Matewu 10:19 - BIBELE Mahungu Lamanene

¹⁹ Kambe siku va mi nyiketaka eka vona, mi nga kanakani hi leswi mi nga ta vula swona ni mavulavulele ya kona; hikuva sweswo, mi ta nyikiwa swona enkarhini wolowo.

Testamente Leyimpsha Xichangana

¹⁹ Kambe siku leri vaminyiketaka ka vona, mingakanakaneni hi lesvi mingatavula svona ni mavulavulela yakona; hikuva svosvo, mitanyikiwa svona nkarhini wolowo.

Xitsonga (Bibele)

¹⁹ Kambe siku va mi nyiketaka vona, mi nga tshuki mi kanakana hilaha mi nga ta vulavula hakona, ni leswi mi nga ta swi vula, hikuva leswi mi nga ta swi vula, mi ta swi nyikiwa enkarhini wolowo.

Matewu 10:19 Iomraidhean Croise

Eksoda 4:12

Hikokwalaho, famba sweswi! Mina ndzi ta ku pfuna ku vulavula; ndzi ta ku byela ni leswi u nga ta vula swona.”

Eksoda 4:15

Wena u ta vulavula na yena, u n'wi byela leswi a fanelaka ku vula swona. Loko a ri mina, ndzi ta mi pfuna ku vulavula ha vumbirhi bya n'wina; naswona ndzi ta mi komba leswi mi nga ta endla swona.

Yeremiya 1:7

Kambe HOSI Xikwembu xi ku ka mina: “U nga vuli leswaku wa ha ri ntsongo, hikuva u ta ya eka vanhu hinkwavo lava ndzi nga ta ku rhuma eka vona, u ya va byela hinkwaswo leswi ndzi nga ta ku lerisa swona.

Yeremiya 1:9

Kavaloko HOSI Xikwembu xi tshambuluta voko ra xona, xi ndzi khumba nomo xi ku ka mina: “Vona, ndzi vekile marito ya mina enon'weni wa wena.

Matewu 10:18

Mi ta yisiwa emahlweni ka tindhuna ni le mahlweni ka tihosi hikwalaho ka mina, leswaku mi humesa vumbhoni eka vona ni ka vamatiko.

Matewu 6:25

“Hikokwalaho ndzi nge ka n'wina: Mi nga tshuki mi vilela hi swa vutomi bya n'wina leswaku mi ta dya yini kumbe mi ta nwa yini, hambi ku ri ku vilela hi swa miri wa n'wina leswaku mi ta ambala yini. Xana vutomi a byi tluri swakudya ke? Na wona miri a wu tluri swiambalo ke?

Matewu 6:31

Hikwalaho ke mi nga vileri mi ku: ‘Xana hi ta dya yini?’ kumbe: ‘Hi ta nwa yini?’ kumbe: ‘Hi ta ambala yini ke?’

Matewu 6:34

Hikwalaho ke mi nga tshuki mi vilela hi swa mundzuku, hikuva mundzuku wu ta tikarhatela swa wona. Ku karhateka ka siku rin'wana ni rin'wana, ku ringene rona.

Luka 12:11

“Loko va mi yisa emasinagogeni, ni ka tindhuna, ni ka tihosi, mi nga tshuki mi vilela mi ku: ‘Xana hi ta tihlamulela hi mukhuva wihi?’ kumbe: ‘Hi ta vula yini ke?’

Luka 12:12

hikuva Moya lowo Kwetsima wu ta mi dyondzisa hi nkarhi wolowo leswi mi fanelaka ku swi vula.”

Timhaka 6:10

Kambe va hluleka ku lwa ni vutlhari lebyi Moya wu nga n'wi nyika ku vulavula ha byona.

Vafilipiya 4:6

Mi nga vileli ha nchumu; kambe etimhakeni hinkwato, khongelani, mi tivisa Xikwembu leswi mi swi pfumalaka, mi kombela mi ri karhi mi nkhensa;

2 Timotiya 4:17

Kambe Hosi yi yimile na mina yi ndzi tiyisa, leswaku ndzi kota ku vula Rito ndzi heta, ni leswaku vamatiko hinkwavo va ta kota ku ri twa. Naswona ndzi vutliwile enon'weni wa nghala;

Yakobo 1:5

Loko un'wana wa n'wina a pfumala vutlhari, a a kombele eka Xikwembu, lexi nyikaka vanhu hinkwavo hi tintswalo, ku nga ri na ku vilela, kutani ú ta nyikiwa byona.