Marka 7:9 - BIBELE Mahungu Lamanene

⁹ A tlhela a ku ka vona: “Mi ni tindlela to tala to tshika ha tona nawu wa Xikwembu, mi endlela ku hlayisa mikhuva ya n'wina leyi mi yi toloveleke.

Testamente Leyimpsha Xichangana

⁹ Atlhela aku ka vona: “Mi ni tindlela totala totshika ha tona Nawu wa Xikwembu, miyendlela kuhlayisa mikhuva ya n'wina leyi miyitoloveleke.

Xitsonga (Bibele)

⁹ Kutani a ku eka vona: “Mi herisa nawu wa Xikwembu, kambe mi hlayisa mikhuva leyi mi yi nyikanaka.

Marka 7:9 Iomraidhean Croise

Pisalema 119:126

We HOSI, nkarhi wa wena wa ku tirha wu fikile, lwana ni lava tlulaka nawu wa wena.

Esaya 24:5

Lava akeke misaveni, va yi nyamisile, hikuva va tlurile milawu ya Xikwembu ni swiletelo swa xona, va tshova ni ntwanano wa xona lowu nga heriki.

Esaya 29:13

N'wini wa hinkwaswo ú ri: “Vanhu lava vo vula hi milomo leswaku va le ku ndzi gandzeleni, kambe marito ya vona yo ndzi dzunisa, a ma humi etimbilwini ta vona; xichavo lexi va ndzi kombaka xona, i ntolovelo lowu va nga lo dyondzisiwa hi van'wana.

Daniele 11:36

“Mufumi wa tiko ú ta hamba a tiendlela hi ku rhandza, a tidzunisa, a tikurisa emahlweni ka xikwembu xin'wana ni xin'wana; ú ta vulavula swilo leswo biha ehenhla ka Xikwembu lexikulu. Eka hinkwaswo leswi a nga ta swi endla, ú ta humelela ku kondza nkarhi wa ku biwa wu fika, hikuva leswi bohiweke khale swi ta hetiseka.

Daniele 7:25

Hosi ya kona yi ta sandza Loyi a nga henhla-henhla, vahlawuriwa va yena, yi ta va xanisa, yi hundzuluxa milawu ya minkhuvo ya vona, kutani va ta wela emavokweni ya yona nkarhi wo ringana malembe manharhu na hafu.

Marka 7:13

hi ndlela leyi, mi onha rito ra Xikwembu hi mikhuva ya n'wina leyi mi nyikaka ni van'wana; mi endla ni swin'wana leswo tala swo fana ni sweswo.”

Marka 7:3

Mhaka hileswaku Vafarisi ni Vayuda hinkwavo a va dyi va nga si hlamba mavoko hi nawu wa kona, kutani, hi ndlela yoleyo, va hlayisa mikhuva leyi va yi amukeleke eka lava khale.

Marka 7:5

Kutani Vafarisi ni vatsari va n'wi vutisa, va ku: “Hikwalaho ka yini vadyondzisiwa va wena va nga fambi hi mikhuva ya lava khale xana; naswona, hikwalaho ka yini va dya va nga hlambanga mavoko?”

Varhoma 3:31

Loko swi ri tano, xana hi dlaya Nawu hi mhaka ya ku pfumela xana? Nikutsongo! Kambe hi tiyisa Nawu.

2 Vakorinto 11:4

Hikuva loko ku fika un'wana, a mi ndyondzisa ta Yesu un'wana, a nga ri yena loyi hi mi dyondziseke ta yena, kumbe loko mi amukela Moya wumbe, wu nga ri wona lowu mi wu amukeleke, kumbe Evhangeli yimbe, yi nga ri yona leyi mi yi amukeleke ka hina, mi twanana na swona hi ndlela yo hlamarisa.

Vagalatiya 1:14

Hi ku hanya Xiyuda, a ndzi tlula lavo tala va tintangha ta mina exikarhi ka va ka hina, ndzi ri karhi ndzi hisekela ngopfu mikhuva ya vatata wa hina.

Vagalatiya 2:21

A ndzi nyenyi tintswalo ta Xikwembu, hikuva loko vanhu va nga endliwa lava lulameke hi mhaka ya ku hlayisa Nawu, swi vula leswaku ku fa ka Kriste a ku pfunanga nchumu.

2 Vatesalonika 2:4

Munhu loyi ú lwa ni hinkwaswo leswi vuriwaka leswaku swi ni vukwembu, kumbe leswi gandzeriwaka, kutani a tikurisa ehenhla ka swona, a ko a ya tshama eTempeleni ya Xikwembu, a ri karhi a tivula leswaku yena hi yena Xikwembu.