Matewu 12:36 - BIBELE Mahungu Lamanene

³⁶ Hikokwalaho ndza mi byela leswaku, hi siku ra ku avanyisiwa, vanhu va ta tihlamulela eka rito rin'wana ni rin'wana ra hava leri va tshamaka va ri vula,

Testamente Leyimpsha Xichangana

³⁶ Hikolaho namibzela lesvaku, hi siku ra kuyavanyisa, vanhu vatatihlamulela ka rito rin'wana ni rin'wana ra hava leri vatshamaka varivula,

Xitsonga (Bibele)

³⁶ Hikwalaho ndzi ri eka n'wina: Hi siku ra ku avanyisa, vanhu va ta hlamulela ku vulavula kun'wana ni kun'wana ka vuhava lebyi va byi vuleke;

Matewu 12:36 Iomraidhean Croise

Eklesiasta 12:14

Xikwembu xi ta kambela ntirho wun'wana ni wun'wana, hambi wu ri lowu endliweke exihundleni, ku vona loko wu ri lowunene kumbe lowo biha.

Matewu 10:15

Ndzi tiyisile ndzi ri ka n'wina, hi siku ra ku avanyisiwa, tiko ra Sodoma na Gomora ri ta vevukiseriwa ku tlula muti wolowo.

Matewu 11:22

Hambiswiritano, ndza mi byela leswaku, hi siku ra ku avanyisiwa, miti ya Tiri na Sidoni yi ta vevukiseriwa ku tlula n'wina.

Matewu 12:37

hikuva wena, u ta hlayiwa la lulameke hi marito ya wena; naswona, u ta avanyisiwa hi marito ya wena.”

Varhoma 14:12

Hi mukhuva wolowo, un'wana ni un'wana wa hina ú ta tihlamulela hi yexe emahlweni ka Xikwembu.

Varhoma 2:16

swi ta va tano hi siku leri Xikwembu xi nga ta avanyisa swihundla swa vanhu ha Yesu Kriste, hilaha Evhangeli leyi ndzi yi dyondzisaka yi vulaka hakona.

Yakobo 3:6

Ririmi i ndzilo, ku homboloka ka rona ku ringana ni tiko hi vukulu. Ri le xikarhi ka swirho swa hina, kutani ri nyamisa miri hinkwawo, ri chela mpfundze evutomini hinkwabyo bya vanhu; ndzilo wa kona wu huma eTiheleni.

Nhlavutelo 20:12

Naswona, ndzi vona vafi, lavakulu ni lavatsongo, va yimile emahlweni ka xiluvelo, kutani tibuku ti pfaluriwa. Ku pfaluriwa ni buku yin'wanyana, yi nga buku ya vutomi. Vafi va avanyisiwa hi leswi swi nga tsariwa etibukwini, hi ku ya hi leswi va swi endleke.