Luka 4:2 - BIBELE Mahungu Lamanene

² Kutani a ringiwa hi Diyavulosi hi masiku ya 40, a nga dyi nchumu hi masiku wolawo; kuteloko ma herile, a twa ndlala.

Testamente Leyimpsha Xichangana

² Kutani aringiwa hi Diyavulosi hi masiku ya mune wa makume, angaji nchumu hi masiku wolawo; kuteloko mahelile, atwa ndlala.

Xitsonga (Bibele)

² Kutani a ringiwa kona hi Diyavulosi hi masiku ya mune wa makume, a nga dyi nchumu hi masiku walawo; kambe, eku heleni ka wona, a twa ndlala.

Luka 4:2 Iomraidhean Croise

Genesa 3:15

Ndzi ta vanga rivengo exikarhi ka wena ni wansati, ni le xikarhi ka vatukulu va wena ni vatukulu va yena. Va ta ku faya nhloko, wena u ta va luma xirhendze.”

1 TIHOSI 19:8

Hiloko a pfuka, a dya ni ku nwa; kutani swakudya leswi swi n'wi nyika matimba yo famba masiku ya 40 ni vusiku bya kona, ku kondza a fika eHorebe, entshaveni ya Xikwembu.

Estere 4:16

“Yana u ya hlengeleta Vayuda hinkwavo lava nga Xuxani, kutani mi titsona swakudya masiku manharhu mi ndzi khongelela, mi nga dyi nchumu mi nga nwi nchumu vusiku ni nhlekanhi. Mina ni malandza ya mina ya xisati, na hina hi ta titsona swakudya. Endzhaku ka sweswo ndzi ta ya eka hosi, hambileswi nawu wu alaka. Loko swi vula ku fa, ndzi ta fa.”

Eksoda 24:18

Kutani Muxe a nghena epapeni, a tlhandlukela entshaveni. Muxe ú tshamile entshaveni masiku ya 40 ni vusiku bya kona.

Eksoda 34:28

Muxe ú tshamile na HOSI Xikwembu kwale ntshaveni masiku ya 40 ni vusiku bya kona, a nga dyi nchumu, a nga nwi nchumu; kutani a tsala marito ya ntwanano, yi nga Milawu ya khume, emaribyeni ya swiphepherhele.

Yonasi 3:7

Kutani yi veka ni ku tivisa nawu emutini wa Ninivha, lowu nge: “Xibobo xa hosi ni tindhuna ta yona hi lexi: Ku nga ha dyiwi nchumu, hi munhu kumbe hi swifuwo, leswikulu hambi leswitsongo; naswona swi nga ha yi emadyelweni kumbe ematini.

Matewu 21:18

Nimixo loko a vuyela emutini, a twa ndlala;

Matewu 4:2

A tshama masiku ya 40 ni vusiku bya kona a nga dyi nchumu, a kondza a twa ndlala.

Luka 4:3

Hiloko Diyavulosi a ku ka yena: “Loko u ri N'wana wa Xikwembu, lerisa ribye leri leswaku ri hundzuka vuswa.”

Yohane 4:6

Xihlovo xa Yakobo a xi ri kona kwalaho. Leswi Yesu a a karhele hi ku famba, a ya wisa eka xona. A wu lava ku va nkarhi wa nhlekanhi.

Duteronoma 9:18

Kutani ndzi tlhela ndzi tiwisela hansi emahlweni ka HOSI Xikwembu, ndzi etlela kona masiku ya 40 ni vusiku bya kona, ndzi nga dyi nchumu kumbe ku nwa nchumu, hikuva a mi hlundzukisile HOSI Xikwembu hi swidyoho swa n'wina hinkwaswo, ni vubihi lebyi mi byi endleke emahlweni ka xona.

Duteronoma 9:25

“Ndzi tiwiserile emahlweni ka HOSI Xikwembu ndzi etlela kona masiku ya 40 ni vusiku bya kona, hikuva HOSI Xikwembu a xi lava ku mi herisa.

Duteronoma 9:9

Mina a ndzi tlhandlukerile entshaveni ku ya teka maribye ya swiphepherhele ya ntwanano lowu HOSI Xikwembu xi wu endleke na n'wina. Ndzi tshamile kona masiku ya 40 ni vusiku bya kona, ndzi nga dyi nchumu kumbe ku nwa nchumu.

Vaheveru 2:18

Hikuva leswi na yena a nga twa ku vaviseka ni ku ringiwa, wa swi kota ku pfuna lava ringiwaka.

Vaheveru 4:15

Hikuva Muprista Lonkulu loyi hi nga na yena a hi loyi a tsandzekaka ku hi twela vusiwana emikarhalweni ya hina, kambe hi loyi a ringiweke hi matlhelo hinkwawo ku fana na hina, ntsena yena a nga dyohanga.

1 SAMIELE 17:16

Hi masiku ya 40, mpundzu ni madyambu, Goliyadi a a humelerisa sweswo, a yima emahlweni ka Vaisraele.