Marka 14:12 - BIBELE Mahungu Lamanene

¹² Hi siku ro rhanga ra nkhuvo wa Xinkwa lexo-ke-comela, ri nga leri va tlhavaka swinyimpfana swa Paseka ha rona, vadyondzisiwa va yena va n'wi vutisa va ku: “Xana u lava leswaku hi ya ku lunghisela kwihi laha u nga ta dyela kona Paseka xana?”

Testamente Leyimpsha Xichangana

¹² Hi siku rorhanga ra nkhuvu wa xinkwa xokala comela, ringa leri vatlhavaka svinyempfana sva Paska ha rona, vajondzisiwa va yena vamuvutisa vaku: “Xana ulava lesvaku hiyakulungisela kwihi, laha ungatajela kona Paska ke?”

Xitsonga (Bibele)

¹² Hi siku leri sungulaka nkhuvo wa swinkwa leswo kala comela, ri nga leri ku tlhaviwaka Paseka ha rona, vadyondzisiwa va ku eka yena: “U rhandza leswaku hi ya ku lunghisela kwihi Paseka, laha u nga yi dyelaka kona?”

Marka 14:12 Iomraidhean Croise

Eksoda 12:18

Ku sukela madyambu ya siku ra vu-14 eka n'hweti yo sungula, ku ya fikela madyambu ya siku ra 21, mi fanele ku dya xinkwa lexo-ke-comela.

Eksoda 12:6

xi hlayisiwa ku fikela siku ra vu-14 ra n'hweti leyi, kutani hi siku leri, Vaisraele hinkwavo va ta hlengeletana, va tlhava swifuwo swa vona hi minkarhi ya madyambu.

Eksoda 12:8

“Nyama leyi, yi fanele ku dyiwa vusiku bya kona, yi oxiwile kunene, va yi dya ni xinkwa xo-ke-comela, ni matsavu lama bavaka.

Eksoda 13:3

Kutani Muxe a byela vanhu, a ku: “Siku leri, mi nga tshuki mi ri rivala, hikuva hi rona siku leri HOSI Xikwembu xi mi humeseke hi matimba ya xona etikweni ra Egipta, laha a mi ri mahlonga kona. Hi siku leri, mi nga tshuki mi dya xinkwa lexi nga ni comela.

Matewu 3:15

Yesu a n'wi hlamula, a ku: “Ndzi pfumelele sweswi, hikuva swa fanela leswaku hi hetisisa leswo lulama hinkwaswo hi ndlela leyi.” Kutani Yohane a n'wi pfumelela.

Marka 14:1

A ka ha lo sala masiku mambirhi, ku nga si va ni nkhuvo wa Paseka ni wa Xinkwa lexo-ke-comela; kutani vaprista lavakulu ni vatsari a va lava ndlela yo n'wi khoma ha yona hi vutlhari leswaku va ta n'wi dlaya.

Marka 14:11

Loko va n'wi yingisile, va tsaka; va n'wi tshembisa mali; kutani a lava nkarhi lowunene wo va nyiketa yena ha wona.

Marka 14:13

Hiloko a rhuma vadyondzisiwa va yena vambirhi, a ku ka vona: “Yanani emutini, mi ta hlangana ni wanuna la rhwaleke nghotsa ya mati. N'wi landzeni.

Vagalatiya 4:4

Kambe loko nkarhi wu fikile hi ndlela leyi hetisekeke, Xikwembu xi rhumile N'wana wa xona, la velekiweke hi wansati, a velekiwa a ri hansi ka Nawu,

Duteronoma 16:5

Mi nga tshuki mi humesela magandzelo ya Paseka emitini leyi HOSI Xikwembu xa n'wina xi nga ta mi nyika yona,