Marka 7:10 - BIBELE Mahungu Lamanene

¹⁰ Hikuva Muxe ú te: ‘U va ni xichavo ka tata wa wena ni ka mana wa wena.’ Naswona ú te: ‘La rhuketelaka tata wa yena, kumbe mana wa yena, a a dlawe!’

Testamente Leyimpsha Xichangana

¹⁰ Hikuva Moxe ate: ‘Uva ni xichavu ka tatana wa wena ni ka mamana wa wena.’ Nasvona ate: ‘Lweyi arhuketelaka tatana wa yena, kumbe mamana wa yena, aadlawe!’

Xitsonga (Bibele)

¹⁰ Hikuva Muxe u te: ‘U va ni xichavo eka tata wa wena ni mana wa wena’ kutani ‘la rhuketelaka tata wa yena hambi mana wa yena, u ta dlawa.’

Marka 7:10 Iomraidhean Croise

Eksoda 20:12

“Xixima tata wa wena ni mana wa wena, leswaku u ta hanya masiku layo tala etikweni leri mina HOSI Xikwembu xa wena ndzi ku nyikaka rona.

Eksoda 21:17

“Un'wana ni un'wana loyi a rhuketelaka tata wa yena kumbe mana wa yena, ú ta dlayiwa.

Swivuriso 20:20

Munhu loyi a rhuketelaka tata wa yena kumbe mana wa yena, rivoni ra yena ri ta timeka exinyamini lexikulu.

Swivuriso 30:17

Munhu loyi a sandzaka tata wa yena, a tlhela a ala ku yingisa mana wa yena, ú ta xokoriwa mahlo hi mawukuwuku, a dyiwa hi makoti.

Levhitika 20:9

“Loko munhu a rhuketela tata wa yena kumbe mana wa yena, ú fanele ku dlayiwa. Ú ta va a lo tivangela rifu, hikuva ú rhuketerile vatswari.

Matewu 15:4

Xikwembu xi te: ‘U va ni xichavo eka tata wa wena ni ka mana wa wena.’ Naswona xi te: ‘Loyi a rhukanaka tata wa yena kumbe mana wa yena, a a dlawe!’

Marka 10:19

U tiva Milawu leyi nge: ‘U nga tshuki u dlaya, u nga tshuki u oswa, u nga tshuki u yiva, u nga tshuki u humesa vumbhoni byo hemba, u nga dyeleli van'wana, u va ni xichavo ka tata wa wena ni ka mana wa wena.’ ”

Duteronoma 27:16

“ ‘A a rhukaniwe, munhu loyi a sandzaka tata wa yena kumbe mana wa yena.’ Kutani Vaisraele hinkwavo va ta hlamula va ku: ‘Amen!’

Duteronoma 5:16

“ ‘Xixima tata wa wena ni mana wa wena, hilaha mina HOSI Xikwembu xa wena ndzi ku leriseke hakona, leswaku u ta hanya masiku layo tala, u kateka etikweni leri mina HOSI Xikwembu xa wena ndzi ku nyikaka rona.