Marka 13:10 - BIBELE Mahungu Lamanene

¹⁰ Kambe Evhangeli yi fanele ku rhanga yi twarisiwa ematikweni hinkwawo.

Testamente Leyimpsha Xichangana

¹⁰ Kambe Evhangeli yifanele kurhanga yitwalisiwa matikweni hinkwawu.

Xitsonga (Bibele)

¹⁰ Kambe swi fanele leswaku Evhangeli yi rhanga yi byeriwa ematikweni hinkwawo.

Marka 13:10 Iomraidhean Croise

Matewu 12:41

Hi siku ra ku avanyisiwa, vavanuna va Ninivha va ta humelela swin'we ni rixaka leri, va ri avanyisa, hikuva va hundzukile, loko va khongoteriwa hi Yonasi; kutani maswivo, leswi nga kwala i swikulu ku tlula Yonasi.

Matewu 24:14

Kutani Evhangeli leyi ya Mfumo yi ta twarisiwa emisaveni hinkwayo, leswaku yi va vumbhoni eka vanhu va matiko hinkwawo; kutani hi kona makumu ma nga ta fika.

Marka 16:15

Kutani a ku ka vona: “Yanani emisaveni hinkwayo, mi ya twarisa Evhangeli eka swivumbiwa hinkwaswo.

Varhoma 1:8

Xo sungula, ndzi nkhensa Xikwembu xa mina ha Yesu Kriste hikwalaho ka n'wina hinkwenu, hikuva ku pfumela ka n'wina ku twakarile emisaveni hinkwayo.

Varhoma 10:18

Kambe ndza vutisa ndzi ri: Xana va nga va va nga ri twanga ke? Hakunene va ri twile, hikuva: “Ku dyondzisa ka vona ku twakele emisaveni hinkwayo, ni marito ya vona ma fikile emakun'wini ya misava.”

Varhoma 15:19

hi matimba ya mahlori ni swihlamariso, ni matimba ya Moya; hi mukhuva wolowo, ndzi haxile Mahungu Lamanene ya Kriste ematlhelweni hinkwawo, ku sukela le Yerusalema, ku ya fika le Iliriya;

Vakolosa 1:23

Kambe mi fanele ku tiya eku pfumeleni, mi yimile emasungulweni ya kona mi nga tsekatseki, mi nga hambani ni ku tshemba loku mi ku kumeke hi ku twa Evhangeli; Evhangeli leyi yi twarisiwile eka swivumbiwa hinkwaswo leswi nge hansi ka tilo, kutani mina Pawulo, ndzi endliwile nandza wa yona.

Vakolosa 1:6

leyi fikeke eka n'wina kukota leswi yi fikeke ematikweni hinkwawo; yi karhi yi veka mihandzu ni ku kula, kukota leswi yi endlisaka xiswona eka n'wina, ku sukela siku mi tweke ni ku twisisa tintswalo ta Xikwembu hi ntiyiso wa tona.

Nhlavutelo 14:6

Kutani ndzi vona ntsumi yin'wana yi ri karhi yi haha ehenhla mapapeni, yi ri ni Evhangeli leyi nga heriki, leswaku yi ta yi twarisa eka lava akeke emisaveni, eka vanhu va matiko hinkwawo, ni va tinxaka hinkwato, ni va tindzimi hinkwato, ni va swivongo hinkwaswo.