Luka 16:3 - BIBELE Mahungu Lamanene

³ Yena a anakanya embilwini ya yena, a ku: ‘Ndzi ta endla yini, leswi n'wini wa mina a ndzi tekelaka vulanguteri bya mina? Ku rima, a ndzi na ntamu. Ku kombela, swi khomisa tingana.

Testamente Leyimpsha Xichangana

³ Yena ayanakanya mbilwini ya yena, aku: ‘Nitayendla yini, lesvi n'winyi wa mina anitekelaka vulanguteli bza mina? Kurima, aninantamu. Kukombela, svikhomisa tingana.

Xitsonga (Bibele)

³ Mulanguteri yeloyi a anakanya embilwini ya yena, a ku: ‘Ndzi ta endla yini, leswi n'wini wa mina a ndzi tekelaka vulanguteri bya mina? Ndza tsandzeka ku rima, ndzi nga khomiwa hi tingana ku ya kombela!

Luka 16:3 Iomraidhean Croise

Estere 6:6

Hamani a nghena, kutani hosi yi ku ka yena: “Ku na munhu un'wana loyi ndzi navelaka ngopfu ku n'wi fundzha. Xana munhu wa kona ndzi nga n'wi endlela yini xana?” Embilwini Hamani a ku: “A nga va mani loyi hosi yi navelaka ku n'wi fundzha loko a nga ri mina ke!”

Swivuriso 13:4

Lolo ri fa hi ku navela, kambe a ri kumi nchumu; munhu wa migingiriko yena, ú dya a xurha.

Swivuriso 15:19

Ndlela yo lolo yi tlhumile hi mitwa, kasi gondzo ra lowa migingiriko, ri khuleriwile ri basa.

Swivuriso 18:9

Loyi a lolohaka entirhweni wa yena, a nga hambananga na loyi a tsakelaka ku onha ntsena.

Swivuriso 19:15

Munhu wo loloha, ú tshama a etlele, loyi a tshamaka hi mavoko, ú ta fa hi ndlala.

Swivuriso 20:4

Munhu la lolohaka ku rima hi nguva ya kona, a nge tshoveli nchumu, hambi o swi lava.

Swivuriso 29:21

Loyi a bambatelaka hlonga ra yena ku sukela vuhlangini bya rona, eku heteleleni, a nga hlamali loko ri hundzuka mudyandzhaka.

Esaya 10:3

Xana mi ta endla yini siku mi nga ta biwa, loko xihuhuri xo huma kule xi mi tela xana? Xana mi ta tsutsumela kwihi, rifuwo ra n'wina mi ta ri siya na mani ke?

Yeremiya 5:31

Vaprofeta va vulavula mavunwa, vaprista va fuma vanhu hi ku rhandza; kutani vanhu va ka hina va tsakela sweswo, kambe loko siku ra makumu ri ta fika, mi ta endla yini xana?

Hosiya 9:5

Kutani ke, xana mi ta endla yini esikwini leri vekiweke ra nkhuvo wo tlangela HOSI Xikwembu, xana?

Matewu 20:8

“Kutani nimadyambu n'wini wa nsimu ya vhinya a ku ka mulanguteri wa swilo swa yena: ‘Vitana vatirhi, u va nyika hakelo ya vona; u ta sungula hi lava nga ta endzhaku, u hetelela hi lava nga rhanga va ta.’

Marka 10:46

Va fika eYeriko. Kakuloko a huma eYeriko, swin'we ni vadyondzisiwa va yena, ni ntshungu lowukulu, Bartimiya lowo-fe-mahlo, n'wana Timiya, a a tshamile kusuhi ni ndlela, a ri karhi a kombela.

Luka 12:17

kutani a anakanya embilwini ya yena a ku: ‘Ndzi ta endla yini xana, hikuva a ndzi na laha ndzi nga hlengeletaka kona mavele ya mina?’

Luka 16:2

Mufumi a n'wi vitana a ku ka yena: ‘Timhaka ta wena leti ndzi ti twaka hi tihi ke? Hlamusela swa vulanguteri bya wena, hikuva a wu nga ha pfumeleriwi ku va mulanguteri.’

Luka 16:20

Naswona, a ku ri ni xisiwana lexi a va ku i Lazaro; a a hamba a ta vekiwa kwala nyangweni ya mufuwi, a tele swilondza.

Luka 16:22

Siku rin'wana xisiwana lexi xi fa, kutani tintsumi ti xi rhwala ti xi yisa exifuveni xa Abrahama. Mufuwi na yena a fa, a lahliwa esirheni.

Luka 16:4

Ndzi tiva lexi ndzi nga ta endla xona, leswaku vanhu va ndzi amukela emakaya ya vona, loko ndzi ta va ndzi tekeriwile vulanguteri bya mina.’

Luka 18:4

Swi tekile nkarhi lowo leha yena a ha ala. Kambe endzhaku a tianakanya, a ku: ‘Hambiloko ndzi nga chavi Xikwembu, ndzi nga vuri nchumu hi vanhu,

Yohane 9:8

Lava akelaneke na yena ni lava a va tala ku n'wi vona a ri mukomberi, va ku: “Xana a hi yena loyi a a tolovele ku tshama a ri karhi a kombela xana?”

Timhaka 3:2

Kona eTempeleni, enyangweni leyi vuriwaka “Leyo Saseka”, a ku ri ni munhu la velekiweke a ri xigono; a va hamba va n'wi rhwala, va n'wi veka kona masiku hinkwawo, leswaku a ta kombela swihanano eka lava nghenaka eTempeleni.

Timhaka 9:6

Kambe pfuka u yima, u nghena emutini, kutani u ta byeriwa leswi u fanelaka ku endla swona.”

2 Vatesalonika 3:11

Hi vula leswi hikuva hi twile leswaku ku ni van'wana exikarhi ka n'wina lava hanyaka hi vulolo, va nga laviki ku tirha, kambe va nghenelela timhaka ta van'wana.