Marka 10:5 - BIBELE Mahungu Lamanene

⁵ Yesu a va hlamula a ku: “Muxe ú mi tsalele nawu lowu hikwalaho ka ku nonon'hwa ka timbilu ta n'wina.

Testamente Leyimpsha Xichangana

⁵ Yesu avahlamula aku: “Moxe amitsalele nawu lowu hikolaho ka kunonon'hwa ka timbilu ta n'wina.

Xitsonga (Bibele)

⁵ Yesu a va hlamula, a ku: “U mi tsalele ku lerisa loku hikwalaho ka ku nonon'hwa ka timbilu ta n'wina.

Marka 10:5 Iomraidhean Croise

Nehemiya 9:26

“Hambiswiritano, va arile ku ku yingisa, va ku hundzukela, va fularhela ni Nawu wa wena, va dlaya ni vaprofeta va wena lava a va va tsundzuxa ku tlhelela eka wena; va tlhela va ku rhuketela swinene.

Matewu 19:8

A ku ka vona: “Muxe ú mi pfumelerile ku tshika vasati va n'wina hikwalaho ka ku nonon'hwa ka timbilu ta n'wina; kambe eku sunguleni a swi nga ri tano.

Timhaka 7:51

“N'wina va tinhamu leto nonon'hwa, n'wina va timbilu leti nga pfumeriki ni tindleve leti nga twiki! Masiku hinkwawo mi alela Moya lowo Kwetsima; mi fana swinene ni vatata wa n'wina.

Duteronoma 24:1

“Wanuna a nga tshuka a teka nsati a tshama na yena, kambe endzhaku ka nkarhi a nga ha n'wi tsakeli, hikuva a kumile swin'wana eka yena leswi khomisaka tingana; kutani a tsala papila ro n'wi ntshunxa, a n'wi tamerisa rona, a n'wi hlongola emutini wa yena.

Duteronoma 31:27

Ndza swi tiva leswaku mi tinonon'hwisa ngopfu, a mi twi! Vonani, hambi sweswi ndza ha hanyaka, ma tinonon'hwisa. Xana swi ta va njhani loko ndzi file xana?

Duteronoma 9:6

Tivani leswaku a hi ku lulama ka n'wina loku susumetaka HOSI Xikwembu xa n'wina ku mi nyika tiko lerinene leriya leswaku mi ri teka ri va ra n'wina, e-e! N'wina mi vanhu vo tinonon'hwisa ngopfu.