Biblia Todo Logo
Bìoball air-loidhne

- Sanasan -




Marka 10:21 - BIBELE Mahungu Lamanene

21 Kuteloko Yesu a n'wi langutile, a n'wi rhandza, kutani a ku ka yena: “Wa ha pfumala xilo xin'we ntsena; famba, u ya xavisa hinkwaswo leswi u nga na swona, u nyika swisiwana, kutani u ta va ni xuma etilweni; kutani u ta, u ndzi landza.”

Faic an caibideil Dèan lethbhreac

Testamente Leyimpsha Xichangana

21 Kuteloko Yesu amulangutile, amurhandza, kutani aku ka yena: “Wahapfumala xilo xin'we ntsena; famba, uyaxavisa hinkwasvu lesvi unga na svona, unyika svisiwana, kutani utava ni rifuwo tilweni; ndzhaku ka lesvo, tana unilandza.”

Faic an caibideil Dèan lethbhreac

Xitsonga (Bibele)

21 Kuteloko Yesu a n'wi langutile, a n'wi rhandza, kutani a ku eka yena: “U pfumala xilo xin'we: Famba, u ya xavisa hinkwaswo leswi u nga na swona, u nyika swisiwana, kutani u ta va ni xuma etilweni; kutani u ta, u ndzi landza.”

Faic an caibideil Dèan lethbhreac




Marka 10:21
29 Iomraidhean Croise  

Kutani jaha leri Xikeme ri hatlisa ri endla leswi vuriweke, hikuva a ri rhandza n'wana Yakobo swinene. Endyangwini wa ka vona, Xikeme hi yena a a xiximiwa ngopfu.


Xava ntiyiso, u nga wu xavisi, xava vutlhari, ni swiletelo, ni ku twisisa.


Yesu a engeta a ku ka vadyondzisiwa va yena: “Loko munhu a lava ku ndzi landza, a a titshike, a tirhwexa xihambano xa yena, kutani a ndzi landza,


Yesu a ku ka yena: “Loko u lava ku va la hetisekeke, famba u ya xavisa leswi u nga na swona, u nyika swisiwana, hikona u nga ta va ni xuma ematilweni; kutani u ta, u ndzi landza.”


Kambe munhu loyi a tsuva hi ku twa marito lawa, a famba a hlunamile, hikuva a a ri ni rifuwo lerikulu.


Kuteloko a vitanile ntshungu ni vadyondzisiwa va yena, a ku ka vona: “Loko munhu a lava ku ndzi landza, a a titshike, a tirhwexa xihambano xa yena, kutani a ndzi landza.


kasi xilo lexi lavekaka ngopfu i xin'we ntsena, kutani Mariya ú tihlawulele ku averiwa lokunene, loku a nga ta ka a nga tekeriwi kona.”


Xavisani leswi mi swi fuweke, mi nyika swisiwana; tiendleleni minkwama leyi nga hlakariki ni xuma lexi nga heriki ematilweni, laha khamba ri nga tshineriki kusuhani na kona, ni laha tinsumba ti nga onhiki kona;


“Hikokwalaho ke ndzi ri ka n'wina: Tiendleleni maxaka hi xuma xa misava leyi, leswaku loko mi tshuka mi pfumarile, va mi amukela emintsongeni leyi nga heriki.


Loko Yesu a twa sweswo, a ku ka yena: “Wa ha pfumala xilo xin'we, xavisa hinkwaswo leswi u nga na swona, u avela swisiwana, hi kona u nga ta va ni xuma ematilweni; kutani u ta, u ndzi landza.”


Kuteloko a fikile kusuhi ni muti, a wu vona, a wu rilela,


Kutani a byela vanhu hinkwavo a ku: “Loko munhu a lava ku ndzi landza, a a titshike, a tirhwexa xihambano xa yena siku rin'wana ni rin'wana, kutani a ndzi landza.


Loko munhu a ndzi tirhela, a a ndzi landze, kutani laha ndzi nga kona, na yena nandza wa mina ú ta va kona. Loko munhu a ndzi tirhela, Tatana ú ta n'wi komba mafundzha.


Ndzi mi byerile swilo leswi leswaku mi va ni ku rhula eka mina. La misaveni, mi ta va ni mahlomulo, kambe tiyani timbilu, ndzi hlurile misava.”


a va xavisa leswi va swi fuweke ni leswi a swi ri swa vona, kutani va pambulela un'wana ni un'wana hi ku ya hi ku pfumala ka yena.


Loko ndzi ri mina, ndzi ta nyiketa swa mina hi ku tsaka, naswona ndzi ta tinyiketa hi xiviri xa mina ku mi pfuna; leswi ndzi mi rhandzaka ku tlula mpimo, xana mina ndzi fanele ku rhandziwanyana ntsena ke?


Hakunene, hinkwavo lava navelaka ku hanya vutomi bya vukhongeri eka Kriste Yesu, va ta xanisiwa;


Mi kombile tintswalo eka lava bohiweke ekhotsweni; naswona mi swi tekile hi moya wa ku tsaka loko swilo swa n'wina swi phanghiwa, hikuva a mi tiva leswaku mi ni rifuwo leri tlulaka sweswo, leri nga ta va kona hilaha ku nga heriki.


Mhaka hileswaku un'wana ni un'wana loyi a ringetaka ku hlayisa milawu hinkwayo kambe a tsandzeka eka wun'we wa yona ntsena, ú yi tlurile hinkwayo.


Hambiswiritano, ku ni swilo swi nga ri swingani leswi u ndzi vilerisaka ha swona: Hileswaku ku ni van'wana lava u nga na vona kwaleyo, lava khomelelaka edyondzweni ya Balaama, loyi a kuceteleke Balaka ku veka xikhunguvanyiso emahlweni ka Vaisraele, leswaku va dya swakudya leswi humeseriweke swikwembu swa hava, va endla ni vuoswi.


Kambe ku ni lexi u ndzi vilerisaka ha xona: Hileswaku u tshika Yezabele wansati loyi a tivulaka muprofeta a ya emahlweni ni mintirho ya yena, kasi ú kucetela ni ku hambukisa malandza ya mina ku endla vuoswi ni ku dya swakudya leswi humeseriweke swikwembu swa hava.


Hambiswiritano, ku ni lexi u ndzi vilerisaka ha xona: Hileswaku u tshikile rirhandzu leri a wu ri na rona eku sunguleni.


Lean sinn:

Sanasan


Sanasan