Luka 1:13 - BIBELE Mahungu Lamanene

¹³ Kambe ntsumi yi ku ka yena: “U nga chavi Zakariya, hikuva ku khongela ka wena ku yingisiwile; Elizabeta, nsati wa wena, ú ta ku velekela n'wana wa mufana, kutani u ta n'wi thya vito ra Yohane,

Testamente Leyimpsha Xichangana

¹³ Kambe ntsumi yiku ka yena: “Ungachavi Zakariya, hikuva kukhongela ka wena kuyingisiwile; Elizabeta, nsati wa wena, atakuvelekela n'wana wa mufana, kutani utamuchula vito ra Yohani,

Xitsonga (Bibele)

¹³ Kambe ntsumi yi ku eka yena: “Zakariya, u nga chavi, hikuva ku khongela ka wena ku yingisiwile; Elizabeta, nsati wa wena, u ta ku velekela n'wana, kutani u ta n'wi thya vito ra Yohane.

Luka 1:13 Iomraidhean Croise

Genesa 17:10

Ntwanano lowu mi faneleke ku wu hlayisa, lowu nga ta va kona exikarhi ka mina na wena, ni vatukulu va wena lava nga ta velekiwa, hi lowu: Munhu un'wana ni un'wana wa xinuna ú fanele ku yimbisiwa.

Genesa 17:19

Xikwembu xi hlamula xi ku: “E-e, Sara nsati wa wena ú ta ku velekela n'wana wa mufana, kutani wena u ta n'wi thya vito ra Isaka. Ndzi ta endla ntwanano na yena, wu va ntwanano lowu nga ta va kona hilaha ku nga heriki exikarhi ka mina ni vatukulu va yena lava nga ta velekiwa.

Genesa 18:14

Xana xi kona lexi xi nga tsandzaka mina HOSI xana? Haxawu, hi nkarhi lowu ndzi wu vekeke, ndzi ta tlhela ndzi vuya eka wena; Sara ú ta va a ri na n'wana wa mufana.”

Genesa 25:21

Rhaveka nkata Isaka a a ri mhika, kutani Isaka a n'wi khongelela eka HOSI, kutani HOSI yi hlamula xikhongelo xa yena, Rhaveka nsati wa yena a tika.

Pisalema 113:9

Wansati loyi a a ri mhika, xi n'wi nyika ku tshamiseka emutini, ni ntsako wo veleka vana. Dzunisani HOSI!

Pisalema 118:21

We HOSI, ndza ku nkhensa, hikuva u ndzi hlamurile, u ndzi ponisa.

Esaya 8:3

Emasikwini walawo ndzi tivanile ni nsati wa mina, kutani a tika, a veleka n'wana wa mufana. Kavaloko HOSI Xikwembu xi ku ka mina: “U fanele ku thya n'wana loyi evito ra ‘Hatla-Phangha-Hatlisa-Hlasela’,

Daniele 10:12

Kutani a engeta a ku: ‘U nga chavi we Daniele, hikuva ku sukela siku leri u sunguleke ku titsongahata emahlweni ka Xikwembu xa wena, ni ku ringeta ku twisisa makungu ya xona, xona xi twile ku khongela ka wena, kutani hi swona leswi swi ndzi tisaka eka wena.

Hosiya 1:4

Kutani HOSI Xikwembu xi ku ka Hosiya: “N'wi thye vito ra Yizriele, hikuva ku nga ri khale, ndzi ta ba va ka Yehu hikwalaho ka ngati leyi va yi halateke eYizriele, ndzi herisa ni mfumo wa Israele.

Hosiya 1:6

Gomere a engeta a tika, a veleka n'wana wa nhwanyana. Kutani HOSI Xikwembu xi ku ka Hosiya: “N'wi thye vito ra Lo-Ruhama” (hileswaku: “La nga tsetseleriwangiki”), “hikuva ku sukela sweswi, vanhu va tiko ra Israele a ndzi nga ha va tsetseleri, ni ku va rivalela a ndzi nga ha va rivaleri.

Matewu 1:21

ú ta veleka n'wana wa mufana, kutani wena u ta n'wi thya vito ra Yesu, hikuva hi yena loyi a nga ta ponisa tiko rakwe eswidyohweni swa rona.”

Matewu 14:27

Kambe Yesu a hatla a vulavula na vona, a ku: “Tiyisani timbilu, hi mina; mi nga chaveni!”

Matewu 28:5

Hiloko ntsumi yi byela vavasati yi ku: “Mi nga chavi, hikuva ndza swi tiva leswaku mi lava Yesu la vambiweke;

Marka 16:6

Kambe jaha ri ku ka vona: “Mi nga hlamaleni; Yesu wa Nazareta la vambiweke, loyi mi n'wi lavaka, ú pfukile, a nga kona la; laha a va n'wi vekile kona hi kwala.

Luka 1:14

u tsaka u tsakisisa. Naswona lavo tala va ta tsakela ku velekiwa ka n'wana,

Luka 1:30

Kambe ntsumi yi ku ka yena: “U nga chavi we Mariya, hikuva u kumile tintswalo emahlweni ka Xikwembu.

Luka 2:21

Loko n'wana a hetile masiku ya 8, a yimbisiwa, kutani va n'wi thya vito ra Yesu, hilaha ntsumi yi nga n'wi thya hakona, mana wa yena a nga si tika.

Timhaka 10:31

a ku: ‘Korneliyo, ku khongela ka wena ku yingisiwile, ni swihanano swa wena swi anakanyiwile emahlweni ka Xikwembu.

Vaavanyisi 6:23

Kambe HOSI Xikwembu xi ku ka yena: “Rhula mbilu, u nga chavi, hikuva u nga ka u nga fi.”

1 SAMIELE 2:21

Kavaloko HOSI Xikwembu xi katekisa Hana, kutani a tika, a veleka vana vanharhu va vafana, ni vanhwanyana vambirhi. Loko a ri mufana Samiele, a a kula a ri karhi a tirhele HOSI Xikwembu.