Hosiya 9:3 - BIBELE Mahungu Lamanene

³ Etikweni ra HOSI Xikwembu, a va nga ha tshami; va ka Efrayimi va ta tlhelela etikweni ra Egipta, va ya dya swakudya swa le Asiriya leswi nyamisaka.

Xitsonga (Bibele)

³ Va nga ka va nga hlweri etikweni ra Yehovha; Efrayimi u ta tlhelela eEgipta, ni le tikweni ra Asiriya, va ta dya leswa thyaka.

Hosiya 9:3 Iomraidhean Croise

1 TIHOSI 9:7

ndzi ta susa vanhu va Israele etikweni leri ndzi va nyikeke rona. Na yona Tempele leyi ndzi yi hlawuleke ku twarisa vito ra mina eka yona, ndzi ta yi cukumeta kule na mina; kutani vanhu va Israele va ta hundzuka xihlambanyiso ni xihlekiso exikarhi ka vamatiko hinkwavo.

2 TIHOSI 17:6

Hi lembe ra vu-9 ra ku fuma ka Hoxeya hosi ya Israele, hosi ya Asiriya yi teka muti wa Samariya, kutani yi yisa Vaisraele eAsiriya va ri mahlonga; yi va veka emutini wa Hala, ni le ribuweni ra nambu wa Habori le Gozana, ni le mutini ya Vameda.

Yeremiya 16:18

Ndzi ta sungula hi vona ndzi va ba swinene hikwalaho ka ku homboloka ka vona ni ku dyoha ka vona, hikuva va nyamisile tiko ra mina hi mintsumbu ya swikwembu swa vona swa hava, va endla manyala layo tala etikweni ra mina.”

Yeremiya 2:7

Kutani ndzi mi fikisile etikweni leri noneke, leswaku mi tidyela mihandzu ya rona mi tiphina ha yona; kambe mi lo na nghena, mo nyamisa tiko ra mina, mi onhetela ndzhaka ya mina.

Swirilo 5:6

Hi tinyiketile eka Vaegipta ni Vaasiriya, leswaku va ta hi pfuna hi swakudya swo ringana.

Ezekiele 4:13

Kutani mina HOSI ndzi ri, Vaisraele va ta dya swakudya leswi nga tengangiki, ematikweni lawa ndzi nga ta va ndzi va hangalasile va ya eka wona.”

Daniele 1:8

Daniele a a tibohile embilwini ya yena leswaku a nge pfumeli ku tinyamisa hi ku dya swakudya swo xawula leswi dyiwaka hi hosi, kumbe ku nwa vhinyo leyi nwiwaka hi yona; hikokwalaho a ya a ya kombela ndhuna ya malandza ya hosi leswaku yi n'wi pfumelela ku tshika swakudya leswi, a ta ka a nga tinyamisi hi swona.

Hosiya 11:11

va ta vuya hi ku rhurhumela ku fana ni tinyanyana, va huma etikweni ra Egipta, va ta vuya hi le tikweni ra Asiriya, va fana ni matuva. HOSI Xikwembu xi vula sweswo xi ri: “Mina ndzi ta va tlherisela emitini ya vona.”

Hosiya 11:5

Va ta tlhelela etikweni ra Egipta, kutani va ta fumiwa hi hosi ya Vaasiriya, hikuva va arile ku vuyela eka mina.

Hosiya 7:11

Va ka Efrayimi va fana ni phuphula ra tuva leri hahaka ri ya hala ni hala: Va kombela va le Egipta ku va pfuna, va hundza va ya fika ni le Asiriya.

Hosiya 7:16

Va hundzukela eka leswi nga pfuniki nchumu, va fana ni vurha lebyi debyeke. Tihosi ta vona ti ta dlayiwa hi fumu, hikuva ti tikurisile ngopfu eku vulavuleni ka tona, kutani ti ta hundzuka xihlekiso etikweni ra Egipta.

Hosiya 8:13

Va rhandza ngopfu ku humesa magandzelo, va tlhava swifuwo, va dya nyama, kambe sweswo a swi ndzi tsakisi mina HOSI. Milandzu ya vona a ndzi yi rivali mina HOSI, ndzi ta va bela swidyoho swa vona. Va ta fanela ku tlhelela etikweni ra Egipta.

Hosiya 9:6

Vonani, va tsutsuma khombo; Vaegipta va ta va hlengeleta, masirha ya vona ma ta va le Memfisi; swibya swa vona swa nkoka swa silivhere swi ta funengetiwa hi mahlwehlwe, mintsonga ya vona yi ta mila mitwa.

Levhitika 18:28

Loko na n'wina mo endla sweswo, mi nyamisa tiko leri; mi ta hlongoriwa mi humesiwa laha tikweni, ku fana ni lava va hlongoriweke, va huma eka rona.

Levhitika 20:22

“Mi fanele ku hlayisa milawu ya mina hinkwayo ni swiletelo swa mina hinkwaswo; loko mo endla sweswo, a mi nga hlongoriwi mi humesiwa etikweni leri ndzi lavaka ku mi nghenisa eka rona leswaku mi tshama eka rona.

Levhitika 25:23

“Loko mi xavisa misava, mi nga yi xaviseli makumu, hikuva i ya mina; n'wina mi vanhu lava va ngo ta va famba, mi lo luvela eka mina.

Amosi 7:17

Hikokwalaho HOSI yi vurisa sweswo, yi ri: “ ‘Nsati wa wena ú ta hundzuka nghwavava kwala mutini wa Betele, vana va wena va xinuna ni va xisati va ta dlayiwa hi fumu, masimu ya wena ma ta tekiwa ma pandzeriwa van'wana; loko a ri wena, u ta ya fela etikweni leri nyameke, kutani Vaisraele hakunene va ta susiwa etikweni ra vona, va ya evukhumbini.’ ”

Mikiya 2:10

Sukani mi famba, leyi a ya ha ri ndhawu yo wisela ka yona, hikuva yi nyamisiwile, kutani mi tivangele ku herisiwa hi ndlela leyi vavisaka ngopfu.

Timhaka 10:14

Kambe Petro a ku: “E-e, Hosi, ndzi nga ka ndzi nga swi endli, hikuva a ndzi si dya xilo lexi yilaka, hambi xi ri lexi nga tengangiki.”

Duteronoma 28:63

Loko HOSI Xikwembu xi mi endlela leswinene xi mi andzisa, xi swi tirhile hi ku tsaka, kutani ni loko xi ta mi lovisa xi mi herisa, xi ta swi endla hi ku tsaka. Mi ta tsuvuriwa mi susiwa etikweni leri mi nghenaka eka rona ku ri teka.

Duteronoma 28:68

Hambileswi ndzi mi tshembiseke leswaku a mi nga ha tlheleli etikweni ra Egipta ni siku ni rin'we, HOSI Xikwembu xi ta mi tlherisela kona hi tingalava; mi ta fika kona mi tixavisa eka valala va n'wina ku va mahlonga ya vona ya xinuna ni ya xisati, kambe a ku nga vi na loyi a nga ta mi xava.”

Duteronoma 4:26

Tilo ni misava i timbhoni ta mina namuntlha leswaku loko mi gandzela xifaniso xo tano, mi ta hatla mi susiwa etikweni leri mi yaka mi ya ri teka entsungeni wa Yordani. A mi nga tshami malembe layo tala eka rona, hikuva mi ta heriseriwa makumu;

Yoxuwa 23:15

HOSI Xikwembu xi nga tisa swilo leswo biha eka n'wina, mi kondza mi hela etikweni leri ro saseka leri xi mi nyikeke rona, ku fana ni leswi xi endleke leswaku swilo leswi swinene hinkwaswo leswi xi mi tshembiseke swona, swi hetiseka.