Marka 13:8 - BIBELE Mahungu Lamanene

⁸ Tiko rin'wana ri ta pfukela tiko rin'wanyana, mfumo wun'wana wu ta lwa ni mfumo wun'wanyana; ku tsekatseka ka misava ku ta va kona ematlhelweni layo tala, ni tindlala ti ta va kona. Sweswo i ku sungula ka mahlomulo.

Testamente Leyimpsha Xichangana

⁸ Tiko rin'wana ritapfukela tiko rin'wanyana, mfumu wun'wana wutalwa ni mfumu wun'wanyana; kutsekatseka ka misava kutava kona matlhelweni lawa yotala, ni tindlala titava kona. Svosvo i masungulu ya tinxaniso.

Xitsonga (Bibele)

⁸ Hikuva tiko rin'wana ri ta pfukela tiko rin'wana matimba, ku fuma kun'wana ku ta lwa ni ku fuma kun'wana; ku tsekatseka ka misava ku ta va kona hi matlhelo layo tala, ni tindlala ti ta va kona ni madzolonga. Leswo i ku sungula ka mahlomulo.

Marka 13:8 Iomraidhean Croise

2 TIKRONIKA 15:6

A va hlaselana, tiko rin'wana ri lwa ni rin'wana, na muti wun'wana wu lwa ni wun'wana. A va xanisana, hikuva Xikwembu a xi va vangerile maxangu layo tala, ma va hlanganisa tinhloko.

Pisalema 48:6

ti ri karhi ti rhurhumela, ni ku vaviseka kukota wansati loko a veleka,

Esaya 19:2

HOSI Xikwembu xi ri: “Ndzi ta endla leswaku Vaegipta va lwa, va dlayana hi xivona, hambi vaakelani va ta tshamela ku lwa, muti wun'wana wu ta ya hlasela wun'wana, hosi yin'wana yi ta lwa ni hosi yin'wana.

Esaya 29:6

HOSI ya matimba hinkwawo yi ta ta yi ta mi lwela; tilo ri ta baleka, misava yi ninginika, ku va ni huwa leyikulu, ni xidzedze, ni xihuhuri, ni ndzilo lowu pfurhaka.

Esaya 37:3

Kutani va ya, va ya tivisa muprofeta marito ya Hezekiya, lama nge: “Siku ra namuntlha i siku ra maxangu, ro tshinyiwa ni ra tingana. Hi fana ni vana lava nga kusuhi ni ku velekiwa, kambe matimba ya muveleki ma herile.

Yeremiya 13:21

Xana u ta ku yini, siku leri vamatiko lava u va endleke vanghana va wena, va nga ta ku hundzukela va ku fuma, xana? U ta khomiwa hi switlhavi ku fana ni wansati loyi a nga kusuhi ni ku tintshunxa.

Yeremiya 22:23

Wena u tshamaka etindlwini to akiwa hi timhandze ta kedari, onge u le ntshaveni ya Lebanoni! Kambe siku rin'wana u ta khoma hi switlhavi, u konya ngopfu, kukota wansati la nga kusuhi ni ku tintshunxa.”

Yeremiya 25:32

HOSI ya matimba hinkwawo yi vula sweswo yi ri: “Vonani, makhombo ma ta, ma suka eka rixaka rin'wana ma tlulela eka rin'wana, xihuhuri xi ba hi matimba, xi huma emakun'wini ya misava.

Yeremiya 4:31

Ndzi twa munhu la konyaka ku fana ni wansati loyi a nga ku velekeni ka n'wana wa yena wa mativula. I Siyoni la heleriwaka hi moya; ú tshambuluta mavoko a ku: “Ndzi lamuleleni! Valala va lava ku ndzi dlaya!”

Yeremiya 49:24

Vanhu va le Damaska va tsemeke nhlana, va suke va tsutsuma va ri karhi va rhurhumela; maxangu ni switlhavi swi va khomile kukota wansati la nga kusuhi ni ku tintshunxa.

Yeremiya 50:43

Loko hosi ya le Babilona yi vikeriwa timhaka leti, yi tsemeka nhlana; yi wela hi maxangu yi twa switlhavi kukota wansati la nga ku tintshunxeni.

Yeremiya 6:24

Vaaki va muti va ri: “Mahungu ya vanhu lava hi ma kumile, ma hi heta matimba. Hi ni switlhavi, ha xaniseka ku fana ni wansati la nga kusuhi ni ku tintshunxa.

Hagayi 2:22

Ndzi ta wisa tihosi eswitshan'wini swa tona; ku nga ri khale, ndzi ta herisa matimba ya mimfumo hinkwayo ya vamatiko. Ndzi ta wisa tigolonyi ta nyimpi ni vachayeri va tona. Vagadi ni tihanci ta vona swi ta wa hi tlhari, va hetana hi xivona.

Zakariya 14:13

HOSI Xikwembu xi ta vangela valala mpfilumpfilu lowukulu, va ta dlidlimbetana, va banana hi xivona.

Matewu 24:8

Swilo leswi hinkwaswo i ku sungula ka mahlomulo.

Marka 13:7

Kutaku loko mi twa huwa ya tinyimpi ni mahungu-ndlela ya tinyimpi, mi nga chaveni, hikuva sweswo swi fanela ku humelela; kambe a hi wona makumu.

Marka 13:9

“Loko mi ri n'wina, tivoneleni; va ta mi nyiketa etihubyeni; mi ta biwa emasinagogeni, mi ta yimisiwa emahlweni ka tindhuna ni tihosi hikwalaho ka mina, mi va timbhoni eka tona.

Timhaka 11:28

Un'wana wa vona, loyi a va ku i Agabo, a suka a yima, a tivisa hi matimba ya Moya leswaku ndlala leyikulu yi ta wa emisaveni hinkwayo (kunene yi humelele enkarhini wa hosi Klawudiyo).

1 Vatesalonika 5:3

Siku vanhu va nga ta ku: “Ku rhulile, ku hava xo karhata”, hi wona nkarhi lowu ku onhaka ku nga ta va wela henhla hi xitshuketa, tanihi ku lumiwa ka wansati la nga kusuhi ni ku kuma n'wana; va nga ka va nga poni.

Nhlavutelo 6:4

Kutani hanci yin'wana yi huma; a yi ri yo tshwuka; mugadi wa yona a a nyikiwile matimba yo pfuxa tinyimpi emisaveni, leswaku vanhu va dlayana; a a nyikiwile ni tlhari lerikulu.