Matewu 10:22 - BIBELE Mahungu Lamanene

²² Mi ta vengiwa hi vanhu hinkwavo hikwalaho ka vito ra mina; kambe loyi a tiyiselaka ku fika makumu, hi yena loyi a nga ta ponisiwa.

Testamente Leyimpsha Xichangana

²² Mitavengiwa hi vanhu hinkwavu hikolaho ka vito ra mina; kambe lweyi angatatiyisela kufika makumu, hi yena lweyi angataponisiwa.

Xitsonga (Bibele)

²² Kutani hinkwavo va ta mi venga hikwalaho ka vito ra mina; kambe la tiyiselaka ku fika siku ra makumu, hi yena la nga ta hlayiseka.

Matewu 10:22 Iomraidhean Croise

Swivuriso 29:27

Munhu wo lulama ú venga lowo homboloka, kasi na yena munhu wa mahanyelo lamanene, ú vengiwa hi lavo homboloka.

Matewu 10:39

Loyi a lavaka ku tihlayisela vutomi bya yena, ú ta lahlekeriwa ha byona; kambe loyi a lahlekeriwaka hi vutomi bya yena hikwalaho ka mina, ú ta byi kuma.

Matewu 24:13

Kambe loyi a tiyiselaka ku fika makumu, hi yena loyi a nga ta ponisiwa.

Matewu 24:9

“Enkarhini wolowo va ta mi nyiketa eku xanisiweni, va mi dlaya; mi ta vengiwa hi vanhu va matiko hinkwawo hikwalaho ka vito ra mina.

Matewu 5:11

“Mi ta kateka loko va mi rhuketela, loko va mi xanisa ni ku mi lumbeta hi mavunwa layo tala hikwalaho ka mina.

Marka 13:13

Mi ta vengiwa hi vanhu hinkwavo hikwalaho ka vito ra mina, kambe loyi a tiyiselaka ku fika makumu hi yena loyi a nga ta ponisiwa.

Luka 21:17

mi ta vengiwa hi vanhu hinkwavo hikwalaho ka vito ra mina.

Luka 21:19

hi ku tiyisela ka n'wina, mi ta tikumela vutomi.

Luka 6:22

“Mi katekile loko vanhu va mi venga, loko va mi hlongola ni ku mi rhuketela, ni loko va sola vito ra n'wina wonge hi loko ri bihile, hikwalaho ka N'wana-wa-Munhu.

Luka 8:15

Timbewu leti nga wela emisaveni leyinene, i vanhu lava yingisaka Rito hi timbilu leto lulama, letinene, va ri hlayisa, va veka mihandzu hi ku tiyisela.

Yohane 17:14

Ndzi va nyikile rito ra wena, kutani misava yi va vengile, hikuva a hi va misava, tanihi leswi na mina ndzi nga riki wa misava.

Yohane 7:7

Misava yi nga ka yi nga mi vengi, kambe mina ya ndzi venga, hikuva ndzi tiyisa vumbhoni bya leswaku mintirho ya yona yi bihile.

Timhaka 9:16

naswona mina ndzi ta n'wi komba hinkwaswo leswi a fanelaka ku vaviseka ha swona, hikwalaho ka vito ra mina.”

Varhoma 2:7

Lava tiyiselaka ku endla leswinene, va ri karhi va navela ku va lava kwetsimaka ni lava dzunekaka ni lavo ka va nga ha fi, Xikwembu xi ta va nyika vutomi lebyi nga heriki;

2 Vakorinto 4:11

Hikuva hina, hambileswi hi nga lava hanyaka, hi nyiketiwa eku dlaweni minkarhi hinkwayo hikwalaho ka Yesu, leswaku vutomi bya Yesu byi vonaka entumbulukweni wa hina lowu faka.

Vagalatiya 6:9

Loko hi ri karhi hi endla leswinene, hi nga karhaleni, hikuva hi ta tshovela hi nkarhi wa kona, loko hi nga heli mbilu.

Vaheveru 3:14

Hikuva hi ni ku averiwa eka Kriste ntsena loko hi khomelela hi tiya ku yisa emakumu, eku tshembeni ka hina loku ko sungula,

Vaheveru 6:11

Kutani hi navela ngopfu leswaku un'wana ni un'wana wa n'wina a komba ku chivirika koloko ku ya fika emakumu, ku kondza loko ku langutela ka n'wina ku hetiseka.

Yakobo 1:12

Ku katekile munhu loyi a tiyiselaka eku ringiweni, hikuva loko a hlurile miringo, ú ta nyikiwa harhi ya vutomi leyi Xikwembu xi yi tshembiseke lava va xi rhandzaka.

1 Yohane 3:13

Hikokwalaho, mi nga hlamaleni, vamakwerhu, loko misava yi mi venga.

Nhlavutelo 2:10

U nga chavi leswi nga kusuhi ni ku ku twisa ku vava. Vona, Diyavulosi ú lava ku hoxa van'wana va n'wina ekhotsweni, leswaku mi ta ringetiwa, kutani mi ta heta khume ra masiku ma ha xaniseka. U va la tshembekaka ku fikela eku feni, kutani mina ndzi ta ku nyika harhi ya vutomi.

Nhlavutelo 2:17

“ ‘Loyi a nga ni tindleve, a a yingise leswi Moya wu swi byelaka tikereke. Loyi a hlulaka, ndzi ta n'wi nusela manna leyi fihliweke; naswona ndzi ta n'wi nyika ribye lero basa, leri vito lerintshwa ri tsariweke ehenhla ka rona, vito leri ku nga riki na loyi a ri tivaka ehandle ka loyi a nyikiwaka rona.’ ”

Nhlavutelo 2:26

Loyi a hlulaka ni ku hlayisa mintirho ya mina ku fikela makumu, “ ‘ndzi ta n'wi nyika matimba yo fuma matiko,

Nhlavutelo 2:3

Wa karhi wa tiyisela; u twisiwe ku vaviseka hikwalaho ka vito ra mina, kutani a wu karhalanga.

Nhlavutelo 2:7

“ ‘Loyi a nga ni tindleve a a yingise leswi Moya wu swi byelaka tikereke. Loyi a hlulaka, ndzi ta n'wi pfumelela ku dya mihandzu ya murhi wa vutomi lowu nga eParadeyisini, eku sasekeni ka Xikwembu.’ ”

Nhlavutelo 3:21

Loyi a hlulaka, ndzi ta n'wi nyika ku tshama na mina exiluvelweni xa mina, kukotisa leswi na mina hi xiviri ndzi hluleke, kutani ndzi tshamaka ni Tata wa mina exiluvelweni xa yena.