Marka 2:22 - BIBELE Mahungu Lamanene

²² Naswona a ku na munhu loyi a chelaka vhinyo leyintshwa eminkwameni ya khale ya madzovo, hikuva loko a endlisa sweswo vhinyo yi ta handzula minkwama, yi halaka, na yona minkwama yi ta onhaka; kambe vhinyo leyintshwa va yi chela eminkwameni leyintshwa.”

Testamente Leyimpsha Xichangana

²² Nasvona aku na munhu lweyi achelaka vhinyu lerimpsha atindongeni ta khale, hikuva loko ayendlisa svosvo vhinyu ritahandzula tindonga, rihalaka, na tona titawonheka; kambe vhinyu lerimpsha varichela atindongeni letimpsha.”

Xitsonga (Bibele)

²² Kambe a ku na munhu loyi a nga chelaka vhinyo leyintshwa eminkwameni ya khale, hikuva vhinyo leyintshwa yi nga handzula mikwama kutani vhinyo yi halaka, na yona mikwama ya fa; kambe vhinyo leyintshwa yi fanele ku cheriwa eminkwameni leyintshwa.”

Marka 2:22 Iomraidhean Croise

Ntirho 32:19

Endzeni ka mina ka vila, ku fana ni khuwana ra vukanyi leri lemiweke ri phupha khuvi.

Pisalema 119:80

Ndzi navela ku landza milawu ya wena, ndzi nga yi tshiki, kutani a ndzi nga khomiwi hi tingana.

Pisalema 119:83

Hambileswi ndzi punyaleke kukota mbita exitikweni, ndzi nga ka ndzi nga rivali milawu ya wena.

Matewu 9:17

Naswona vanhu a va cheli vhinyo leyintshwa eminkwameni ya khale ya madzovo, hikuva loko va endlisa sweswo, minkwama yi ta handzuka, kutani vhinyo yi halaka, na yona minkwama yi onhaka; kambe vhinyo leyintshwa va yi chela eminkwameni leyintshwa, kutani swi hlayiseka hi vumbirhi bya swona.”

Marka 2:21

A ku na munhu loyi a rhungelaka xiqhivi lexintshwa engubyini ya khale; hikuva loko a endlisa sweswo xiqhivi lexintshwa xi ta handzula nguvu leya khale, kutani ku handzuka ka kona ku ta ya ku engeteleka.

Marka 2:23

Hi siku ra Savata loko Yesu a ri karhi a hundza exikarhi ka masimu, vadyondzisiwa va yena va sungula ku tshova min'oko, va ri karhi va famba.

Yoxuwa 9:13

Minkwama leyi ya dzovo, hi cherile vhinyo eka yona ya ha ri leyintshwa, kambe sweswi vonani, yi handzukile; swiambalo leswi swa hina ni tintanghu swi hlakarile hikwalaho ka ku leha ka ndlela.”

Yoxuwa 9:4

va sungula ku luka mano, va endla wonge va rhumiwile, kutani va teka masaka yo hlakala va rhwexa timbhongolo ta vona, va teka ni minkwama ya dzovo yo chela vhinyo, leyi handzukeke yi tlhela yi rhungiwa,