Marka 8:18 - BIBELE Mahungu Lamanene

¹⁸ Leswi mi nga ni mahlo a mi voni ke? Leswi mi nga ni tindleve, a mi twi ha yini ke? A mi tsundzuki xana?

Testamente Leyimpsha Xichangana

¹⁸ Lesvi minga ni mahlo amivoni ke? Lesvi minga ni tindleve, amitwi ha yini-ke? Amitsundzuki xana?

Xitsonga (Bibele)

¹⁸ Leswi mi nga ni mahlo, a mi voni ha yini-ke? Ni leswi mi nga ni tindleve, a mi twi ha yini-ke, a mi tsundzuki ha yini-ke?

Marka 8:18 Iomraidhean Croise

Pisalema 69:23

Va dlaye mahlo leswaku va nga ha voni, rhurhumerisa minhlana ya vona minkarhi hinkwayo.

Esaya 44:18

Vanhu vo tano a va tivi nchumu, hambi ku twisisa a va twisisi, hikuva va pfalekile mahlo ni miehleketo, kutani a va ha voni kumbe ku twisisa nchumu.

Yeremiya 5:21

“Twanani leswi maphuphula ndzin'wina, n'wina vanhu vo pfumala mano: Mi ni mahlo, kambe a mi voni, ni tindleve mi na tona, kambe a mi twi.

Ezekiele 12:2

“Wena munhu, u tshama exikarhi ka vanhu lava tiarisaka; va ni mahlo ni tindleve, kambe a va voni nchumu, ni ku twa a va twi!

Marka 4:12

Swi ri leswaku, “ ‘loko ku ri ku vona, va vona kambe va nga vonisisi, hambi ku ri ku twa, va twa kambe va nga twisisi, leswaku va nga tshuki va hundzuka, va rivaleriwa swidyoho.’ ”

Yohane 12:40

“Ú phumisile mahlo ya vona, ni ku tlanyata miehleketo ya vona, leswaku va nga ha voni, ni ku twisisa va nga ha twisisi, ni leswaku va nga hundzuki, na mina ndzi nga va hanyisi.”

Varhoma 11:8

hilaha ku tsariweke hakona, va ku: “Xikwembu xi va nyikile moya wo tlanyala, ni mahlo lama nga kotiki ku vona, ni tindleve leti nga kotiki ku twa, ku fikela siku ra namuntlha.”

Duteronoma 29:4

Kambe ku fikela namuntlha, HOSI Xikwembu a xi si mi pfula mahlo ni tindleve, mi kota ku twisisa leswi humeleleke.

2 Vatesalonika 2:5

Xana a mi tsundzuki leswaku, loko ndza ha ri na n'wina, a ndzi tala ku mi byela timhaka teto xana?

2 Petro 1:12

Hikokwalaho, hi masiku hinkwawo, ndzi navela ku tshama ndzi ri karhi ndzi mi tsundzuxa timhaka leti, hambileswi mi ti tivaka ni ku tiyisela entiyisweni lowu mi nga na wona.