Hosiya 7:1 - BIBELE Mahungu Lamanene

¹ Loko ndzi lava ku horisa vanhu va tiko ra Israele, vubihi bya vanhu lava va ka Efrayimi bya tikomba, ni ku homboloka ka vanhu va Samariya ka vonaka: Va hanya hi ku xisana, va tshovelana tindlu va yivelana, va gevenga ni vanhu etindleleni.

Xitsonga (Bibele)

¹ Loko ndzi ku ndzi dyaha Israele, hilaha ku humelelaka vudyohi bya Efrayimi ni mona wa Samariya, Hikuva va endla swa mavunwa, ni khamba ri nghena etindlwini, ntlawa wa lava yivaka wu hangalaka ehandle.

Hosiya 7:1 Iomraidhean Croise

Esaya 28:1

Yi ni khombo, harhi leyi swidakwa swa ka Efrayimi swi tinyungubyisaka ha yona: Swiluva swa yona swi ta vuna! Wu ni khombo muti wa vanhu vo hluriwa hi hinyo, lowu akiweke enhlohlorhini ya ntshava, lowu langutanaka ni masimu layo nona:

Esaya 59:12

Milandzu ya hina yi tele ngopfu emahlweni ka wena, swidyoho swa hina, hi swona swi hi dlayisaka; mintirho ya hina leyo homboloka, ha yi tiva, hi tiva ni leswi hi dyoheke swona:

Esaya 59:13

Hi tlurile milawu ya wena HOSI, hi tlhela hi ku fularhela, hi tshike ku landza wena Xikwembu xa hina. Hi vulavula ntsena hi ta ku xanisa van'wana ni ku hundzukela wena, makungu ya hina ni leswi hi swi vulaka i mavunwa ntsena.

Esaya 59:14

Mintirho leyo lulama yi hlongoriwile, leswinene swi nge tshineli kusuhi, hikuva ntiyiso wu khugukile wu wa erivaleni ra muti, kutani leswo lulama swi nga ka swi nga ngheni emutini.

Yeremiya 51:9

Valuveri va ri: “Hi ringetile ku horisa Babilona, kambe hi tsandzekile. A hi humeni hi famba, un'wana ni un'wana a kongoma etikweni ra rikwavo, hikuva HOSI Xikwembu xi bile muti lowu hi nkhavi lowo vava, lowukulu ngopfu.

Ezekiele 16:46

Muti wa Samariya ni swimitana swa wona en'walungwini i hosi ya wena ya xisati; kasi muti wa Sodoma ni swimitana swa wona i ntsongwana ya wena ya xisati edzongeni.

Ezekiele 23:4

Vito ra lonkulu a a ri Ohola, kasi lontsongo a a ri Oholiba; Ohola loyi i muti wa Samariya, Oholiba yena i muti wa Yerusalema. Ndzi titekele vona va va vanhu va mina, kutani va ndzi velekerile vana va xinuna ni va xisati.

Ezekiele 24:13

Thyaka rero i mintirho ya wena ya manyala, we Yerusalema. Ndzi ringetile ku ku basisa, kambe thyaka ra wena a ri suki, kutani a wu nga ha tlheli u basa, ku kondza ndzi heta ku ku ba eku hlundzukeni ka mina.

Hosiya 10:5

Vaaki va Samariya va khomile hi gome, va vilelela rhole ra le Beta-Avene; va le ku rileni ka nkosi wa rona, ni swiphukuphuku leswa vaprista va rona swi le ku kalakaleni, hikuva ku dzuneka ka rona ku dzudzekile.

Hosiya 11:12

Va ka Efrayimi va ndzi rhendzerile hi mavunwa, vanhu va tiko ra Israele va ndzi rhendzerile hi vumbabva; kambe vanhu va Yuda vona va ha famba etindleleni ta Xikwembu, va ha tshembekile eka Lowo kwetsima.

Hosiya 11:8

Xana ndzi nga swi kotisa ku yini ku mi tshika n'wina va ka Efrayimi xana? Xana ndzi nga mi nyiketa eka van'wana n'wina Vaisraele xana? Xana ndzi nga mi tshika ku fana ni muti wa Adama, kumbe ku mi endla leswi ndzi swi endleke va le Seboyimi, xana? Sweswi mbilu ya mina yi wile, ndzi tele tintswalo ni rirhandzu.

Hosiya 12:1

Va ka Efrayimi va hlongorisa moya, loko ri xile va landzelela moya wa le vuxeni; vuxisi ni tihanyi swa andza exikarhi ka vona; va endla xinakulobye ni tiko ra Asiriya, va rhwala ni mafurha va ma yisa etikweni ra Egipta.

Hosiya 12:2

HOSI Xikwembu xi lava ku boxa milandzu ya vanhu va tiko ra Yuda, xi ta ba va ka Yakobo hikwalaho ka mahanyelo ya vona, xi va avanyisa hikwalaho ka mintirho ya vona.

Hosiya 4:17

Va ka Efrayimi va twanana ngopfu ni swikwembu swa hava, va tshikiseni sweswo!

Hosiya 4:2

Va rhuketelana ni ku xisana ni ku dlayana, va yivelana ni ku hahlulelana mindyangu; va tlula milawu hinkwayo; minkarhi hinkwayo va le ku halateni ka ngati.

Hosiya 5:1

Twanani mhaka leyi, n'wina vaprista! Yingisani, n'wina vaaki va tiko ra Israele! Rhiyani ndleve, n'wina vafumi va tiko! Nandzu wu dya n'wina, hikuva le Mispa mi tihundzurile mintlhamu, ni ritavala leri andlariweke entshaveni ya Taboro.

Hosiya 6:4

Xana ndzi ta endla yini hi n'wina va ka Efrayimi xana? Na n'wina va ka Yuda, ndzi ta endla yini hi n'wina xana? Ku tshembeka ka n'wina ku fana ni hunguva nimixo, ku fana ni mberha leyi hatlisaka ku dzudzeka.

Hosiya 7:13

Va ta weriwa hi khombo, hikuva va sukile eka mina! Va ta xanisiwa, hikuva va ndzi tshikile! Ku va lamulela, a ndzi ta va lamulela, kambe va vulavula mavunwa hi mina.

Hosiya 8:5

N'wina va le Samariya, rhole ra n'wina ra ndzi nyenyetsa. Vanhu lava va ndzi hlundzukisa ngopfu, xana va ta tshama ku fikela rini va nga tenganga, xana?

Hosiya 8:9

Va tlhandlukile va ya etikweni ra Asiriya, va fana ni timangwa ta nhova leti hanyaka ti ri toxe; va ka Efrayimi va tixavele xinakulobye hi tinyiko.

Amosi 3:10

HOSI yi vula sweswo yi ri: “Vanhu va Samariya a va swi tivi ku endla leswo lulama, va tata tindlu ta vona ta vuhosi hi swilo leswi va swi kumeke hi tihanyi ni vuxisi.”

Amosi 3:9

Huwelelani lava nga tindlwini ta vuhosi ta le Axidodo, ni lava nga tindlwini ta vuhosi ta le Egipta, mi ku: “Hlengeletanani eswitsungeni swa Samariya, mi vona mpfilumpfilu lowukulu emutini lowu, ni ku xanisiwa ka vanhu exikarhi ka vona!”

Amosi 8:14

Vanhu lava hlambanyaka hi Axima, xikwembu xa xifaniso xa le Samariya, va ku: ‘Hi hlambanya hi xikwembu xa wena Dani’, ni lava va nge: ‘Hi hlambanya hi ndlela yo ya eBerexeba’, va ta wa va nga ha pfuki, ni siku ni rin'we.”

Mikiya 6:16

Mi landzile milawu ya Omri ni mahanyelo hinkwawo ya va ka Akabu, mi endla hinkwaswo leswi a va swi endla; hikokwalaho ndzi ta endla leswaku vanhu va mi nyenya; loko va vona va ka n'wina, va ta hlakahla tinhloko, mi ta va xihlekiso exikarhi ka vanhu va matiko.”

Matewu 23:37

“Yerusalema, Yerusalema, wena la dlayaka vaprofeta, la khandlaka hi maribye lava rhumiweke ka wena, kangani ndzi naverile ku hlengeleta vana va wena, kukotisa huku loko yi hlengeleta swiciwana swa yona ehansi ka timpapa ta yona, kambe a wu swi lavanga.

Luka 13:34

“Yerusalema, Yerusalema, wena la dlayaka vaprofeta, la khandlaka hi maribye lava rhumiweke eka wena; kangani ndzi naverile ku hlengeleta vana va wena, kukotisa huku loko yi hlengeleta swiciwana swa yona ehansi ka timpapa ta yona, kambe a wu swi lavanga.

Luka 19:42

a ku: “Yo! Loko ingi na wena a wu tivile namuntlha timhaka leti ti nga tisaka ku rhula, kambe u lo fihleriwa tona sweswi.