Matewu 1:20 - BIBELE Mahungu Lamanene

²⁰ Loko a ha anakanya sweswo, ntsumi ya Hosi yi humelela eka yena hi norho, yi ku: “Yosefa n'wana Davhida, u nga chavi ku titekela Mariya nsati wa wena, hikuva leswi a nga na swona swi huma eka Moya lowo Kwetsima;

Testamente Leyimpsha Xichangana

²⁰ Loko ahapimisa svosvo, ntsumi ya Hosi yihumelela ka yena hi norho, yiku: “Yosefa n'wana Davhida, ungachavi kutitekela Mariya nsati wa wena, hikuva lesvi anga na svona svihuma ka Moya Lowokwetsima.

Xitsonga (Bibele)

²⁰ Kakuloko a anakanya swona, ntsumi ya Xikwembu, yi ta eka yena hi norho, yi ku: “Yosefa, n'wana Davhida u nga chavi ku titekela Mariya, nsati wa wena, hikuva leswi xurheke hi yena, i swa Moya lowo Kwetsima;

Matewu 1:20 Iomraidhean Croise

Genesa 31:11

Kutani ntsumi ya Xikwembu yi vulavula na mina enorhweni yi ku: ‘Yakobo’, ndzi hlamula ndzi ku: ‘Hi mina loyi!’

Genesa 46:3

Hiloko xi ku ka yena: “Hi mina Xikwembu, xona Xikwembu xa tata wa wena. U nga tshuki u chava ku ya etikweni ra Egipta, hikuva loko u ri kwale, ndzi ta ku endla tiko lerikulu.

1 TIHOSI 17:13

Kambe Eliya a ku ka yena: “U nga chavi, famba u ya endla hilaha u nga vula hakona. Ntsena sungula hi ku ndzi swekela ximbhundzwa hi mapanyana ya kona, u ndzi tisela xona. Kutani endzhaku ka sweswo, u tiswekela swakudya, wena ni n'wana wa wena,

1 TIHOSI 3:5

Kutani le Gibiyoni, HOSI Xikwembu xi tikomba eka Solomoni hi norho nivusiku. Xikwembu xi ku ka yena: “Kombela lexi u xi lavaka, kutani ndzi ta ku nyika xona!”

Pisalema 119:125

Ina, ndzi nandza wa wena, ndzi nyike vutlhari leswaku ndzi ta twisisa switsundzuxo swa wena.

Pisalema 143:8

Ndzi tsundzuxe rirhandzu ra wena mixo wun'wana ni wun'wana, hikuva eka wena ndzi hlayisekile. Ndzi kombe ndlela leyi ndzi fanelaka ku famba ha yona, hikuva ndzi tinyiketile eka wena.

Pisalema 94:19

Loko ndzi ri maxangwini layo tala ndzi pfumala ku rhula, u ndzi khongoterile, ndzi kuma ku tsaka.

Swivuriso 12:5

Makungu ya vanhu lavo lulama i manene, kasi switsundzuxo swa lavo homboloka swa kanganyisa.

Esaya 26:3

We HOSI, vanhu lava va langutaka eka wena, lava va ku tshembaka, u va nyika ku rhula loku hetisekeke.

Esaya 30:21

Loko mi tshuka mi hambuka endleleni, mi ya exineneni kumbe eximatsini, mi ta twa rito leri taka hi le ndzhaku ka n'wina, ri ku: “Ndlela hi leyi, khomani yona!”

Esaya 51:7

“Rhiyani ndleve mi ndzi yingisa n'wina mi tivaka leswi lulameke, n'wina mi hlayisaka Nawu wa mina. Mi nga tshuki mi chava lava va mi sandzaka, mi nga heli matimba loko va mi rhuketela,

Esaya 7:13

Kutani Esaya a ku: “N'wina va ka Davhida, yingisani! Xana a mi kolwi ku dyisa vanhu mbitsi xana? Xana na xona Xikwembu xa mina, mi lava ku xi dyisa mbitsi xana?

Esaya 7:2

Kuteloko hosi Akazi ni va yindlu ya ka vona va twa leswaku Vasiriya ni va ka Efrayimi va twananile ku yima swin'we enyimpini, va rhurhumela ku fana ni mirhi leyi ninginisiwaka hi moya.

Yeremiya 31:22

N'wina vanhu vo ka va nga tshembeki, tshikani ku kanakana, hikuva HOSI Xikwembu xi tumbuluxile leswintshwa etikweni: Wansati ú ta tilavela wanuna!

Yeremiya 33:26

a ndzi ta tshika ni vatukulu va Yakobo na Davhida, ndzi nga veki un'wana wa ka Davhida a fuma yindlu ya Abrahama na Isaka na Yakobo. Kambe mina ndzi ta tlhela ndzi va katekisa, ndzi va twela vusiwana.”

Yeremiya 40:9

Kutani Gedaliya n'wana Ahikama wa Xafani a hlambanyela vafambisi lava ni vanhu va vona, a ku: “Mi nga chavi ku tirhela Vakalediya. Tshamani etikweni leri mi tiveka ehansi ka hosi ya Babilona, kutani a mi nga xanisiwi hi nchumu.

Yuwele 2:28

“Endzhaku ka sweswo, nkarhi wu ta fika lowu ndzi nga ta chela moya wa mina ehenhla ka vanhu hinkwavo. Vana va n'wina va xinuna ni va xisati va ta vhumbha, lava dyuhaleke va n'wina va ta lorha milorho, vana va n'wina va majaha va ta vona swivono.

Tinhlayo 12:6

kutani xi ku ka vona: “Yingisani marito ya mina: Loko ku ri ni muprofeta exikarhi ka n'wina, mina HOSI Xikwembu ndzi tikomba eka yena hi xivono, ndzi vulavula na yena hi norho.

Matewu 1:18

Ku velekiwa ka Yesu Kriste ku humelele hi mukhuva lowu: Loko Mariya mana wa yena a vutiwile hi Yosefa, o tshuka a tika hi Moya lowo Kwetsima va nga si hlangana.

Matewu 2:12

Kuteloko va tivisiwile enorhweni leswaku va nga ha hundzi hi le ka Heroda, va tlhelela karikwavo hi ndlela yin'wana.

Matewu 2:13

Kuteloko va tlhelele karikwavo, ntsumi ya Hosi yi humelela eka Yosefa enorhweni, yi ku: “Pfuka, u teka xihlangi ni mana wa xona, u baleka u ya Egipta, u ya tshama kona ndzi ko ndzi ku byela; hikuva Heroda ú ta lava xihlangi leswaku a xi dlaya.”

Matewu 2:19

Kuteloko Heroda a file, ntsumi ya Hosi yi humelela eka Yosefa enorhweni, le Egipta, yi ku:

Matewu 2:22

Kambe loko a twa leswaku Arkelawusi ú fuma Yudiya ematshan'wini ya Heroda tata wa yena, a chava ku ya kona; kutani loko a tsundzuxiwile enorhweni, a tlhelela etikweni ra Galeliya,

Matewu 27:19

Kuteloko Pilato a tshamile exitshan'wini xa ku avanyisa, nsati wa yena a rhumela rito eka yena, a ku: “U nga tshuki u nghena emhakeni ya munhu yoloye wo lulama, hikuva matolo ndzi vavisekile ngopfu enorhweni hikwalaho ka yena.”

Matewu 28:5

Hiloko ntsumi yi byela vavasati yi ku: “Mi nga chavi, hikuva ndza swi tiva leswaku mi lava Yesu la vambiweke;

Luka 1:19

Ntsumi yi n'wi hlamula, yi ku: “Hi mina Gabriele, la yimaka emahlweni ka Xikwembu; ndzi rhumiwile ku ta vulavula na wena ni ku ku tivisa mahungu lamanene lawa.

Luka 2:4

Yosefa na yena a suka Galeliya emutini wa Nazareta, a ya eYudiya emutini wa Davhida lowu vuriwaka Betlehema, hikuva a a ri munhu wa rixaka ra Davhida, ni wa yindlu ya yena.

Timhaka 5:19

Kambe ntsumi ya Hosi yi pfula tinyangwa ta khotso nivusiku, yi va humesela ehandle, yi ku:

Nhlavutelo 19:7

A hi tsakeni hi tsakisisa, hi xi dzunisa, hikuva nkhuvo wa vukati bya Xinyimpfana wu fikile, ni mutekiwa wa xona ú tilulamisile;

Vaavanyisi 13:3

Siku rin'wana, ntsumi ya HOSI Xikwembu yi humelela eka wansati loyi, yi ku ka yena: “Vona, u mhika, a wu kumi vana, kambe u ta tika u veleka n'wana wa mufana.