Luka 2:11 - BIBELE Mahungu Lamanene

¹¹ hileswaku namuntlha mi velekeriwile Mulondzovoti emutini wa Davhida; i Kriste, Hosi.

Testamente Leyimpsha Xichangana

¹¹ hi lesvaku namuntlha mivelekeliwile Muponisi doropeni ra Davhida; lweyi anga Kriste, Hosi.

Xitsonga (Bibele)

¹¹ hileswaku namuntlha mi velekeriwile Mulondzovoti emutini wa Davhida; i Kriste Hosi.

Luka 2:11 Iomraidhean Croise

Genesa 3:15

Ndzi ta vanga rivengo exikarhi ka wena ni wansati, ni le xikarhi ka vatukulu va wena ni vatukulu va yena. Va ta ku faya nhloko, wena u ta va luma xirhendze.”

Genesa 49:10

Ndzalama ya vuhosi yi nga ka yi nga suki emutini wa Yuda, hambi yi ri nhonga ya vuhosi a yi nga suki emilengeni ya yena, ku kondza n'wini wa swona a humelela, loyi matiko ma nga ta n'wi yingisa.

Pisalema 2:2

Tihosi ta misava ti jamile, vafumi va matiko va twananile ku lwa na HOSI Xikwembu ni Muhlawuriwa wa xona,

Esaya 9:6

Hi velekeriwile n'wana, hi nyikiwile n'wana wa mufana, vuhosi i bya yena; vito ra yena i “Mutsundzuxi, munhu wo hlamarisa, Xikwembu xa matimba, Tatana la nga riki na ku hela, Hosi ya ku rhula”.

Matewu 1:16

Yakobo a veleka Yosefa nuna wa Mariya, loyi Yesu la vuriwaka Kriste a velekiweke hi yena.

Matewu 1:21

ú ta veleka n'wana wa mufana, kutani wena u ta n'wi thya vito ra Yesu, hikuva hi yena loyi a nga ta ponisa tiko rakwe eswidyohweni swa rona.”

Matewu 16:16

Kutani Simoni Petro a hlamula a ku: “U Mesiya, N'wana wa Xikwembu lexi hanyaka.”

Matewu 16:20

Kutani a laya vadyondzisiwa leswaku va nga tshuki va byela munhu leswaku hi yena Mesiya.

Luka 1:43

Swi endlise ku yini leswaku mana wa Hosi yanga a ta eka mina xana?

Luka 1:69

xi hi pfuxele Muponisi wa matimba erixakeni ra Davhida nandza wa xona;

Luka 2:26

A a kombiwile hi Moya lowo Kwetsima leswaku a nga ka a nga fi a nga si vona Mesiya wa Hosi;

Luka 2:4

Yosefa na yena a suka Galeliya emutini wa Nazareta, a ya eYudiya emutini wa Davhida lowu vuriwaka Betlehema, hikuva a a ri munhu wa rixaka ra Davhida, ni wa yindlu ya yena.

Yohane 1:41

Ú rhangile a kuma Simoni makwavo wa yena, kutani a ku ka yena: “Hi kumile Mesiya” (hileswaku Kriste, Mutotiwa).

Yohane 1:45

Filipi a kuma Nataniele, a ku ka yena: “Hi kumile loyi Muxe a tsaleke timhaka ta yena eNawini; na vona vaprofeta va ti tsarile: I Yesu wa Nazareta n'wana Yosefa.”

Yohane 11:27

A ku ka yena: “Ina Hosi, ndza pfumela leswaku hi wena Mesiya, N'wana wa Xikwembu, loyi a taka laha misaveni.”

Yohane 20:31

Kambe timhaka leti ti tsaleriwile n'wina, mi ta ka mi pfumela leswaku Yesu i Mesiya, N'wana wa Xikwembu, ni leswaku, hi mhaka ya ku pfumela, mi va ni vutomi evitweni ra yena.

Yohane 4:25

Wansati a ku ka yena: “Ndza swi tiva leswaku Mesiya, loyi a vuriwaka Kriste, wa ta; siku a taka, ú ta hi tivisa swilo hinkwaswo.”

Yohane 4:42

hiloko va ku ka wansati: “A ma ha ri wona mahungu ya wena lama endlaka leswaku hi pfumela; hikuva na hina hi n'wi twile, kutani ha swi tiva leswaku loyi i Muponisi wa misava hakunene.”

Yohane 6:69

Kutani hina hi ni ku pfumela, ni ku swi tiva leswaku hi wena Muhlawuleki wa Xikwembu.”

Yohane 7:41

Van'wana va ku: “Loyi, hi yena Mesiya.” Kambe van'wana va ku: “Xana Mesiya a nga huma eGaleliya ke?

Timhaka 10:36

Rito leri xi ri rhumeleke Vaisraele, ma ri tiva, ri nga rito leri twarisaka mahungu lamanene ya ku rhula ha Yesu Kriste, yena Hosi ya vanhu hinkwavo.

Timhaka 13:23

Erixakeni ra yena, Xikwembu xi nyikile Vaisraele eMuponisi a nga Yesu, hilaha a xi swi tshembisile hakona.

Timhaka 17:3

a ri karhi a ma hlamusela, ni ku ringanisa ha wona leswaku Mesiya a a fanele ku twisiwa ku vaviseka, ni ku pfuka eku feni; kutani a ku: “Yesu loyi ndzi mi tivisaka yena, hi yena Mesiya.”

Timhaka 2:36

“Hikokwalaho rixaka hinkwaro ra Vaisraele ri fanele ku tiva mhaka leyi swinene leswaku Yesu loyi mi n'wi vambeke, hi yena loyi Xikwembu xi n'wi endleke Hosi ni Mesiya.”

Timhaka 5:31

Hi yena loyi Xikwembu xi nga n'wi tlakusa, a tshama evokweni ra xona ra xinene ku va Murhangeri ni Muponisi, leswaku a ta nyika Vaisraele eku hundzuka ni ku rivaleriwa ka swidyoho.

1 Vakorinto 15:47

Munhu lowo rhanga ú humile emisaveni, a ri la endliweke hi ntshuri wa misava; munhu lowa vumbirhi ú huma etilweni.

Vafilipiya 2:11

ni tindzimi hinkwato ti vula leswaku Yesu Kriste i Hosi, eku dzuniseni ka Xikwembu Tatana.

Vafilipiya 3:8

Ku nga ri swona ntsena: Ndzi tekile hinkwaswo swi ri leswi nga ha pfuniki nchumu, loko swi ringanisiwa ni risima leri tlulaka hinkwaswo ra ku tiva Kriste Yesu Hosi ya mina. Hikwalaho ka yena, ndzi fularhele hinkwaswo ndzi swi vona swi ri thyaka ntsena, leswaku ndzi ta kuma Kriste,

Vakolosa 2:6

Kutani ke, leswi mi amukeleke Kriste Yesu ku va Hosi ya n'wina, hanyani hi ku va xilo xin'we na yena,

1 Yohane 4:14

Na hina hi swi vonile, hi vuya hi tiyisa, leswaku Tatana ú rhumele N'wana ku va Muponisi wa misava.

1 Yohane 5:1

Un'wana ni un'wana loyi a pfumelaka leswaku Yesu hi yena Mesiya, ú tswariwile hi Xikwembu, kutani un'wana ni un'wana loyi a rhandzaka mutswari, ú rhandza ni mutswariwa wa kona.