Luka 10:2 - BIBELE Mahungu Lamanene

² Yi ku ka vona: “Ku tshovela i kukulu, kambe vatirhi a va talanga; hikokwalaho, khongelani n'wini wa ntshovelo leswaku a rhuma vatirhi eku tshoveleni ka yena.

Testamente Leyimpsha Xichangana

² Yiku ka vona: “Kutshovela i kukulu, kambe vatirhi avatalanga; hi kolaho, khongelani n'winyi wa ntshovelo lesvaku arhuma vatirhi kutshoveleni ka yena.”

Xitsonga (Bibele)

² Hilaha a nga te eka vona: “Ku tshovela kukulu, kambe vatirhi, a hi vangani; khongelani-ke, Hosi ya ku tshovela, leswaku yi rhuma vatirhi eku tshoveleni ka yona.

Luka 10:2 Iomraidhean Croise

1 TIHOSI 18:22

Eliya a engeta a ku: “Eka vaprofeta va HOSI Xikwembu, ku lo sala mina ntsena, kasi vaprofeta va Baali i vavanuna va 450.

Pisalema 68:11

N'wini wa hinkwaswo ú lo vulavula kunene, kutani ntshungu wa vavasati wu huwelela hi ku tsaka wu ku:

Yeremiya 3:15

Ndzi ta mi nyika varisi lava ndzi twananaka na vona, kutani va ta mi risa hi vutivi ni vutlhari.”

Zakariya 11:17

“Ú ni khombo murisi wa mina loyi a nga pfuniki nchumu, loyi a sukelaka ntlhambi. Voko ra yena a ri tlhaviwe hi fumu, tlhari a ri n'wi xokole tihlo ra xinene! Voko ra yena a ri khwanyane kunene, tihlo ra yena ra xinene ri fela makumu!”

Zakariya 11:5

Lava va ti xavaka, va ti xavela ku dlaya ntsena, kambe a va tivoni nandzu. Kutani lava va ti xavisaka, va vula va ku: ‘A ku nkhensiwe HOSI Xikwembu, namuntlha hi fumile!’ Hambi va ri varisi va tinyimpfu leti, a va na mhaka na tona.

Tinhlayo 11:17

Mina ndzi ta rhelela ndzi ta vulavula na wena kona; ndzi ta hunguta moya lowu wu nga eka wena, ndzi avela vakulukumba lava, leswaku va ta ku pfuna ku rhwala ndzhwalo wa ku rhangela Vaisraele, kutani a wu nga ha wu rhwali u ri wexe.

Tinhlayo 11:29

Kambe Muxe a n'wi hlamula, a ku: “Xana u lava ku ndzi sirhela hi ku vondzoka ka wena ke? A swi ta saseka loko HOSI Xikwembu xi nga xikisela Vaisraele hinkwavo Moya wa xona, xi va endla vaprofeta!”

Matewu 20:1

“Mfumo wa matilo wu fana ni n'wini wa muti la humeke nimpundzu ku ya thola vatirhi, va ya tirha ensin'wini ya yena ya vhinya.

Marka 13:34

Swi fana ni munhu loko a endza, a suka emutini wa yena, a siyile hinkwaswo emavokweni ya malandza ya yena, un'wana ni un'wana entirhweni wa yena, a lerisile ni mulanguteri wa nyangwa leswaku a hiteka.

Marka 16:15

Kutani a ku ka vona: “Yanani emisaveni hinkwayo, mi ya twarisa Evhangeli eka swivumbiwa hinkwaswo.

Marka 16:20

Loko va ri vona, va suka va famba, va ya twarisa Evhangeli hinkwako, Hosi yi ri karhi yi tirhisana na vona, yi tiyisa marito ya vona hi mahlori lawa a ma humelela enkarhini wolowo.]

Luka 9:1

Yesu a hlengeleta lava khume na vambirhi, a va nyika matimba ni vuhosi ku hlongola mademona, ni ku horisa lava vabyaka.

Timhaka 11:19

Loko va ri lava a va hangalasiwile hi ku xanisiwa loku nga humelela enkarhini wa ku dlawa ka Stefano, va hundzela emahlweni ku ya fika le Fenikiya, ni le Kipra, ni le Antiyoka, va ri karhi va dyondzisa Rito eka Vayuda ntsena.

Timhaka 13:2

Loko va ri karhi va titsona swakudya va gandzela Hosi, Moya lowo Kwetsima wu ku: “Ndzi hlawuleleni Barnaba na Sawulo, va ya entirhweni lowu ndzi va vitaneleke wona.”

Timhaka 13:4

Vona ke, hi ku rhumiwa hi Moya lowo Kwetsima, va ngirimela eSelukiya, va nghena engalaveni va pelela eKipra.

Timhaka 20:28

Tilanguteleni ke, mi langutela ni ntlhambi hinkwawo lowu Moya lowo Kwetsima wu nga mi veka ku va varhangeri va wona; risani Kereke ya Xikwembu, leyi xi nga tikumela yona hi rifu ra N'wana wa xona wa xiviri.

Timhaka 22:21

Kavaloko Hosi yi ku ka mina: ‘Famba, hikuva ndzi ta ku rhuma kule, eka vamatiko.’ ”

Timhaka 8:4

Vapfumeri lava a va hangalasiwile, a va famba-famba hinkwako, va ri karhi va twarisa Evhangeli.

1 Vakorinto 12:28

Kutani Xikwembu xi vekile ekerekeni eku sunguleni vaapostola, endzhaku ku ta vatwarisi va Rito, ku tlhandlama vadyondzisi; kutani ku ta lava endlaka mahlori, ni lava nga ni nyiko yo hanyisa vanhu, ni lava tirhaka swo pfuna van'wana, ni lava nyikiweke ku fambisa mintirho, ni ku vulavula hi tindzimi leti nga tiviwiki ta tinxaka-xaka.

1 Vakorinto 15:10

Kambe ndzi leswi ndzi nga swona hi tintswalo ta Xikwembu, kutani tintswalo ta kona, leti Xikwembu xi ndzi kombeke tona, a ti welanga ehansi. Ntiyiso wa kona hileswaku ndzi tirhile ngopfu ku va tlula hinkwavo; hambiswiritano, a ku tirhanga mina, kambe ku tirhile tintswalo ta Xikwembu leti ndzi nga kombiwa tona.

2 Vakorinto 6:1

Hina hi tirhisanaka ni Xikwembu, ha mi khongotela nakambe, hi ri: Leswi mi amukeleke tintswalo ta Xikwembu, mi nga ti tshiki ti wela hansi!

Vafilipiya 2:21

Lavan'wana hinkwavo va chivirikela ntsena leswi nga swa vona, ku nga ri swa Yesu Kriste.

Vafilipiya 2:25

Naswona ndzi anakanyile leswaku swa fanela ku mi tlherisela Epafrodito makwerhu, loyi a nga ndzi pfuna emintirhweni ni le ku lweni ka mina, loyi a mi n'wi rhumile ku ta ndzi pfuna eka leswi a ndzi pfumala swona.

Vafilipiya 2:30

hikuva a a ri kusuhi ni ku fa, a fela ntirho wa Kriste, a ri karhi a pfumela ku nyiketa vutomi bya yena, leswaku a ta hetisa ntirho wa ku ndzi pfuna lowu a wu fanele ku tirhiwa hi n'wina.

Vakolosa 1:29

Hi swona leswi ndzi tikarhatelaka swona, ndzi ri karhi ndzi lwa hi ntamu wa yena, lowu a wu pfuxaka hi matimba endzeni ka mina.

Vakolosa 4:12

Epafra, loyi a nga un'wana wa n'wina, nandza wa Kriste Yesu, wa mi rungula; wa mi anakanya swinene masiku hinkwawo emikhongelweni ya yena, a kombela leswaku mi va lava hetisekeke ni lava tiyeke, eku endleni ka hinkwaswo leswi Xikwembu xi swi rhandzaka.

1 Vatesalonika 2:9

Vamakwerhu, mi tsundzuka ku tikarhata ka hina entirhweni wa hina: Hi tirhile vusiku ni nhlekanhi leswaku hi nga tikiseli na un'we wa n'wina, loko hi ri karhi hi mi dyondzisa Evhangeli ya Xikwembu.

1 Vatesalonika 5:12

Ha mi kombela hi matimba, vamakwerhu, leswaku mi va ni xichavo eka lava tirhaka exikarhi ka n'wina, lava va mi rhangelaka emahlweni endleleni ya Hosi, ni ku mi tsundzuxa;

2 Vatesalonika 3:1

Eku heteleleni vamakwerhu, hi kongeleleni, leswaku Mahungu ya Hosi ma hangalaka hi ku hatlisa, ma tsakeriwa, kukotisa leswi ma endliseke swona le ka n'wina.

1 Timotiya 4:10

Hi tirha swinene ni ku tikarhatela swona leswi, hikuva hi vekile ku tshemba ka hina eka Xikwembu lexi hanyaka, lexi nga muponisi wa vanhu hinkwavo, ngopfu-ngopfu wa lava pfumelaka.

2 Timotiya 4:5

Kambe loko a ri wena, tiya minkarhi hinkwayo, byarha maxangu, tirha ntirho wa muvuri wa Rito, hetisa tifanelo ta ntirho wa wena.

Filemoni 1:1

Mina Pawulo, mubohiwa hikwalaho ka Kriste Yesu, na Timotiya makwerhu, hi tsalela wena Filemoni mutirhi-kulorhi la rhandzekaka,

Vaheveru 3:6

Kambe Kriste, ú tshembekile tanihi n'wana la nga n'wini endlwini ya Xikwembu. Kutani hina hi yindlu ya xona, loko hi khomelela hi tiya, eku tshembeni ni le ku tlangeleni ka hina hi tlhelo ra swilo leswi hi swi langutelaka.

Nhlavutelo 2:1

“Tsalela ntsumi ya kereke ya le Efesa, u ku: ‘Marito ya loyi a tamelaka tinyeleti ta 7 evokweni ra yena ra xinene, la fambaka exikarhi ka switlhoma-timboni swa 7 swa nsuku, hi lawa: