Luka 13:7 - BIBELE Mahungu Lamanene

⁷ Hiloko a ku ka murimi: ‘Vona, swi endla malembe manharhu ndzi ri karhi ndzi ta ku ta lava mihandzu enkuweni lowu, kutani ndzi nga yi kumi. Wu tseme! Wu onhela yini misava ntsena xana?’

Testamente Leyimpsha Xichangana

⁷ Hi loko aku ka murimi: ‘Vona, sviyendla malembe manharhu na nili karhi nitatalava mihandzu nkuweni lowu, kutani ningayikumi. Wutseme! Wuwonhela yini misava xana?’

Xitsonga (Bibele)

⁷ Kavaloko a ku eka murimi: ‘Vona, ndzi tile hi malembe manharhu ku ta lava mihandzu enkuweni lowu, kutani a ndzi kumanga nchumu; wu tseme, wu sivela yini misava ntsena xana?’

Luka 13:7 Iomraidhean Croise

Eksoda 32:10

sweswi, ndzi tshike ndzi pfurhisa vukari bya mina ehenhla ka vona, ndzi va herisa; kambe wena, ndzi ta ku endla tiko lerikulu.”

Daniele 4:14

A huwelela a ku: ‘Tsemani murhi, mi khutulela marhavi; hundlani matluka, mi hangalasa ni mihandzu ya kona; swiharhi leswi vundzeke hansi ka wona a swi suke, na tona tinyanyana leti phatsameke emarhavini ya wona a ti hahe ti nyamalala.

Levhitika 19:23

“Loko mi fika etikweni ra Kanana, kutani mi byala mirhi ya tinxaka-xaka ya mihandzu, tivani leswaku a mi pfumeleriwi ku dya mihandzu ya kona, ku kondza ku hela malembe manharhu; emalembeni lawa, mi nga tshuki mi yi dya.

Levhitika 25:21

Hi lembe ra vu-6, ndzi ta mi rhumela minkateko, kutani tiko ra n'wina ri ta mi humesela swakudya swo ringana malembe manharhu.

Matewu 7:19

Murhi wun'wana ni wun'wana lowu nga tswariki mihandzu leyo nandziha, wu tsemiwa, wu hoxiwa endzilweni.

Luka 13:8

Kambe murimi a n'wi hlamula a ku: ‘Hosi, wu tshike nan'waka ntsena, leswaku ndzi kuma nkarhi wa ku wu rimela, ndzi wu chela ni quva;

Luka 3:9

Ni sweswi xihloka xi vekiwile etimitswini ta mirhi; murhi wun'wana ni wun'wana lowu nga vekiki mihandzu leyinene, wu ta tsemiwa wu hoxiwa endzilweni.”

Yohane 15:2

Rhavi rin'wana ni rin'wana leri nge ka mina, leri nga vekiki mihandzu, wa ri susa; kambe rin'wana ni rin'wana leri vekaka, wa ri khutulela ri saseka, leswaku ri ta veka ku tlula ni khale.

Yohane 15:6

Un'wana ni un'wana la nga tshamiki eka mina, wa cukumetiwa ehandle tanihi rhavi leri omeke. Marhavi layo tano ma hlengeletiwa, kutani ma hoxiwa endzilweni ma tshwa.