Marka 16:13 - BIBELE Mahungu Lamanene

¹³ Vona va tlhela, va ya rungulela lavan'wana, kambe na vona lava a va va kholwanga.

Testamente Leyimpsha Xichangana

¹³ Vona vatlhela, vayarungulela lavan'wana, kambe na vona lava avavakholwanga.

Xitsonga (Bibele)

¹³ Vona va tlhela, va ya byela van'wana, kambe na vona, a va va pfumelanga.

Marka 16:13 Iomraidhean Croise

Matewu 28:17

Loko va n'wi vona, va nkhinsama, kambe van'wana va kanakana.

Marka 16:11

loko vona va twa leswaku Yesu wa hanya, ni leswaku ú voniwile hi Mariya, a va swi kholwanga.

Marka 16:14

Eku heteleleni, Yesu a tikomba eka lava khume na un'we loko va ri eku dyeni; kutani a va sola hi leswi a va kala ku pfumela ni leswi a va ri ni timbilu to nonon'hwa, hikuva a va nga pfumelanga lava va n'wi voneke loko a pfukile eku feni.

Luka 16:31

Abrahama a ku ka yena: ‘Loko va nga yingisi Muxe ni Vaprofeta, va nga ka va nga kholwi, hambiloko un'wana wa vafi a pfuka.’ ”

Luka 24:11

Kambe marito lawa a va ma teka ma ri ya ku vungunya, va nga ma pfumeli. [

Luka 24:41

Kutani leswi eku tsakeni ne ku hlamaleni ka vona a va ha kanakana, a ku ka vona: “Xana mi ni swakudya kwala ke?”

Yohane 20:25

Kutani vadyondzisiwa lava van'wana va ku ka yena: “Hi vonile Hosi.” Yena a ku ka vona: “Loko ndzi nga voni timbanga ta timhingu eswandleni swa yena, ni loko ndzi nga nghenisi ritiho ra mina etimbangeni ta timhingu, ndzi nghenisa ni xandla etsheveni ra yena, ndzi nga ka ndzi nga pfumeri.”

Yohane 20:8

Endzhaku ka sweswo mudyondzisiwa loyi un'wana, la nga rhanga a fika esirheni, na yena a nghena a swi vona, kutani a pfumela.