Marka 6:12 - BIBELE Mahungu Lamanene

¹² Kuteloko va sukile, va dyondzisa vanhu erivaleni leswaku va hundzuka;

Testamente Leyimpsha Xichangana

¹² Kuteloko vasukile, vajondzisa vanhu rivaleni lesvaku vahundzuka;

Xitsonga (Bibele)

¹² Kuteloko va sukile va famba va ri karhi va dyondzisa vanhu leswaku va hundzuka.

Marka 6:12 Iomraidhean Croise

Ezekiele 18:30

“Hikokwalaho, mina HOSI N'wini wa hinkwaswo ndza mi byela n'wina Vaisraele leswaku ndzi ta avanyisa un'wana ni un'wana wa n'wina hi ku ya hi mintirho ya yena. Hundzukani ke, mi hambana ni mintirho ya n'wina hinkwayo leyo homboloka, leswaku swidyoho swa n'wina swi nga tshuki swi mi vangela ku lova.

Matewu 11:1

Kuteloko Yesu a hetile ku lerisa vadyondzisiwa va yena lava va khume na vambirhi, a suka kwalaho, a ya dyondzisa ni ku twarisa Evhangeli emitini ya vona.

Matewu 11:20

Enkarhini wolowo Yesu a sungula ku tshinya miti leyi a nga endla mahlori ya yena layo tala eka yona, hi mhaka ya leswi yi nga hundzukangiki,

Matewu 3:2

a ku: “Hundzukani, hikuva Mfumo wa matilo wu le kusuhi.”

Matewu 3:8

Vekani mihandzu leyi fambelanaka ni ku hundzuka ka n'wina.

Matewu 4:17

Ku sukela enkarhini wolowo Yesu a sungula ku twarisa Evhangeli, a ku: “Hundzukani, hikuva Mfumo wa matilo wu le kusuhi.”

Matewu 9:13

“Yanani, mi ya dyondza rito leri nge: ‘Ndzi tsakela tintswalo, ku nga ri magandzelo.’ Hikuva a ndzi tanga ku ta vitana lava lulameke, kambe vadyohi.”

Marka 1:15

“Minkarhi yi hetisekile, Mfumo wa Xikwembu wu le kusuhi; hundzukani, mi pfumela Evhangeli.”

Marka 1:3

Rito ra munhu la huwelelaka emananga ri ri: ‘Khulelani ndlela ya Hosi, mi lulamisa magondzo ya yona.’ ”

Luka 11:32

Hi siku ra ku avanyisiwa, vavanuna va Ninivha va ta humelela swin'we ni rixaka leri, va ri avanyisa, hikuva va hundzukile loko va khongoteriwa hi Yonasi, kutani maswivo, leswi nga kwala i swikulu ku tlula Yonasi.

Luka 13:3

E-e, kambe ndzi ri ka n'wina, loko mi nga hundzuki, mi ta lovisa xisweswo hinkwenu.

Luka 13:5

E-e, kambe ndzi ri ka n'wina, loko mi nga hundzuki mi ta lovisa xisweswo hinkwenu.”

Luka 15:10

Ndza mi byela leswaku, hi mukhuva wolowo, tintsumi ta Xikwembu ta tsaka swinene loko mudyohi hambi a ri un'we a hundzuka.”

Luka 15:7

Ndza mi byela leswaku hi mukhuva wolowo, ku ta va ni ku tsaka etilweni hikokwalaho ka mudyohi a ri un'we la hundzukaka, ku tlula ku tsaka loku nga ta va kona hikokwalaho ka lava lulameke va 99 lava nga ha riki na fanelo ya ku hundzuka.

Luka 24:47

Kutani, hi vito ra yena, timhaka ta ku hundzuka ni ta ku rivaleriwa swidyoho ti ta twarisiwa ematikweni hinkwawo, ku sungula hi le Yerusalema.’

Luka 9:6

Hiloko va huma, va famba hi miti, va ri karhi va twarisa Evhangeli, hinkwako va hanyisa vavabyi.

Timhaka 11:18

Loko va twa timhaka teto, va miyela va nga ha vileli; kutani va dzunisa Xikwembu, va ku: “Loko swi ri tano, na vona vamatiko Xikwembu xi va nyikile ku hundzuka loku yisaka evutomini.”

Timhaka 2:38

Petro a ku ka vona: “Hundzukani, kutani un'wana ni un'wana wa n'wina a khuvuriwa hi vito ra Yesu Kriste, leswaku mi rivaleriwa swidyoho swa n'wina; kutani mi ta amukela nyiko, wu nga Moya lowo Kwetsima,

Timhaka 20:21

Ndzi tsundzuxile swinene Vayuda ni Vagriki ku hundzukela eka Xikwembu ni ku pfumela eka Hosi ya hina Yesu.

Timhaka 26:20

Ndzi sungurile hi va le Damaska ni va le Yerusalema, ndzi ya emahlweni etikweni hinkwaro ra Yudiya, ni le ka vamatiko, ndzi ri karhi ndzi va khongotela ku hundzuka, va tlhelela eka Xikwembu, kutani va tirha mintirho leyi fambelanaka ni ku hundzuka ka vona.

Timhaka 3:19

“Loko swi ri tano, hundzukani, mi tlhelela eka Xikwembu, leswaku swidyoho swa n'wina swi rivaleriwa,