Hosiya 4:1 - BIBELE Mahungu Lamanene

¹ Yingisani rito ra HOSI Xikwembu, n'wina vanhu va tiko ra Israele: HOSI Xikwembu xi lava ku boxa milandzu ya vaaki va tiko, hikuva etikweni ku hava ku tshembeka kumbe tintswalo, naswona vanhu a va ha vuli nchumu hi Xikwembu.

Xitsonga (Bibele)

¹ Twanani rito ra Yehovha, n'wina vana va Israele! Hikuva Yehovha u tengisa vaaki va tiko, hikuva a ku na vunene, ni ku tsetselela, ni ku tiva Xikwembu etikweni.

Hosiya 4:1 Iomraidhean Croise

1 TIHOSI 22:19

Kutani Mikaya a engeta a ku: “Loko swi ri tano, yingisa rito ra HOSI Xikwembu: Ndzi vonile HOSI Xikwembu xi tshamile exiluvelweni xa xona ematilweni; mavandla hinkwawo ya lava va xi tirhelaka a ma yimile evokweni ra xona ra xinene ni ra ximatsi.

Pisalema 81:9

Mi nga tshuki mi tirhela swikwembu swin'wana, mi nga nkhinsameli swikwembu swa vanhu vambe.

Esaya 1:10

N'wina tihosi leti fanaka ni ta le Sodoma, yingisani rito ra HOSI Xikwembu! Na n'wina vanhu lava fanaka ni va le Gomora, rhiyani ndleve mi yingisa swiletelo swa Xikwembu xa hina!

Esaya 1:18

HOSI Xikwembu xi ri: “Tanani hi kanela mhaka swin'we: Hambiloko swidyoho swa n'wina swi mi tshwukisile mi fana ni xivunguvungu, ndzi ta mi basisa, mi fana ni gamboko; ni loko swi mi tshwukisile mi fana ni ngati, ndzi ta mi basisa mi fana ni voya lebyi basisiweke bya tinyimpfu.

Esaya 28:14

N'wina mi fumaka vanhu emutini lowu wa Yerusalema, mi tolovele ngopfu ku sandza, hikokwalaho, yingisani rito ra HOSI Xikwembu.

Esaya 34:1

N'wina vanhu va matiko hinkwawo, tshinelani kusuhi, rhiyani ndleve, mi yingisa! We misava yingisa, ni hinkwaswo leswi nga ka wena, rhiya ndleve we ntumbuluko, ni hinkwaswo leswi hanyaka eka wena.

Esaya 34:8

HOSI Xikwembu xi na rona siku ro tirihisela, ra ta lembe leri xi nga ta rihiseta valala va muti wa Siyoni.

Esaya 5:3

Kutani nakulorhi ú ri: “Sweswi ke, n'wina vaaki va Yerusalema, na n'wina vanhu va Yuda, tsemani mhaka ya mina ni nsimu ya mina ya vhinya.

Esaya 59:4

Loko mi yisa mhaka ehubyeni leswaku yi ya kaneriwa, a mi lavi leswi lulameke, a mi tshembeki; mi vulavula mavunwa mi tshika ntiyiso, mi tshama van'wana xikungu, mi vanga makhombo.

Esaya 59:8

Ndlela leyi tisaka ku rhula, a mi yi tivi, lomu mi hundzaka kona, ku lulama a ku kona; mi tsakela maendlele layo homboloka, eka wona, ku hava loyi a nga kumaka ku rhula.

Esaya 66:5

N'wina mi xiximaka milawu ya HOSI Xikwembu, twanani leswi xi vulaka swona; xi ri: “Vamakwenu va mi venga, va mi hlongola hi mhaka ya leswi mi ndzi tshembaka, va mi hlekula, va ku: ‘HOSI Xikwembu a xi mi kombe ku dzuneka ka xona, hi ta vona ku tsaka ka n'wina!’ Kambe vanhu volavo, hi vona va nga ta va ni tingana.”

Yeremiya 11:7

hikuva vatata wa n'wina ndzi va layile ndzi vuyelela siku ndzi va humeseke etikweni ra Egipta; ni namuntlha ndza ha mi byela sweswo ndzi ri, ndzi yingiseni loko ndzi vulavula!

Yeremiya 19:3

U ta va byela ku yingisa marito lawa mina HOSI ya matimba hinkwawo, Xikwembu xa Israele, ndzi ma tivisaka tihosi ta Yuda ni vaaki va Yerusalema; marito ya mina hi lawa: ‘Yingisani, ndzi le kusuhi ni ku vangela xivandla lexi ekhombo lerikulu, leri nga ta chavisa swinene hinkwavo lava nga ta twa mahungu ya rona.

Yeremiya 2:4

N'wina va ka Yakobo, ndzi vula n'wina Vaisraele hinkwenu, yingisani rito ra HOSI Xikwembu.

Yeremiya 2:9

Hikokwalaho ndza ha lava ku tengisana na n'wina, na vona vatukulu va n'wina ndzi ta tengisana na vona. Ndzi vula sweswo mina HOSI!

Yeremiya 25:31

yi twiwa ku ya fika evugimamusi, hikuva HOSI Xikwembu xi lava ku boxa nandzu wa vamatiko, xi va avanyisa hinkwavo, lavo homboloka, xi va herisa hi matlhari. HOSI Xikwembu xi vula sweswo.’ ”

Yeremiya 34:4

Hambiswiritano we Sedekiyasi hosi ya Yuda, yingisa! Mina HOSI ndzi vurisa sweswo ndzi ri, u nga ka u nga dlayiwi enyimpini,

Yeremiya 4:22

HOSI Xikwembu xi ri: “Vanhu va mina i swiphukuphuku, ni ku ndzi tiva a va ndzi tivi. I maphuphula kunene, a va twisisi nchumu. Ku endla leswinene, a va swi lavi, kambe emintirhweni leyo biha, va thwasile!”

Yeremiya 4:28

hikokwalaho misava yi ta rila, ni matilo ma ta endla ntima, hikuva mina HOSI ndzi vulavurile, ndzi bohile makungu, ndzi nga ka ndzi nga ma hundzuluxi.”

Yeremiya 5:4

Ndzi anakanyile ndzi ku: Lava endlaka sweswo i vanhu ntsena, a va twisisi nchumu; a va tivi ku rhandza ka HOSI Xikwembu xa vona, ni leswi xi swi langutelaka eka vona a va swi tivi.

Yeremiya 51:5

hikuva tiko ra kona ri dyoherile Muhlawuleki wa Israele. Kasi Vaisraele ni va ka Yuda vona a va tshikiwanga hi HOSI ya matimba hinkwawo, Xikwembu xa vona.

Yeremiya 6:13

Hinkwavo va lava ngopfu mali, ku sukela eka lavatsongo ku ya fika eka lavakulu. Vaprofeta ni vaprista hinkwavo va hanya hi vukanganyisi.

Yeremiya 7:28

Va tivise u ku: ‘Mi rixaka leri alaka ku yingisa HOSI Xikwembu xa rona, leri nga pfumeliki ku tshinyiwa. Ntiyiso wu file, a wa ha twali exikarhi ka n'wina.

Yeremiya 9:20

N'wina vavasati, yingisani rito ra HOSI, rhiyani tindleve mi twa leswi yi mi byelaka swona; dyondzisani vana va n'wina va xisati risimu ra rifu, na vona a va dyondzisane xirilo lexi nge:

Yeremiya 9:3

Ririmi ra vona ri fana ni vurha lebyi kongiweke, etikweni ku tele vukanganyisi, vanhu va tsakela byona ku tlula ntiyiso. HOSI Xikwembu xi ri: “Vanhu va mina va tlhandleka leswo biha ehenhla ka leswo biha, ni ku ndzi tiva a va ha ndzi tivi!”

Yeremiya 9:7

Hikokwalaho HOSI ya matimba hinkwawo yi vurisa sweswo yi ri: “Ndzi ta kambela vanhu va mina ndzi va basisa hi ndzilo, hikuva ku hava swin'wana leswi ndzi nga va endlaka swona.

Ezekiele 16:35

Xikwembu xi ri: “Wena Yerusalema nghwavava ndziwena, yingisa rito ra mina.

Hosiya 12:2

HOSI Xikwembu xi lava ku boxa milandzu ya vanhu va tiko ra Yuda, xi ta ba va ka Yakobo hikwalaho ka mahanyelo ya vona, xi va avanyisa hikwalaho ka mintirho ya vona.

Hosiya 12:3

Yakobo ú lwetanile ni makwavo va ha ri ekhwirini ra mana wa vona, loko a kurile, ú sungule ku kamana na Xikwembu.

Hosiya 5:1

Twanani mhaka leyi, n'wina vaprista! Yingisani, n'wina vaaki va tiko ra Israele! Rhiyani ndleve, n'wina vafumi va tiko! Nandzu wu dya n'wina, hikuva le Mispa mi tihundzurile mintlhamu, ni ritavala leri andlariweke entshaveni ya Taboro.

Hosiya 5:4

Swiendlo swa vanhu lava swi va sivela ku tlhelela eka Xikwembu xa vona. Moya wa vunghwavava wu va nghenile hi matimba, kutani a va ha vuli nchumu hi HOSI.

Yuwele 1:2

Yingisani mhaka leyi, n'wina vakulukumba, hinkwenu vaaki va tiko, rhiyani tindleve! Hi mpfhuka xa loko mi velekiwile, kumbe eminkarhini ya vatata wa n'wina, xana mhaka yo fana ni leyi yi tshama yi humelela xana?

Amosi 3:1

Rhiyani ndleve n'wina vanhu va Israele, n'wina rixaka hinkwaro leri HOSI Xikwembu xi ri humeseke etikweni ra Egipta, mi twa leswi HOSI yi mi tshinyaka ha swona. Yi ri:

Amosi 7:16

Sweswi, yingisa rito ra HOSI, wena u ndzi byelaka leswaku ndzi nga vi muprofeta loyi a lwaka ni Vaisraele, naswona ndzi nga vulavuli swo lwa ni rixaka ra Isaka.

Mikiya 6:2

N'wina tintshava, twanani milandzu leyi HOSI Xikwembu xi lavaka ku yi boxa, ndzi vula n'wina masungulo ya misava lama nga kona hilaha ku nga heriki. HOSI Xikwembu xi ni mhaka leyi xi lavaka ku yi kanela ni vanhu va xona, xi lava ku tengisana ni Vaisraele.

Yohane 8:55

Kasi a mi n'wi tivi, kambe mina ndza n'wi tiva. Loko ndzi nga vula leswaku a ndzi n'wi tivi, ndzi ta va muhembi ku fana na n'wina. Kambe mina ndza n'wi tiva, kutani ndzi hlayisa rito ra yena.

Varhoma 1:28

Kutani leswi vanhu lava va nga lavangiki ku tiva nchumu hi tlhelo ra Xikwembu, Xikwembu xi va nyiketile emiehleketweni leyi nga lavekiki, va ko va endla ni leswi nga fanelangiki.

1 Vakorinto 15:34

Xalamukani swinene, mi tshika ku dyoha. Van'wana va n'wina a va tivi Xikwembu; ndzi vula leswi hi ku mi khomisa tingana.

Nhlavutelo 2:11

“ ‘Loyi a nga ni tindleve a a yingise leswi Moya wu swi byelaka tikereke. Loyi a hlulaka, a nga ka a nga vavisiwi hi rifu ra vumbirhi.’ ”

Nhlavutelo 2:29

“ ‘Loyi a nga ni tindleve a a yingise leswi Moya wu swi byelaka tikereke.’ ”