Matewu 12:42 - BIBELE Mahungu Lamanene

⁴² Hi siku ra ku avanyisiwa, hosi ya wansati ya le dzongeni yi ta pfuka eku feni swin'we ni rixaka leri, yi ri avanyisa, hikuva yi sukile emakun'wini ya misava ku ta yingisa vutlhari bya Solomoni, kutani maswivo, leswi nga kwala i swikulu ku tlula Solomoni.

Testamente Leyimpsha Xichangana

⁴² Hi siku ra kuyavanyisa, hosinkazi ya le dzongeni yitapfuka kufeni svin'we ni rixaka leri, yiliyavanyisa, hikuva yisukile makun'wini ya misava kutayingisa vutlhari bza Solomoni, kutani masvivo, lweyi angalaha i nkulu kutlula Solomoni.

Xitsonga (Bibele)

⁴² Hosi ya wansati ya le dzongeni yi ta yima eku avanyiseni ni rixaka leri, yi ri kaneta, hikuva yi sukile makumu ya misava ku ta yingisela vutlhari bya Solomoni, kasi lonkulu ka Solomoni u kokwala.

Matewu 12:42 Iomraidhean Croise

1 TIHOSI 10:24

Vanhu a va ta hi le matikweni hinkwawo ku ta vonana na Solomoni ni ku twa vutlhari bya yena, lebyi Xikwembu xi n'wi nyikeke byona.

1 TIHOSI 3:12

yingisa: Ndzi ta endla leswi u swi kombelaka. Ndzi ta ku nyika vutlhari ni ku twisisa, leswaku u ta kota ku hlawula, u tlula hi vutlhari vanhu hinkwavo lava hanyeke u nga si va kona, ni lava nga ta velekiwa endzhaku ka wena.

1 TIHOSI 3:28

Vanhu hinkwavo va Israele va twa hilaha hosi yi avanyiseke mhaka leyi hakona, kutani va chava Solomoni, hikuva a va swi vona leswaku ú ni vutlhari bya Xikwembu eku avanyiseni ka timhaka.

1 TIHOSI 3:9

Hikokwalaho, mina nandza wa wena, ndzi kombela vutlhari ni ku twisisa, ndzi ta kota ku fambisa tiko leri ra wena hi ku hlawula leswinene eka leswo biha, hikuva tiko leri ra wena ra tika, ri nga fambisiwa hi mani xana?”

1 TIHOSI 4:29

Xikwembu a xi nyikile Solomoni evutlhari, ni ku twisisa loku enteke, ni miehleketo yo anama tanihi sava eribuweni ra lwandle.

1 TIHOSI 4:34

Vanhu a va huma ematikweni hinkwawo va ta yingisa vutlhari bya yena, va rhumiwa hi tihosi hinkwato ta misava leti byeriweke ta vutlhari lebyi.

1 TIHOSI 5:12

Kutani HOSI Xikwembu xi nyika Solomoni evutlhari, hilaha xi n'wi tshembiseke hakona. Hiramu na Solomoni va akisana hi ku rhula, ha vambirhi va vumba xinakulobye.

Esaya 7:14

Sweswi, N'wini wa hinkwaswo ú lava ku mi nyika xikombiso: Ku na nhwana loyi a tikeke; ú ta veleka n'wana wa mufana, a n'wi thya vito ra Emanuwele.

Matewu 12:41

Hi siku ra ku avanyisiwa, vavanuna va Ninivha va ta humelela swin'we ni rixaka leri, va ri avanyisa, hikuva va hundzukile, loko va khongoteriwa hi Yonasi; kutani maswivo, leswi nga kwala i swikulu ku tlula Yonasi.

Matewu 12:6

Ndza mi byela leswaku ku ni leswi tlulaka Tempele kwala.

Matewu 17:5

A ku a ha vulavula, papa lero vangama ri humelela, ri va funengeta; kutani ku twala rito leri humaka epapeni, ri ku: “Loyi i N'wananga la rhandzekaka, loyi ndzi n'wi tsakelaka, n'wi yingiseni!”

Matewu 3:17

Kutani ku twakala rito leri humaka etilweni, ri ku: “Loyi i N'wananga la rhandzekaka, loyi ndzi n'wi tsakelaka.”

Yohane 1:14

Rito ri hundzukile munhu la nga aka exikarhi ka hina; kutani hi hlalele ku kwetsima ka yena loku nga tala tintswalo ni ntiyiso, ku nga ku kwetsima loku fanelaka n'wana loyi a nga yexe eka tata wa yena.

Yohane 1:18

A ku na munhu la tshamaka a vona Xikwembu ni siku ni rin'we. Loyi a nga swakwe, loyi a nga Xikwembu, loyi a nge xifuveni xa Tatana, hi yena loyi a nga endla leswaku Tatana a tiviwa.

Duteronoma 30:13

Naswona a wu le ntsungeni wa malwandle, kutani mi nge vuli mi ku: ‘I mani la nga ta tsemakanya malwandle a ya hi tekela wona leswaku hi ta wu twa, kutani hi hanya ha wona!’