Luka 3:9 - BIBELE Mahungu Lamanene

⁹ Ni sweswi xihloka xi vekiwile etimitswini ta mirhi; murhi wun'wana ni wun'wana lowu nga vekiki mihandzu leyinene, wu ta tsemiwa wu hoxiwa endzilweni.”

Testamente Leyimpsha Xichangana

⁹ Ni svosvi xihloka xivekiwile timintsweni ta nsinya; nsinya wun'wana ni wun'wana lowungavekiki mihandzu leyinene, wutatsemiwa wuhoxiwa ndzilweni.”

Xitsonga (Bibele)

⁹ Ni sweswi xihloka xi vekiwile etimitswini ta mirhi; murhi wun'wana ni wun'wana lowu nga vekiki mihandzu leyinene, wu ta tsemiwa wu hoxiwa endzilweni.”

Luka 3:9 Iomraidhean Croise

Ezekiele 31:18

“Murhi wa kedari lowu wu tlulaka mirhi hinkwayo ya le Edeni hi ku saseka ni vukulu, wu fanisa Faro ni vanhu va yena: Va ta rhelela va ya exivandleni xa vafi, va ya hlangana kona ni lavo soleka, va latiwa ni vanhu lava dlayiweke hi fumu. Ndzi vula sweswo mina HOSI N'wini wa hinkwaswo!”

Daniele 4:14

A huwelela a ku: ‘Tsemani murhi, mi khutulela marhavi; hundlani matluka, mi hangalasa ni mihandzu ya kona; swiharhi leswi vundzeke hansi ka wona a swi suke, na tona tinyanyana leti phatsameke emarhavini ya wona a ti hahe ti nyamalala.

Daniele 4:23

Kutani we hosi, u vonile mulanguteri lowo hlawuleka a huma hi le tilweni, a ku: ‘Tsemani murhi mi wu herisa, kambe mi siya xikundzu ni timitsu ta xona emisaveni, mi xi boha hi nketani ya nsimbhi ni koporo, mi xi tshika xi funengetiwa hi nhova, xi wela hi mberha, xi fana ni swiharhi swa nhova, ku kondza ku hundza malembe ya 7.’

Matewu 3:10

Nisweswi xihloka xi vekiwile etimitswini ta mirhi; murhi wun'wana ni wun'wana lowu nga vekiki mihandzu leyinene, wu ta tsemiwa wu hoxiwa endzilweni.

Matewu 7:19

Murhi wun'wana ni wun'wana lowu nga tswariki mihandzu leyo nandziha, wu tsemiwa, wu hoxiwa endzilweni.

Luka 13:6

A engeta a va byela xifaniso lexi a ku: “Munhu un'wana a a ri ni murhi wa nkuwa lowu simekiweke ensin'wini ya yena ya vhinya; a ya lava mihandzu eka wona, kutani a nga yi kumi.

Luka 13:7

Hiloko a ku ka murimi: ‘Vona, swi endla malembe manharhu ndzi ri karhi ndzi ta ku ta lava mihandzu enkuweni lowu, kutani ndzi nga yi kumi. Wu tseme! Wu onhela yini misava ntsena xana?’

Luka 13:9

kumbexana haxawu wu ta veka mihandzu; loko swi nga ri tano, u ta wu tsema.’ ”

Yohane 15:6

Un'wana ni un'wana la nga tshamiki eka mina, wa cukumetiwa ehandle tanihi rhavi leri omeke. Marhavi layo tano ma hlengeletiwa, kutani ma hoxiwa endzilweni ma tshwa.

Vaheveru 10:28

Munhu loyi a tlulaka nawu wa Muxe ú dlawa a nga tsetseleriwanga, loko vumbhoni bya vanhu vambirhi kumbe vanharhu byi humesiwile.

Vaheveru 12:29

Hikuva Xikwembu xa hina i ndzilo lowu herisaka.