Marka 1:32 - BIBELE Mahungu Lamanene

³² Nimadyambu, loko ri perile, va n'wi tisela hinkwavo lava a va ri na mavabyi, ni lava a va ri na mademona.

Testamente Leyimpsha Xichangana

³² Nimajambu, loko ripela, vamutisela hinkwavu lava avali ni mavabzi ni lava avali ni madimoni.

Xitsonga (Bibele)

³² Nimadyambu, loko ri perile va tisa ka Yesu hinkwavo lava ngi va ri ni mavabyi, ni lava ngi va ri ni mademona.

Marka 1:32 Iomraidhean Croise

Matewu 4:24

Kutani ku twakala ka yena ku hangalaka etikweni hinkwaro ra Siriya. Va tisa hinkwavo lava vabyaka hi mavabyi ya tinxaka-xaka ni lava xanisekaka ngopfu, kukota lava nga ni mademona, ni lava nga ni rihuhe ra n'weti, ni lava nga lamala, kutani Yesu a va hanyisa.

Matewu 8:16

Nimadyambu, va tisa lavo tala lava a va ri ni mademona; kutani a hlongola mimoya leyi hi rito ntsena, naswona a hanyisa hinkwavo lava vabyaka,

Matewu 8:17

leswaku ku endleka leswi nga vuriwa hi muprofeta Esaya la nga te: “Ú titekele mahlomulo ya hina, a tirhwexa ni mavabyi ya hina.”

Marka 1:21

Va ya nghena Kapernawume; kutani hi siku ra Savata a nghena esinagogeni, a dyondzisa.

Marka 1:31

Hiloko a tshinela, a n'wi khoma hi voko, a n'wi pfuxa; hi nomu lo ku hisa ka miri wa yena ku suka, kutani a va tirhela.

Marka 3:2

Kutani Vafarisi va xiya Yesu ku vona loko a ta hanyisa munhu loyi hi siku ra Savata, leswaku va ta kota ku n'wi veka nandzu.

Luka 4:40

Loko dyambu ri perile, hinkwavo lava a va ri ni vanhu lava karhatiwaka hi mavabyi ya tinxaka-xaka, va va tisa eka Yesu, kutani a tlhandleka mavoko ehenhla ka un'wana ni un'wana wa vona, a va hanyisa.

Luka 4:41

Na wona mademona ma huma eka lavo tala, ma huwelela ma ku: “U N'wana wa Xikwembu.” Kambe Yesu a ma tshinya, a nga ma pfumeleli ku vulavula, hikuva a ma tiva leswaku hi yena Mesiya.