Marka 5:42 - BIBELE Mahungu Lamanene

⁴² Kan'we kan'we nhwanyana a pfuka, a famba-famba (malembe ya yena a ma ringana 12); kwalaho vanhu va hlamala hi ku hlamala lokukulu.

Testamente Leyimpsha Xichangana

⁴² Hi nomo-lo nhwanyana apfuka, afambafamba (malembe ya yena amaringana khume ni mambirhi); kolaho vanhu vahlamala hi kuhlamala lokukulu.

Xitsonga (Bibele)

⁴² Kutani nhwanyana a hatla a pfuka, a tifambela, hikuva malembe ya yena a ma ri khume na mambirhi kutani va hlamala ngopfu.

Marka 5:42 Iomraidhean Croise

Marka 1:27

Kutani hinkwavo va hlamala ngopfu, lero kala va vutisana va ku: “Hi leswo yini leswi? I dyondzo leyintshwa! Hikuva ú lerisa hi matimba mimoya ya thyaka, kutani na yona yi n'wi yingisa!”

Marka 4:41

Kutani va chava hi ku chava lokukulu, va byelana va ku: “Xana munhu loyi i munhu muni, leswi mheho ni lwandle swi n'wi yingisaka ke?”

Marka 5:41

Kutani a khoma nhwanyana hi voko, a ku ka yena: “Talita, kumi!” hileswaku: “Nhwanyana, ndzi ri ka wena, pfuka!”

Marka 5:43

Kambe Yesu a va laya swinene leswaku swi nga tshuki swi tiviwa hi munhu; kutani a ku: “N'wi nyikeni swakudya.”

Marka 6:51

Kutani a nghena ebyatsweni laha a va ri kona; hiloko mheho yi miyela, kutani va hlamala ngopfu,

Marka 7:37

Kutani vanhu va hlamala ngopfu, va ku: “Ú endlile hinkwaswo hi ndlela leyinene; ú pfula tindleve ta lava nga twiki, ú endla leswaku na timbheveve ti kota ku vulavula.”