Matewu 12:32 - BIBELE Mahungu Lamanene

³² un'wana ni un'wana la nga ta dyohela N'wana-wa-Munhu hi ku n'wi sandza, ú ta rivaleriwa; kambe la nga ta dyohela Moya lowo Kwetsima hi ku wu sandza, a nga ka a nga rivaleriwi, hambi ku ri enkarhini wa sweswi, hambi ku ri enkarhini lowu taka.

Testamente Leyimpsha Xichangana

³² mani na mani lweyi angatajohela N'wana-wa-Munhu hi kumusandza, atarivaleliwa; kambe lweyi angatajohela Moya Lowokwetsima hi kuwusandza, angakala angarivaleliwi, hambi kuli nkarhini wa svosvi, hambi kuli nkarhini lowutaka.

Xitsonga (Bibele)

³² Loko munhu a sandza N'wana wa Munhu, u ta rivaleriwa; kambe la sandzaka Moya lowo Kwetsima a nga ka a nga rivaleriwi, ni siku ni rin'we, hambi ku ri laha emisaveni hambi ku ri enkarhini lowu nga ta humelela.

Matewu 12:32 Iomraidhean Croise

Ntirho 36:13

“Lava vengaka Xikwembu, va tshama va xi hlundzukerile; loko xi va tshika va khomiwa, a va rili eka xona.

Matewu 11:19

N'wana-wa-Munhu ú tile a dya, a nwa, kutani va ku: ‘Langutani, munhu wa makolo hi loyi, wa xidakwa, la twananaka ni valuvisi ni vadyohi!’ Kambe vutlhari bya Xikwembu byi tikomba byi ri lebyo lulama hi mintirho ya byona.”

Matewu 12:31

“Hi laha ndzi nge ka n'wina: Vanhu va ta rivaleriwa xidyoho xihi ni xihi, hambi ri ri rito ra ku sandza Xikwembu; kambe loko va sandza Moya lowo Kwetsima, va nga ka va nga rivaleriwi;

Matewu 12:8

hikuva N'wana-wa-Munhu i Hosi ya Savata.”

Matewu 13:22

Mbewu leyi haxiweke emitweni, swi fana ni loko munhu a twa Rito; kambe ku vilela hi swa misava ni ku kanganyisiwa hi rifuwo swi kamanyeta Rito, kutani ri tsandzeka ku veka mihandzu.

Matewu 13:39

Nala la byaleke mfava i Diyavulosi; ku tshovela i ku hela ka minkarhi; vatshoveri vona i tintsumi.

Matewu 13:40

Kukotisa loko mfava wu tsuvuriwa, wu ya hisiwa endzilweni, swi ta va tano eku heleni ka minkarhi.

Matewu 13:55

Xana a hi yena n'wana wa muvatli ke? Mana wa yena, xana a hi yena loyi a vuriwaka Mariya ke? Ni vamakwavo va yena, xana a hi vona va Yakobo, na Yosefa, na Simoni, na Yuda ke?

Matewu 8:20

Yesu a n'wi hlamula a ku: “Vahlati va ni mincele, ni tinyanyana ti ni swisaka, kambe N'wana-wa-Munhu a nga na laha a nga seketelaka nhloko ya yena kona.”

Marka 10:30

ú ta nyikiwa swilo leswi ka dzana eminkarhini ya sweswi: hi leswaku tindlu, ni vamakwavo, ni vamanana, ni vana, ni masimu, swin'we ni ku xaniseka; kutani eminkarhini leyi taka, ú ta nyikiwa vutomi lebyi nga heriki.

Marka 3:28

“Ndzi tiyisile ndzi ri ka n'wina: Loko vanhu va dyohela Xikwembu kumbe loko va xi sandza, va nga rivaleriwa;

Marka 3:29

kambe loyi a nga ta sandza Moya lowo Kwetsima a nga ka a nga rivaleriwi ni siku ni rin'we; hileswaku ú ni nandzu wa xidyoho lexi nga heriki.”

Luka 12:10

“Un'wana ni un'wana la nga ta dyohela N'wana-wa-Munhu hi ku vulavula, ú ta rivaleriwa, kambe loyi a sandzaka Moya lowo Kwetsima a nga ka a nga rivaleriwi.

Luka 16:8

Kutani n'wini a dzunisa mulanguteri wo kala a nga tshembekanga, hikuva a a endlile hi vutlhari.” Yesu a engeta a ku: “Vanhu va misava leyi va tlharihile eku tirhisaneni ni va ka vona ku tlula vanhu va ku vonakala.

Luka 18:30

ú ta kuma leswo tala ku tlula sweswo eminkarhini ya sweswi, kutani eminkarhini leyi taka, ú ta kuma vutomi lebyi nga heriki.”

Luka 23:34

[Kutani Yesu a ku: “Tatana, va rivalele, hikuva a va tivi leswi va swi endlaka.”] Kutani va avelana swiambalo swa yena hi ku hoxa vuhlolotwana.

Luka 7:34

N'wana-wa-Munhu ú tile a dya, a nwa, kutani mi ku: ‘Langutani, munhu wa makolo hi loyi, wa xidakwa, la twananaka ni valuvisi ni vadyohi!’

Yohane 7:12

A ku ri ni ku hleva-hleva ngopfu entshungwini, hi mhaka ya yena. Van'wana a va ku: “I munhu lonene!” Van'wana a va ku: “E-e, ú lahlekisa vanhu.”

Yohane 7:39

Hi ku vula sweswo, a a ringanisa Moya lowu lava pfumeleke eka yena va nga ta nyikiwa wona. Ku fikela nkarhi wolowo, Moya lowo Kwetsima a wu nga si nyikiwa, hikuva Yesu a a nga si tlakusiwa.

Yohane 7:52

Va n'wi hlamula, va ku: “Xana na wena u huma eGaleliya ke? Lavisisa swinene u ta vona leswaku ku hava muprofeta la humaka eGaleliya.” [

Timhaka 3:19

“Loko swi ri tano, hundzukani, mi tlhelela eka Xikwembu, leswaku swidyoho swa n'wina swi rivaleriwa,

Vaefesa 1:21

Kriste wa fuma kona, ehenhla ka hinkwaswo leswi nga ni vundhuna, ni ku fuma, ni matimba, ni vuhosi; naswona, ú le henhla ka mavito hinkwawo lama nga vuriwaka, ku nga ri enguveni leyi ntsena, kambe ni ka nguva leyi nga ta ta.

1 Timotiya 1:13

hambileswi khale ndzi tshamaka ndzi n'wi sandza, ni ku n'wi xanisa, ni ku n'wi pfukela. Kambe ndzi tsetseleriwile, hikuva a ndzi endla hi ku kohleka, ndzi nga ri na ku pfumela.

1 Timotiya 1:15

Rito leri ri tiyile, ri fanele ku amukeriwa hi mandla mambirhi, leri nge: “Kriste Yesu ú tile emisaveni ku ta ponisa vadyohi.” Kutani eka vadyohi lava, mina ndzi lowo rhanga hi ku biha.

1 Timotiya 4:8

hikuva hambiloko ku chuka-chukisa miri ku ri loku ku pfunaka hi matlhelo man'wana, vukhongeri byi pfuna hi matlhelo hinkwawo, naswona byi tshembisa vutomi bya nkarhi lowu, ni bya lowu taka.

1 Timotiya 6:17

Kambe loko va ri lava va nga ni rifuwo ra misava leyi, va byele leswaku va nga tikurisi, kumbe ku veka ku tshemba ka vona erifuweni leri nga tiyangiki, kambe va veka ku tshemba ka vona eka Xikwembu: Hi xona xi hi nyikaka hi ntalo swilo hinkwaswo leswaku hi tikorwisa ha swona.

2 Timotiya 4:10

Hikuva Demasi, hi ku rhandza ngopfu swa misava leyi, ú ndzi balekerile a ya eTesalonika. Kreskene ú yile eGalatiya, na Tito ú yile eDalamatiya.

Tito 2:12

ti hi dyondzisa ku tshika ku hanya ehandle ka Xikwembu ni ku navela swa misava, kutani hi hanya emisaveni leyi hi ku tikhoma, ni ku lulama, ni vukhongeri,

Yakobo 1:27

Vukhongeri lebyi tengeke, lebyi nga solekiki emahlweni ka Xikwembu Tatana, hi lebyi: Ku endzela lava feriweke hi vatswari, ni ku endzela tinoni emaxangwini ya tona, ni ku papalata swilo leswi nyameke swa misava leyi.