Matewu 12:45 - BIBELE Mahungu Lamanene

⁴⁵ Hiloko wu tlhela wu ya teka mimoya yin'wana ya 7 leyo biha ku tlula wona, kutani yi nghena, yi tshama endlwini leyi; kutani matshamele yo hetelela ya munhu loyi, ma tlula layo sungula hi ku biha. Swi ta va tano eka rixaka leri ro biha.”

Testamente Leyimpsha Xichangana

⁴⁵ Hi loko wutlhela wuyateka mimoya yin'wana ya ntlhanu ni yimbirhi leyobiha kutlulisa wona, kutani yinghena, yitshama ndlwini leyi; kutani matshamela yohetelela ya munhu lweyi, matatlula lawa yosungula hi kubiha. Svitava tano ka rixaka leri robiha.”

Xitsonga (Bibele)

⁴⁵ Kutani wu tlhela wu ya vita mimoya yin'wana ya ntlhanu na mimbirhi leyi yi wu tlulaka hi ku biha, yi nghena, yi tshama kona; kutani timhaka ta makumu ta munhu loyi, ti tlula leto rhanga hi ku tshama ti bihile. Ku ta va sweswo eka rixaka leri ra mona.”

Matewu 12:45 Iomraidhean Croise

Levhitika 13:20

Muprista ú ta n'wi kambela; kutani loko ndhawu ya kona yi tikomba yi entilenyana, ni loko voya lebyi nga kwalaho byi sungule ku kwalala, muprista ú ta tivisa leswaku munhu loyi a nga ha tenganga; ú ni nhlokonho, wu lo huma laha a ku ri ni tshumba.

Matewu 12:24

Loko Vafarisi va swi twa, va hlamula va ku: “Munhu loyi a nge koti ku hlongola mademona loko ku nga ri hi Belzebule, hosi ya mademona.”

Matewu 12:44

hiloko wu ku: ‘Ndzi ta tlhelela endlwini ya mina leyi ndzi humeke eka yona.’ Kutani loko wu fika, wu yi kuma yi nga ri na nchumu, yi kukuriwile, yi lunghisiwile.

Matewu 17:21

Demona ra rixaka leri a ri humi loko ku nga ri hi ku khongela ni ku titsona swakudya.]”

Matewu 23:15

“Mi ni khombo n'wina vatsari ni Vafarisi, hikuva mi vakanganyisi: Mi rhendzeleka ni malwandle ni matiko, leswaku mi ta kuma mudyondzisiwa un'we ntsena; kutani loko mi n'wi kumile, mi n'wi endla loyi a fanelaka hi Tihele ku tlula n'wina kambirhi.

Matewu 23:24

N'wina vafambisi lavo-fe-mahlo, mi ungula nsuna, kambe mi mita kamela!

Marka 16:9

Loko Yesu a pfukile eku feni, empundzwini wa siku lero sungula ra vhiki, a rhanga a tikomba eka Mariya wa Magadala, a nga wansati loyi Yesu a a hlongorile mademona ya 7 eka yena.

Marka 5:9

Kutani Yesu a n'wi vutisa, a ku: “Vito ra wena u mani?” A hlamula a ku: “Vito ra mina ndzi Vandla, hikuva hi tele.”

Luka 11:26

Hiloko wu tlhela, wu ya teka mimoya yin'wana ya 7 leyo biha ku tlula wona, kutani yi nghena, yi tshama endlwini leyi, kutani matshamele yo hetelela ya munhu loyi ma tlula layo sungula hi ku biha.”

Vaefesa 6:12

Hikuva a hi lwi ni vanhu va misava leyi, kambe hi lwa ni mimoya leyo biha leyi nge henhla emimpfhukeni: Hi lwa ni tindhuna, ni vafumi, ni tihosi leti fumaka ta nguva leyi ya munyama.

Vaheveru 10:39

Kutani hina a hi va ntlawa wa lava tlhelelaka endzhaku va ya eku loveni, kambe hi va ntlawa wa lava nga ni ku pfumela, leswaku hi hlayisa mimoya ya hina.