Matewu 10:23 - BIBELE Mahungu Lamanene

²³ Loko va mi xanisa emutini wun'wana, tsutsumelani eka wun'wanyana, hikuva ndzi tiyisile ndzi ri ka n'wina: N'wana-wa-Munhu ú ta humelela, mi nga si hlanganisa miti hinkwayo ya Israele.

Testamente Leyimpsha Xichangana

²³ Loko vamixanisa doropeni leri, tsutsumelani ka rin'wana, hikuva nitiyisile nili ka n'wina: N'wana-wa-Munhu atahumelela na mingasitlhanganisa madoropa hinkwawu ya Israyele.

Xitsonga (Bibele)

²³ Kutani kutakuloko va mi xanisa emutini wun'wana, tsutsumelani eka wun'wana, hikuva kunene ndzi ri eka n'wina: N'wana wa Munhu u ta humelela mi nga si hlanganisa miti hinkwayo ya Israele.

Matewu 10:23 Iomraidhean Croise

Yeremiya 26:21

Hosi Yoyakimi a twa marito ya Uriya a ri ni tinhenha ta yena ni varhangeri va tiko, kutani a ringeta ku n'wi dlaya, kambe Uriya a swi twa, kutani a chava, a tsutsuma a ya tumbela le Egipta.

Matewu 16:27

Hikuva N'wana-wa-Munhu ú ta vuya hi ku kwetsima ka Tata wa yena, a ri ni tintsumi ta yena, kutani hi kona a nga ta nyika un'wana ni un'wana hi ku ya hi mintirho ya yena.

Matewu 16:28

Ndzi tiyisile ndzi ri ka n'wina: Ku ni van'wana exikarhi ka lava nga kwala, lava nga ta ka va nga khumbiwi hi rifu va nga si vona N'wana-wa-Munhu a vuya eMfun'weni wa yena.”

Matewu 2:13

Kuteloko va tlhelele karikwavo, ntsumi ya Hosi yi humelela eka Yosefa enorhweni, yi ku: “Pfuka, u teka xihlangi ni mana wa xona, u baleka u ya Egipta, u ya tshama kona ndzi ko ndzi ku byela; hikuva Heroda ú ta lava xihlangi leswaku a xi dlaya.”

Matewu 23:34

“Hikwalaho, maswivo, ndza ha mi rhumela vaprofeta, ni tintlhari, ni vatsari; mi ta dlaya van'wana va vona, van'wana mi ta va vamba eswihambanweni; mi ta ba van'wana va vona emasinagogeni ya n'wina, mi va hlongorisa va suka emutini wun'wana, va ya eka wun'wana;

Matewu 23:36

Ndzi tiyisile ndzi ri ka n'wina, sweswo hinkwaswo swi ta wela rixaka leri.

Matewu 24:27

Hikuva kukotisa rihati loko ri hatima ku sukela evuxeni ku ya fika evupeladyambu, N'wana-wa-Munhu ú ta endlisa sweswo eku vuyeni ka yena.

Matewu 24:30

“Hi kona xikombiso xa N'wana-wa-Munhu xi nga ta vonaka etilweni; vanhu va tinxaka hinkwato ta misava va ta ba nkosi, kutani va ta vona N'wana-wa-Munhu a ta emapapeni ya le tilweni, hi matimba ni ku kwetsima lokukulu.

Matewu 24:34

Ndzi tiyisile ndzi ri ka n'wina: Rixaka leri ri nga ka ri nga hundzi, ku nga si humelela swilo leswi hinkwaswo.

Matewu 24:48

Kambe loko nandza yoloyi a ri lowo biha, ú ta ehleketa embilwini ya yena a ku: ‘N'wini wa mina wa hlwela ku vuya’,

Matewu 25:13

Yesu a engeta a ku: “Hitekani ke, hikuva siku a mi ri tivi, na wona nkarhi a mi wu tivi.

Matewu 26:64

Yesu a n'wi hlamula a ku: “Leswi u vulaku ke! Ntsena ndza mi byela ndzi ku: “ ‘Ku sukela sweswi, mi ta vona N'wana-wa-Munhu a tshamile evokweni ra xinene ra Loyi a nga ni matimba hinkwawo, mi n'wi vona a ta hi mapapa ya le tilweni.’ ”

Matewu 4:12

Loko Yesu a twa leswaku Yohane ú khomiwile, a tlhelela eGaleliya.

Marka 13:26

“Hi kona a nga ta vona N'wana-wa-Munhu a ta hi mapapa, a ri ni matimba lamakulu ni ku kwetsima.

Luka 18:8

Ndzi ri ka n'wina: Xi ta hatlisa ku va avanyisela. Kambe loko N'wana-wa-Munhu a ta, xana ú ta kuma ku pfumela ku ri kona emisaveni xana?”

Luka 21:27

Hi kona va nga ta vona N'wana-wa-Munhu a ta hi papa, a ri ni matimba ni ku kwetsima lokukulu.

Yohane 7:1

Endzhaku ka sweswo Yesu a famba-famba eGaleliya; a nga lavanga ku famba-famba eYudiya hikuva Vayuda a va lava ku n'wi dlaya.

Timhaka 17:10

Hi vusiku bya kona, vamakwavo va hatlisa va rhuma Pawulo na Silasi eBeriya. Loko vaapostola va fikile kona, va nghena esinagogeni ra Vayuda.

Timhaka 17:14

Hikokwalaho, vamakwavo va hatlisa va humesa Pawulo, a ya fika eribuweni ra lwandle; kambe Silasi na Timotiya va sala eBeriya.

Timhaka 20:1

Kuteloko dzolonga ri miyerile, Pawulo a vitana vadyondzisiwa, a va khongotela, kutani a lelana na vona, a suka, a ya eMakedoniya.

Timhaka 8:1

Kasi Sawulo a a nkhensa ku dlawa ka Stefano. Enkarhini wolowo, kereke ya Yerusalema yi sungula ku xanisiwa swinene, vapfumeri hinkwavo va hangalasiwa ematikweni ya Yudiya ni ya Samariya; ku sala vaapostola ntsena.