya tihosi ta minkarhi leyi, hikuva va le ku herisiweni;

1 Vakorinto 2:8

A ku na un'we wa tihosi ta minkarhi leyi, loyi a byi twisiseke; loko onge va byi twisisile, ingi va nga vambanga Hosi ya ku dzuneka.

1 Vakorinto 3:18

Munhu a nga tshuki a tixisa. Loko un'wana exikarhi ka n'wina a tivona a ri la tlhariheke hi ku ya hi swa minkarhi leyi, a a hundzuke wo ke mano, leswaku a ta va lowo tlhariha.

2 Vakorinto 4:4

xikwembu xa misava leyi xi pfarile miehleketo ya vanhu lava va nga pfumeriki; xi va sive mahlo leswaku va nga voni ku vangama ka Mahungu Lamanene lama twarisaka ku kwetsima ka Kriste, yena loyi a nga xifaniso xa Xikwembu.

Vagalatiya 1:4

yena loyi a tinyiketeke hikwalaho ka swidyoho swa hina, leswaku a ta hi kutsula eka nguva leyo biha ya masiku lawa. Ú endle sweswo hi ku yingisa ku rhandza ka Xikwembu Tata wa hina;

Vaefesa 2:2

Eminkarhini yoleyo, a mi hanya eka swona, loko ma ha landza mikhuva leyo biha ya misava leyi. A mi ri ehansi ka ndhuna leyi fumaka mimoya ya le henhla empfhukeni, wu nga moya lowu tirhaka nasweswi exikarhi ka vanhu lava nga yingisiki Xikwembu.

1 Timotiya 6:17

Kambe loko va ri lava va nga ni rifuwo ra misava leyi, va byele leswaku va nga tikurisi, kumbe ku veka ku tshemba ka vona erifuweni leri nga tiyangiki, kambe va veka ku tshemba ka vona eka Xikwembu: Hi xona xi hi nyikaka hi ntalo swilo hinkwaswo leswaku hi tikorwisa ha swona.

2 Timotiya 4:10

Hikuva Demasi, hi ku rhandza ngopfu swa misava leyi, ú ndzi balekerile a ya eTesalonika. Kreskene ú yile eGalatiya, na Tito ú yile eDalamatiya.