Luka 3:2 - BIBELE Mahungu Lamanene

² Anasi na Kayafasi a va ri vaprista lavakulu; enkarhini wolowo, rito ra Xikwembu ri fika eka Yohane n'wana Zakariya, emananga.

Testamente Leyimpsha Xichangana

² Anasi na Kayafasi avali Vaprista lavakulu; nkarhini wolowo, rito ra Xikwembu rifika ka Yohani n'wana Zakariya, mananga.

Xitsonga (Bibele)

² loko Anasi a ri muprista lonkulu na Kayafasi, rito ra Xikwembu ri fika eka Yohane, n'wana Zakariya, emananga.

Luka 3:2 Iomraidhean Croise

Esaya 40:3

Ku twala rito ra munhu la huwelelaka, a ku: “Boxelani HOSI endlela emananga, khulelani gondzo enhoveni, mi khulelela Xikwembu xa n'wina.

Yeremiya 1:2

HOSI Xikwembu xi sungurile ku vulavula na yena hi lembe ra vu-13 ra ku fuma ka Yosiyasi n'wana Amoni, hosi ya le Yuda,

Yeremiya 2:1

Kutani HOSI Xikwembu xi vulavula na mina, xi ku:

Ezekiele 1:3

Kutani kwale ribuweni ra nambu wa Kebara etikweni ra Vakalediya, HOSI Xikwembu xi vulavula na mina muprista Ezekiele n'wana Buzi, xi ndzi khoma hi matimba ya xona.

Yonasi 1:1

Siku rin'wana, rito ra HOSI Xikwembu ri ta eka Yonasi n'wana Amitayi, ri ku:

Mikiya 1:1

Lawa i marito lama khumbaka muti wa Samariya ni wa Yerusalema. HOSI Xikwembu xi ma tivisile Mikiya wa le Morexeta hi xivono, eminkarhini ya Yotamu, na Akazi, na Hezekiya, tihosi ta tiko ra Yuda.

Sofoniya 1:1

Lawa i marito lawa HOSI Xikwembu xi ma rhwexeke Sofoniya n'wana Kuxi wa Gedaliya, wa Amariya, wa Hezekiya, eminkarhini leyi Yosiyasi n'wana Amoni a a ri hosi ya Yuda.

Matewu 11:7

Loko volavo va sukile, Yesu a sala a vulavula hi Yohane, a ku ka ntshungu: “A mi yile ku ya hlalela yini emananga xana? A ri ri rihlanga leri tsekatsekisiwaka hi mheho xana? E-e!

Matewu 26:3

Enkarhini wolowo vaprista lavakulu, ni vakulukumba, va hlengeletana ehubyeni ya Muprista lonkulu loyi a va ku i Kayafasi,

Marka 1:2

Ma ve hilaha ku tsariweke hakona ebukwini ya muprofeta Esaya, loko a te: “Vona, ndzi rhuma ntsumi ya mina emahlweni ka wena, leyi nga ta lunghisa ndlela ya wena.

Luka 1:80

Kutani n'wana a kula a ri karhi a kuma matimba emoyeni; kutani a ya tshama emananga ku ko ku fika siku leri a humeleleke ha rona eka Israele.

Yohane 1:23

A ku: “Mina ndzi rito ra munhu la huwelelaka emananga a ku: ‘Lulamisani ndlela ya Hosi’, hilaha muprofeta Esaya a vuleke hakona.”

Yohane 18:24

Kutani Anasi a n'wi rhumela a bohiwile eka Kayafasi, Muprista lonkulu loyi un'wana.

Timhaka 4:6

a va ri na Anasi Muprista lonkulu, na Kayafasi, na Yohane, na Aleksandro, ni hinkwavo va rixaka ra vaprista lavakulu.