Luka 4:41 - BIBELE Mahungu Lamanene

⁴¹ Na wona mademona ma huma eka lavo tala, ma huwelela ma ku: “U N'wana wa Xikwembu.” Kambe Yesu a ma tshinya, a nga ma pfumeleli ku vulavula, hikuva a ma tiva leswaku hi yena Mesiya.

Testamente Leyimpsha Xichangana

⁴¹ Na wona madimoni mahuma ka lava votala, mahuwelela maku: “Wena u N'wana wa Xikwembu.” Kambe Yesu amatshinya, angama pfumeleli kuvulavula, hikuva amativa lesvaku hi yena Kriste.

Xitsonga (Bibele)

⁴¹ Mademona ma huma eka lavo tala, ma huwelela, ma ku: “Hi wena Kriste, N'wana Xikwembu.” Kambe Yesu a ma tshinya, a nga ma pfumeleri ku vula leswaku ma n'wi tiva, leswaku hi yena Kriste.

Luka 4:41 Iomraidhean Croise

Matewu 26:63

Kambe Yesu a miyela. Muprista lonkulu a engeta, a ku ka yena: “Ndzi ri ka wena: Hlambanya hi Xikwembu lexi hanyaka, u hi byela loko u ri Mesiya, N'wana wa Xikwembu.”

Matewu 4:3

Kutani muringi a ta ka yena, a ta ku: “Loko u ri N'wana wa Xikwembu, lerisa maribye lawa leswaku ma hundzuka vuswa.”

Matewu 8:16

Nimadyambu, va tisa lavo tala lava a va ri ni mademona; kutani a hlongola mimoya leyi hi rito ntsena, naswona a hanyisa hinkwavo lava vabyaka,

Matewu 8:29

Kutani va huwelela, va ku: “Mhaka ya wena na hina hi yihi ke, wena N'wana wa Xikwembu? Xana u tele ku ta hi xanisa nkarhi wu nga si fika ke?”

Matewu 8:4

Yesu a ku ka yena: “Tivonele, u nga tshuki u byela munhu swilo leswi; kambe famba, u ya tikomba eka muprista, u humesa mhamba leyi nga lerisiwa hi Muxe, swi ta va vumbhoni eka vona.”

Marka 1:25

Yesu a wu tshinya, a ku: “Miyela! Huma ka munhu yoloye!”

Marka 1:32

Nimadyambu, loko ri perile, va n'wi tisela hinkwavo lava a va ri na mavabyi, ni lava a va ri na mademona.

Marka 1:34

Kutani a hanyisa vanhu lavo tala lava vabyaka hi mavabyi ya tinxaka-xaka, a hlongola ni mademona layo tala. Ntsena a a nga pfumeleri mademona lawa ku vulavula, hikuva a ma n'wi tiva.

Marka 3:11

Na vona lava a va ri ni mimoya ya thyaka, loko va n'wi vona, a va nkhinsama emahlweni ka yena, va huwelela, va ku: “U N'wana wa Xikwembu!”

Luka 4:39

Kavaloko Yesu a yima kusuhi na yena, a tshinya vuvabyi, kutani byi suka; hiloko wansati a hatla a pfuka, a va tirhela.

Yohane 20:31

Kambe timhaka leti ti tsaleriwile n'wina, mi ta ka mi pfumela leswaku Yesu i Mesiya, N'wana wa Xikwembu, ni leswaku, hi mhaka ya ku pfumela, mi va ni vutomi evitweni ra yena.

Yakobo 2:19

Wena u pfumela leswaku ku ni Xikwembu xin'we ntsena. U endla swona. Hambi ma ri mademona ma pfumela sweswo, ma ri karhi ma rhurhumela.