Matewu 11:28 - BIBELE Mahungu Lamanene

²⁸ “Tanani ka mina, n'wina hinkwenu lava karheleke, ni lava tikeriwaka, ndzi ta mi wisisa.

Testamente Leyimpsha Xichangana

²⁸ “Tanani ka mina, n'wina hinkwenu lavakarhaleke, ni lavatikeliwaka, nitamiwisisa.

Xitsonga (Bibele)

²⁸ “Tanani eka mina n'wina hinkwenu lava karheleke, ni lava tikeriwaka, ndzi ta mi wisisa.

Matewu 11:28 Iomraidhean Croise

Ntirho 14:1

“Vutomi bya munhu byi komile ngopfu, ku sukela evuhlangini, ú le ku xanisekeni.

Ntirho 5:7

Munhu ú lo velekeriwa ku xaniseka, kukotisa nhlahle leyi fanelaka ku baleka ndzilweni.”

Pisalema 116:7

Sweswi ndzi ni ku rhula, hikuva HOSI Xikwembu xi ndzi katekisile ngopfu.

Pisalema 32:4

Vusiku ni nhlekanhi, a wu ndzi ba we HOSI, ndzi hela matimba kukota ximila lexi hisiwaka hi mumu.

Pisalema 38:4

Milandzu ya mina yi tele ngopfu, ya ndzi khubumeta, yi hundzuka ndzhwalo lowu ndzi hlulekaka ku wu rhwala.

Pisalema 94:13

Munhu wo tano, u n'wi rhulisa mbilu enkarhini wa maxangu, ku kondza loko lavo homboloka va hoxiwa ekheleni.

Eklesiasta 1:14

Ndzi swi vonile hinkwaswo leswi vanhu va swi endlaka: Ndza mi byela, ku hava lexi pfunaka, vo hlongorisa moya ntsena.

Eklesiasta 1:8

Swilo hinkwaswo swa phirha, ku phirha ka kona a ku hlamuseleki; tihlo ra vona, kambe a ri kolwi, ndleve ya twa, kambe a yi xurhi.

Eklesiasta 4:8

Munhu la tshamaka a ri yexe, la pfumalaka n'wana kumbe makwavo, a nga tshiki ku tirha a dzuka nyuku, hikuva a nga kolwi hi rifuwo ra yena. Ú rivala ku tivutisa, a ku: “Xana ndzi tikarhatela mani, ndzi titsonela yini leswo nandziha, xana?” Na swona sweswo, a swi pfuni nchumu, i ku tikarhatela mahala ntsena.

Esaya 1:4

Yo, tiko ra vadyohi, vanhu lava nga lo pyì, hi vubihi, rixaka ra mikhuva leyo biha, leri hanyaka hi manyala ntsena! Va tshikile HOSI Xikwembu, va sandza Muhlawuleki wa Israele, va tlhela va n'wi fularhela.

Esaya 11:10

Eminkarhini yoleyo, loyi a humaka erimitswini ra Yese, ú ta fana ni mujeko lowu dzimeriweke matiko hinkwawo; vanhu hinkwavo va ta ya vutisa timhaka eka yena; hinkwako laha a nga ta va a tshama kona, ku ta va ku sasekile.

Esaya 28:12

xi va byerile xi ku: “Tshamani mi wisa, lava karheleke, va tshikeni va wisa, hikuva lowu i nkarhi wo koka moya.” Kambe a va xi yingisanga.

Esaya 61:3

Xi ndzi rhumile ku ya miyeta lava rilaka eSiyoni, ndzi va nyika harhi ya swiluva ematshan'wini ya nkuma, ni mafurha ya ntsako leswaku va nga ha rili, ndzi va ambexa ku dzuneka ematshan'wini ya moya lowu tsaneke. Kutani va ta vuriwa “Minkuhlu-ya-ku-lulama”, leyi byariweke hi HOSI Xikwembu leswaku xi ta dzunisiwa.

Esaya 66:2

Swilo hinkwaswo swi endliwile hi mina, kutani i swa mina hinkwaswo. Ndzi tsakela munhu loyi a titsongahataka, loyi a tisolaka hi mbilu hinkwayo, a xixima milawu ya mina.

Yeremiya 31:25

Lava karheleke ndzi ta va nyika matimba, ndzi tiyisa lava tsaneke.

Yeremiya 35:16

Vana va Yonadabu wa Rekabi va hlayisile swileriso swa tata wa vona, kasi vanhu va mina lava, vona a va yingisi.

Yeremiya 6:16

HOSI Xikwembu xi vurisa sweswo xi ri: “Yimani emahandzeni ya tindlela mi languta, mi vutisa vanhu magondzo ya khale, ni laha ku nga ni mabudula lamanene, kutani mi famba ha wona, mi kuma ku wisa emoyeni. Kambe vona va ku: ‘A hi swi lavi ku famba hi ndlela yoleyo!’

Matewu 11:29

Rhwalani joko ra mina, mi dyondza ka mina, hikuva ndzi ni mbilu yo rhula ni ya tintswalo; kutani mimoya ya n'wina yi ta kuma ku wisa;

Matewu 23:4

Va boha mindzhwalo leyo tika, va yi rhwexa emakatleni ya vanhu, kasi vona a va lavi ni ku yi ninginisa hi ritiho.

Yohane 6:37

Hinkwavo lava Tatana a ndzi nyikaka vona, va ta ta ka mina; ni loyi a taka ka mina, ndzi nga ka ndzi nga n'wi cukumeteli handle.

Yohane 7:37

Hi siku ro hetelela ra nkhuvo, ri nga lerikulu, Yesu a suka a yima, kutani a tlakusa rito a ku: “Loko munhu a ri ni torha, a a te ka mina a ta nwa.

Timhaka 15:10

Sweswi ke, xana mi ringela yini Xikwembu hi ku tlhandleka mpingu emakatleni ya vadyondzisiwa, lowu vatata wa hina, hambi hi ri hina, hi hlulekeke ku wu rhwala xana?

Timhaka 20:35

Eswilweni hinkwaswo ndzi mi kombisile leswaku, hi ku tikarhata hi mukhuva lowu, hi fanele ku pfuna lava tsaneke, naswona hi tsundzuka marito ya Hosi Yesu, lawa a nga ma vula hi xiviri xa yena loko a te: ‘Ku nyika i nkateko lowu tlulaka ku nyikiwa.’ ”

Vagalatiya 5:1

Hi ntshunxiwile hileswi Kriste a hi ntshunxeke. Hikokwalaho, yimani mi tiya, mi nga ha tlheli mi tiveka ehansi ka mpingu wa vuhlonga.

2 Vatesalonika 1:7

kutani xi ta mi nyika ku wisa swin'we na hina, n'wina mi xanisiwaka; xi ta endla sweswo siku Hosi Yesu a humelelaka hi le tilweni, swin'we ni tintsumi ta yena ta matimba,

Vaheveru 4:1

Hikokwalaho, loko xitshembiso xa ku nghena eku wiseni ka Xikwembu xa ha ri kona, a hi chaveni leswaku kumbe un'wana wa n'wina a nga tshuka a kumiwa a tsandzekile ku fika kona.

Nhlavutelo 22:17

Moya ni Mutekiwa va ri: “Tana! Ni loyi a swi twaka a a vule a ku: ‘Tana!’ Loyi a nga ni torha a a te; ni loyi a swi navelaka a a nwe mati ya vutomi a nga hakeli.”