Marka 6:6 - BIBELE Mahungu Lamanene

⁶ Naswona a hlamala hi ku vona leswaku a va nga ri na ku pfumela. Kutani a rhendzeleka ni miti leyi nga kusuhani, a ri karhi a dyondzisa.

Testamente Leyimpsha Xichangana

⁶ Nasvona ahlamala hi kuvona lesvaku avangalina kupfumela. Kutani arhendzeleka hi svidoropana lesvi asvili kusuhi, na ali karhi ajondzisa.

Xitsonga (Bibele)

⁶ Kambe a hlamala hi ku ka va nga pfumeri. Kutani a tifambela emitini leyi nga etlhelweni, a ri karhi a dyondzisa.

Marka 6:6 Iomraidhean Croise

Esaya 59:16

HOSI Xikwembu xi swi vonile ni leswaku a ku na munhu loyi a tiyimiseleke ku pfuna van'wana, xi hlamarile ku vona leswaku a ku na loyi a lamulelaka vanhu va xona; hikokwalaho, xi ta ya hi xoxe, xi ya lwa xi hlula, xi komba leswaku hi xona mulamuleri.

Yeremiya 2:11

Xana vamatiko va tshama va tshika swikwembu swa vona xana? E-e! (Kasi swikwembu swa kona a hi swa ntiyiso!) Kambe vanhu va mina va ndzi tshikile, mina Xikwembu xa vona lexi dzunekaka, va tilavela leswi nga pfuniki nchumu.

Matewu 4:23

Yesu a rhendzeleka ni tiko hinkwaro ra Galeliya, a ri karhi a dyondzisa emasinagogeni ya vona, a twarisa Evhangeli ya Mfumo, a herisa mavabyi hinkwawo, ni ku vaviseka hinkwako loku nge vanhwini.

Matewu 8:10

Loko Yesu a swi twile, a hlamala, kutani a byela lava n'wi landzaka, a ku: “Ndzi tiyisile ndzi ri ka n'wina: Exikarhi ka Vaisraele, a ndzi kumanga munhu ni un'we la nga ni ku pfumela loko tano.

Matewu 9:35

Kutani Yesu a rhendzeleka ni miti hinkwayo ni swimitana hinkwaswo, a ri karhi a dyondzisa emasinagogeni ya vona, a twarisa Evhangeli ya Mfumo, a hanyisa hinkwavo lava xanisiwaka hi mavabyi ya tinxaka-xaka.

Marka 1:39

Kutani a famba, a twarisa Evhangeli emasinagogeni ya vona, etikweni hinkwaro ra Galeliya, a ri karhi a hlongola mademona.

Marka 10:1

Loko Yesu a sukile kwalaho, a ya etikweni ra Yudiya ni le ntsungeni wa Yordani. Mintshungu yi tlhela yi ta yi ta hlengeletana eka yena; kutani a engeta a va dyondzisa, hilaha a a tolovele ku endla hakona.

Luka 13:22

Yesu a a famba hi miti ni swimitana, a ri karhi a dyondzisa, a khome ndlela leyi yaka eYerusalema.

Luka 4:31

Kutani Yesu a rhelela a ya eKapernawume, wu nga muti wa Galeliya. A a toloverile ku dyondzisa vanhu hi siku ra Savata,

Luka 4:44

Kutani a ya dyondzisa emasinagogeni ya Yudiya.

Yohane 9:30

La horisiweke a va hlamula, a ku: “Hi yo mhaka leyi hlamarisaka! A mi tivi lomu a humaka kona, kambe ú ndzi horisile mahlo!

Timhaka 10:38

mi tiva ni ta Yesu wa Nazareta, ni hilaha Xikwembu xi cheleke hakona Moya lowo Kwetsima ni matimba ehenhla ka yena. A a famba-famba hinkwako, a ri karhi a endla leswinene, a horisa hinkwavo lava xanisiwaka hi Diyavulosi, hikuva Xikwembu a xi ri na yena.